ROM MIKA POL KA SIITI KENIIÑ 11:25 - NITI GONTU N.T. (BSI)

²⁵ Hiilamakoda nunu atohmi chilanii hiila hensu kendo nunuka atoh hentiisiiniiho, ngo nunumi siika lukolamanii drih mi chinke nenado, anubarmii atañ: henjelamanii ahha hii Isrel tange ko ahla do, nii dahepa hikha Midomiyu atañ ahtema,

ROM MIKA POL KA SIITI KENIIÑ 11:25 ပူးပေါင်းရင်းမြစ်များ

LUK KA AYAPUYU 21:24

mohlu ilyo ka nyatañ ho huha kendo, ho dornya kendo hikha ganda atañ; ho Jerusalem hii Midomiyu atañlo nyorpi loko kendo, nii dahepa Midomiyu atañka myodu hii lyipetama.

ROM MIKA POL KA SIITI KENIIÑ 16:25

Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa

ROM MIKA POL KA SIITI KENIIÑ 12:16

Ahiñpa hembiidola kone anyañ agiñho santo lya; hentii siilya yo, hojalo arro yama agiñho dahiñ montolya; pema hentii siilyayo.

MIHUKAKIÑNIIÑ 10:7

hojalo niimpalukoda kanunii miidopopi ka goropaka siirii mulyi allo ho, Pinii ka michilamanii drih, mohka miira nyibuhenii atañ mika hemme biniiñhii, lyipe kendo.

MIHUKAKIÑNIIÑ 7:9

Siika hiibaho ngo kapato, ho kato, hempḛr taro miyu nii mina miyu kone hetrḛ khiila kema, ganda kone abi hokii, kapane halugiira hokii ho miyuatañ, ho aguñ atañ, raddeduko ka hataho danyada ho Siibuñ ka hataho, puloo tarii giinya tola, pam sannii ka halloh mi biitola mohluka alah ho,

IPISIA 3:9

ho hikha miyu atañmi kapa kiine dupa niihna michilamanii henjuniimi achuñ tola dotiinii santuñ abuje hepa Pinii huna hikha drih atañmi putiinii;

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

2 PITAR 3:8

Hojalo helyu nyayo siika jije kone mi, heniiñja, Attoh pakoda allo lohe hii anyañ nyang jarepa lyido, ho anyañ jare hii allo lohe chuli pake lyidonii.

1 KORINTIA 10:1

Ngo nunumi chinke nenado, anubarmii atañ, ngunuka aba atañ hikha jomii ka ura ho dane, ho hikha miilañru yasie siimie mi repo bobiine,

ROM MIKA POL KA SIITI KENIIÑ 1:13

Ngo nunumi chinke nenado, anubarmii atañ, ngo kiirañ nunuko ahnañto (hojalo siisilohe pa atiñ tola done), niimpalukoda ngo amoo iche ladupa nunuka punkoho ho hiika agiñho khiibe Midomiyu atañka punko hokii tiirḛ.

1 KORINTIA 12:1

Siisi yajiyallo ka ahmiñayiñ ka piigo mi, anubarmii atañ, ngo nunumi luko mapa biina ma.

METHU 13:11

Ho mo mohlumi lusitii, Nunumi Pinii ka raddeganda ka khiibe chimma niimi chindopa bitola do, hojalo mohlumi siimi bima.

JON KA AYAPUYU 10:16

Ho ngiikii ponge ya subuñ da, hiika atañhii siika giiri hokiima; ngo mohlumi tiirḛ ahgii kendo, ho mohlu ngiika aguñmi tage kendo. Hopa hiikaho subuñ tonge, subuñsornii konesii dakiñ siidonii,.

ROM MIKA POL KA SIITI KENIIÑ 9:18

Hopa mo aroh du humina mo aroh nandonii, ho mo ahha mi alḛr dopa miidu humina mo miina donii.

ROM MIKA POL KA SIITI KENIIÑ 11:12

Siisi matiirḛ mohluka palle hii dohadolo mi mingo giido koda, ho matiirḛ mohluka miipelamanii hii Midomiyu mi mingo giido koda, niimkane abu kendo hikha mohlu ahgyo dokoda!

ROM MIKA POL KA SIITI KENIIÑ 11:24

Niimpalukoda matiirḛ nunumi morey kutuahee sannii hokii pabii tiikoda, ho gagyo liitii, dumiñ sanju mi miikhola, alinii kutuahee sannii ho, niimkane siika jije sancha nii halloh atañ miya gagyo gakur liila kendo mohluka atoh kutuahee sannii ho.

1 KORINTIA 2:7

Hojalo ngunu mih chimanii ho Pinii ka achuñ tola donii chila mike tiilii duniiñ, Niimina Pinii ayuho miiju tiinii ngunu mika assañ naniipa.

1 KORINTIA 4:1

Siikasi niihtañpa nunu ngunumi henkiñdo lukoda, Kristo ka miira ho Pinii ka mih chimaniimi ka kabii biniiñ atañ hiila.

IPISIA 1:9

Niimpalukoda mo ngunumi chinke nentii hikha chilalo ho chiniiñlo michilamanii mi mohka henjumi, mohka miidiñ loda la Kristo kiilo atii biniiñ mi

IPISIA 4:18

mohlu kamonyada mohluka chilananiiñho, Pinii ka sango hokii nempa linko kunii niimpalukoda mohluka tamkalo mako hopa, mohluka ahha ka alḛr kopa;

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.