ROM MIKA POL KA SIITI KENIIÑ 1:1 - NITI GONTU N.T. (BSI)

¹ Pol, Jisu Kristo ka miira, kiiniñkonii paka gyoliñ nii, Pinii ka ayapuyu paka atii tiingunii

ROM MIKA POL KA SIITI KENIIÑ 1:1 ပူးပေါင်းရင်းမြစ်များ

MAK KA AYAPUYU 1:14

Siisi Jon mi pattiih boku lala, Jisu Galili ho ahtii, Pinii ka aya puyu mi tonsḛrkhenyo tii,

JON KA AYAPUYU 12:26

Hujalopa matiirḛ ngiimi miihotalyi, mo ngiimi imbo monkiñdo loda; ho noh ngo da, hiiko ngiika miira tiirḛ dakiñdo; hujalopa ngiimi matiirḛ miihotalyi, Aba mohmi khiikiñdo.

JON KA AYAPUYU 15:15

Ngo nunumi miira hiila gyote kuma, niimpalukoda miira hii chima mohka atoh nii miido hiila; hojalo ngo nunumi ngiika ajiñ hiila gyodu, niimpalukoda hikha ngo niihna ngiika Aba kokii tapa tiinii hiimi nunumi chindopa miitii.

JON KA AYAPUYU 15:20

Henge giitolya dohadolo mi ngiika nunumika luko niimi, ‘Miira hii atoh mi kahe yama ke.’ Mohlu matiirḛ ngiimi miihimiire dokoda, mohlu nunumi miihimiire kendo; mohlu matiirḛ ngiika aguñmi atii biido koda, mohlu nunuka aguñ mitrḛ atii biikiñ doke.

MIINIIÑ 13:9

Hojalo Sol, humina Pol hiila hiitiirḛ gyotiinii, Darii Yajiyallo giitola, mohmi kaniila kaditii

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

MIINIIÑ 21:40

Ho mo mohmi apa kiile, Pol, abya ho dala, mohka alah lo miyu atañmi hohe biidola; ho hiiko hempḛr taro dalyinii, mo mohlumi Hebrew aguñpa luriitii, lubiidola:

MIINIIÑ 22:21

Ho mo ngiimi lutii, ‘Inge; niimpalukoda ngo niimi hempḛr adho Midomiyu ko kiiniñ biilyi ke.’”

MIINIIÑ 22:7

Ho ngo kiiddi ho giipayu ho aguñ gonge ngo tapato, ‘Sol, Sol, niimpa no ngiimi miihimiire du?’

MIINIIÑ 26:1

Agrippa Pol mi lutii, “Niimi ludo pa bibii lyike.” Ho Pol mohka alah mi lyuliñ biidola ho mo lupya siitii:

MIINIIÑ 26:14

Ho ngunu hikha kiiddi ho giiyi kiile, ngo aguñ gonge tapa Hibru aguñ pa ludopa, ‘Sol, Sol, niimpa no ngiimi miihimiire du? Si no atoh mike heru miipa siibii donii attoh mika alih tuku niisi.’

MIINIIÑ 27:23

Niimpalukoda siyo ka ayoh jaho Pinii ka miidopopi ngiika aruñ dakiñ doke humina ngo herii dunii ho hukiina ngo,

MIINIIÑ 9:15

Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke;

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

ROM MIKA POL KA SIITI KENIIÑ 1:5

hukiilona ngunu aroh-aya la kiiniñkonii ka miigomi kapa tiinii henjelaka luniiñ tako hopa, niimpalukoda mohka armyañ ka piigo kiipa hikha ganda siiko ho,

ROM MIKA POL KA SIITI KENIIÑ 1:9

Niimpalukoda Pinii ngiika haki, humina ngo miihodonii ngiika yajiyallo lo Oho ka ayapuyu ho, lungo mapa ngo kiirañ niimi ngiika kuniiñ ho hempadu,

ROM MIKA POL KA SIITI KENIIÑ 11:13

Siisi ngo nunu mike Midomiyu atañ lurii dunii. Nii dahepa ngo Midomiyu koka kiiniñkonii pa lyichi, ngo ngiika miigomi assañ siichi

ROM MIKA POL KA SIITI KENIIÑ 15:16

Jisu Kristo ka miira pa lyila Midomiyu atañ ko nyibu ka miigomi Pinii ka aya puyu mi ludupa, niimpalukoda Midomiyu atañka biniiñ mi larii ladopa, Darii Yajiyallo lo darii miibiidola.

ROM MIKA POL KA SIITI KENIIÑ 15:29

ho ngo chindo niida ngo nunuko ahchi ngo poteje Kristo ka lyaniiñ mi bagiila ahchi.

ROM MIKA POL KA SIITI KENIIÑ 16:18

Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido.

ROM MIKA POL KA SIITI KENIIÑ 16:25

Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa

1 KORINTIA 1:1

Pol, Pinii ka henko jaho Jisu Kristo paka kiiniñkonii paka gyokonii, ho ngunuka abañ Sostenes,

1 KORINTIA 9:1

Ngo dasḛr mapeha? Ngo kiiniñkonii mapeha? Ngo ngunu Attoh Jisu mi kapa matopeha? Nunu ngiika Attoh koka miijo mapeha?

2 KORINTIA 1:1

Pol, Kristo Jisu ka kiiniñkonii Pinii ka henko jaho, ho Timoti ngunuka anu. Pinii ka gyoliñkonii Korint hoka dunii atañmi, hikha piniimiyu atañka agiñho hutiina Akaia ho dunii:

2 KORINTIA 11:5

Ngo hendo ngo siika kayeya kiiniñkonii atañ hiilaka lusu boko hokii atu yama hiila.

