ROM MIKA POL KA SIITI KENIIÑ 11:29 - NITI GONTU N.T. (BSI)

²⁹ Niimpalukoda ahmiñayiñ atañla Pinii ka gyoniiñ nyi lugu make.

ROM MIKA POL KA SIITI KENIIÑ 11:29 ပူးပေါင်းရင်းမြစ်များ

HIBRU 7:21

Hutiina kapyo ho nyibupa lyinya tiinii mohlu hemme matii, hojalo siika konesi nyibu hiila myantii hemme niika agiñho, “Attoh hemme tii ho mohka henje mi hengu kema, ‘No ayu dahepa nyibupa lyikiñdo.’”

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

ROM MIKA POL KA SIITI KENIIÑ 8:30

Ho humina mo bardiñsoyu tiinii mo hiimi gyoduta; ho humina gyotiinii hiimi lupyatiiku; ho humina lupyatiikunii mo hiimi tatukatu kiine duta.

ROM MIKA POL KA SIITI KENIIÑ 11:30

Si chulipa niihtañpa nunu ronge Pinii ka luniiñ tamapa dane hojalo siisi aroh mi larii tiiku mohluka luniiñ tama kopa,

1 KORINTIA 1:26

Niimpalukoda nunu mika gyoniiñ mi henka tokurañ, anubarmii atañ; nunu abuje chilamane kiiddiapiñ ka henju ho henka siido koda, nunu tamo mane, nunu halugiira ka khiiko ho bukomanii;

IPISIA 1:18

nunuka ahha ka amee mi hutoh byohu kencho, niimpalukoda nunumi chinke nendupa niitañka hentiñ naniiñ pana nunumi gyotii nii, niihna mohka hempḛr tatukatu atañ piniimiyu atañ mika pensi sanii,

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

IPISIA 4:4

Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

PILIPIA 3:14

Ngo uroyapa miichi ahmiñayiñ mi lariidupa, ayoh dalyi hokii ka Pinii ka gyoniiñ mi Kristo Jisu ko.

2 TESOLONIA 1:11

Hiiko hopa ngunu kiirañ nunupa kubidu, niimpalukoda ngunuka Pinii nunumi niihpa gyotii hiipa khiikiñcho hiila, ho miipe kencho kapane aya miigo miichi luniiñmi ho henje ka miigomi mohka harchichike lo,

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

2 PITAR 1:10

Hopa, anubarmii atañ, uroyapa ya mechi hiila hento nunumika gyoniiñ la kahe niimi chindḛr dupa, niimpalukoda nunu matiirḛ siimi miido koda nunu pema huhi kemake;