ROM MIKA POL KA SIITI KENIIÑ 11:14 - NITI GONTU N.T. (BSI)

¹⁴ ngiika Jew ahiñ atañmi kariñkiine dupa, ho hiila miibiidola tonge mi lyangur kiine dupa.

ROM MIKA POL KA SIITI KENIIÑ 11:14 ပူးပေါင်းရင်းမြစ်များ

1 KORINTIA 7:16

Mihie, niihtañpa no chindo niika millo mi no lyangur lakiñdo hiila? Millo, niihtañpa no chindo no niika mihie mi lyangur lakiñdo hiila?

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

TAITAS 3:5

mo ngunumi lyangur tiiku, ngunuka denki hoka miigo miiniiñ kopama, hojalo mohka aroh ka henjukopa sii, asekula aya yadopa ho nitidopa miitiiku Darii Yajiyallo ho,

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

1 TIMOTI 2:4

huna hikha miyu atañmi lyangur kiine nandonii ho ahke nenala hendonii jije ka chiniiñho.

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

ROM MIKA POL KA SIITI KENIIÑ 11:11

Hopa ngo takato, mohlu giihi tadadopa liichi neha ehna? Pema hiilama! Hojalo mohluka palle kopa sangopyako hii Midomiyu atañ ko ahdo, Isrel atañmi kariñkiine dupa.

JEMS 5:20

mohmi chinke nento hujalo ingyamiigyanii konemi mohka miigyanii lembo hokii ahkur giichi mohka yallo mi shiisa nii hokii lyangurtii ho abuje ingyamiigyanii atañmi lapu biido.

ROM MIKA POL KA SIITI KENIIÑ 9:3

Niimpalukoda ngo miila siido koda ngoya khiilii kopa hendo ho Kristo kokii khiipa kobii lyijalo ngiika anubarmii atañ kiipa, ngiika henii-myanii atañ kiipa.

PELEMON 1:12

Ngo mohmi niiko kiiniñ nenku biilyi kuke, ngiika ahha jami ke kiiniñ biilyinii.

ROM MIKA POL KA SIITI KENIIÑ 10:19

Hiira ngo taka du, Isrel tachiñ manepo? Kapyo pa Mose lune, “Ngo nunumi kariñdopa miichi hiika atañmi hutii na ganda kiimanii; piicha ganda agiñho ngo nunumi hadii dopa miichi.”

1 KORINTIA 10:33

niihtañpa ngo hikha miyu atañmi hempyo miipa dupa miidu kapane ngiika miiko ho, ngiika aya kiipa memapa, hojalo abujepa, niimpalukoda mohlumi lyangur kiine dupa.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

HIBRU 2:3

niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,