2 KORINTIA 11:7

Ngo ingyamiigya la miitiipeha ehna ngo atohmi atu miisu lala ho nunu mika jotu niisi, niimpalukoda ngiika Pinii ka ayapuyu mi hang lujo lama paka luko koso?

2 KORINTIA 12:11

Ngo piicha pa lyito! nunu ngiimi cheche siimi lutii, niimpalukoda ngo nunulo assañ kokiñtii. Niimpalukoda ngo pema atu yala lyima siika khiiniiñ ya kiiniñkonii hiila ka lusu nyanii atañ kokii, ngo hang masu jalo.

2 KORINTIA 2:12

Ngo Troas ho Kristo ka ayapuyu mi tonsḛrkhenyo dupa ahchi biikele, lyego mi ngiipa miiko bine Attoh pa;

2 KORINTIA 4:5

Niimpalukoda niihna ngunu tonsḛrkhenyo donii hii ngunu atoh mima ke, hojalo Jisu Kristo mi Attoh hiila, ngunu atohmi nunuka miira atañ hiila Jisu kiipa.

GELESIA 1:1

Pol kiiniñkonii kone. Miyu kokiima malo miyu loma, hojalo Jisu Kristo ho Pinii Aba kiilo, huna mohmi shiinii hokii seri tiinii,

IPISIA 1:1

Pol, Kristo Jisu ka kiiniñkonii Pinii ka henko jaho, Pinii miyu atañmi hutiina lotii nyadonii Kristo Jisu ko:

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

IPISIA 4:11

Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

PILIPIA 1:1

Pol la Timoti, Kristo Jisu ka miira kokii, Hikha piniimiyu atañ Kristo Jisu ko hutiina Pilipi ho dunii, bisop la deakon atañ agiñho:

PILIPIA 2:11

ho aguñ gonge abi khako kendo Jisu Kristo Attoh hiila, Pinii Aba mika assañ naniiñpa.

KOLOSIA 1:1

Pol, Kristo Jisu ka kiiniñkonii kone Pinii ka henko jaho, ho Timoti ngunuka anu,

KOLOSIA 1:25

niihpana ngo miihoniipa lyidonii piniimiigopa nii mina ngiimi bitiinii nunupa, Pinii ka aguñmi aya loda chinke nendupa,

1 TESOLONIA 2:2

Hojalo ngunu heru hensutiiku ho hiinyañmohi dopa miipa kosu tiijalo Pilipi ho, nunu chindo, ngunu haroto ngunuka Pinii ko nunumi Pinii ka ayapuyu mi luko dopa hempḛr uro cherii niika hataho.

1 TESOLONIA 2:8

Hopa, nunumi hempḛr hela, ngunu nunumi ayapuyu mi kontii mapa hojalo ngunu atoh mitrḛ biche siinato, niimpalukoda nunu ngunuka hempḛr heniiñ pa lyidoku.

1 TESOLONIA 2:9

Niimpalukoda nunu hempa dudo ngunuka miiniiñ ho apo kheniiñmi, anubarmii atañ; ngunu allo ayoh miigo miito, niimpalukoda ngunu kone mitrḛ nunumi alluaba mi bake nena mato, ngunuka Pinii ka ayapuyu mika nunumika tonsḛrkhenyo lyiho.

1 TIMOTI 1:1

Pol Kristo Jisu ka kiiniñkonii kone Pinii ka luniiñ ngunu mika lyangurbo ho Jisu ngunuka hentiñnanii,

1 TIMOTI 2:7

Niimpalukoda siika sipa ngiimi kahetii tonsḛrkhenyo niipa ho kiiniñkonii pa (Ngo jije mike lukodunii, Ngo gollu make), Midomiyu atañka tonsḛrbo pa henje la jije nyiho.

2 TIMOTI 1:11

Niimpalukoda siika ayapuyu pa ngiimi kahetii tonsḛrkhenyo ho kiiniñkonii ho sariipa,

TAITAS 1:1

Pol, Pinii ka miira ho Jisu Kristo ka kiiniñkonii kone, hiimi uro yapa hembyuñ kiine dupa Pinii ka kahe konii atañka henje mi ho mohluka jije ka chila mi niihna piniisanju jaho donii,

HIBRU 5:4

Ho kone hetrḛ atoh atoh mi khiisu make, hojalo mo Pinii loke gyoko dunii, niihtañpa Aron mi gyotii.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

JEMS 1:1

Jems, Pinii la Attoh Jisu Kristo ka miira, Alyañlenye impyainsanii halu atañmi: Ayahelyi.

1 PITAR 4:17

Niimpalukoda myodu si ahlyi kuke ayakacho kari biidu kupa Pinii ka ude atañ hokii kari biila; ho hiikahii matiirḛ ngunu kokii kari biido koda, nii lyikiñdo mohluka kamikalo hii hutiina Piniika aya puyu mi luniiñ tama nenii?

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIHUKAKIÑNIIÑ 22:6

Ho mo ngiimi luhii, “Siika aguñ atañsi henjesaniiñ ke ho jije ke. Ho Attoh, nyibuhenii atañka yajiyallo ka Pinii, kiiniñtii mohka miidopopi mi mohka miira atañmi kakiñ kiine dupa niihna hempḛr nyibya lyikiñ donii.

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”