PILIPIA 4:8 - NITI GONTU N.T. (BSI)

⁸ Kamijapa, anubarmii atañ, niihna jijenii, niihna khiisaniiñ, niihna miidikonii, niihna dariinii, niihna kapyo doniiñ, niihna aroh-aya doniiñ, hiiko matiirḛ hempḛr ayado hiila hendo milo, hiiko matiirḛ hangdrih jalo khiila assañdopa lyido milo, hiika drih atañka piigo mi henka nyato.

PILIPIA 4:8 ပူးပေါင်းရင်းမြစ်များ

METHU 22:16

Ho mohlu mohluka henjeajiñ atañmi mohko kiiniñtii, Herod agiñho, lubiidola, “Tonsḛrbo, ngunu chindo no jije, ho Pinii ka lembo mi jije loda lukodo, ho miyu mi hang henama; niimpalukoda no miyu ka mingotamo mi hang henama.

MAK KA AYAPUYU 6:20

niimpalukoda Herod Jon mi biisotii, Jon denki ho darii miyu hiila chimbii tola, ho mohmi memma pa atiitii. Mohka piigo mi mo tapa lala, mo tadḛr biila mapa lyitii; hojalo mo hempyo biidola tatii.

LUK KA AYAPUYU 16:15

Hojalo mo mohlumi lutii, “Nunuke hiika atañ hutiina atoh mi miyu atañka hataho denki kakiñ siidanii, hojalo Pinii nunuka ahha mi chindo ke; nii mina miyu ka hataho assañ siidonii hii Pinii ka kata ho khiimake.

LUK KA AYAPUYU 2:25

Siisi Jerusalem ho miyu kone dutii, hiika armyañ Simeon hiila, ho siika miyu si denki ho Pinii kii dalyi henga niitii, Isrel mika myanii mi kahlya la, ho Darii Yajiyallo mo ayoh ho dabo montii.

LUK KA AYAPUYU 23:50

Siisi hiiko Josep hiila miyu kone dutii Arimatia ka Jew taun hokii. Mo bulyañ hoka dubonii kone, denki ho lotii miyu,

JON KA AYAPUYU 7:18

Huna atoh ka otority lo ludonii hii atoh mi assañ shiipa miido; hojalo huna mohmi assañ dupa miidonii huna mohmi kiiniñ tiinii hii jije, ho mohko hang gollumisu giima.

MIINIIÑ 10:22

Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa

MIINIIÑ 22:12

“Ho Ananias hiila kone, henjenii miyu kone dapo hokii chulipa, hikha Jew atañ loka khiikola hoka dunii,

MIINIIÑ 6:3

Hopa, anubarmii atañ, nunuka punko hokii kanuhe denki miyu hokii kaheto, poteje Yajiyallo ho chila giinii hokii, hiimi ngunu siika miigo pa kahesa.

ROM MIKA POL KA SIITI KENIIÑ 13:13

Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa.

ROM MIKA POL KA SIITI KENIIÑ 13:3

Niimpalukoda sangiibo aya miigomiinii mi muluñ make, hojalo diimmah mike. Nunu hang biiso mapo mohmi huna otority ho dunii? Hiilakoda niihna aya donii hiimi miito, ho nunu mohlo lyanko kendoke,

ROM MIKA POL KA SIITI KENIIÑ 14:18

mo huna Kristo mi miiho donii hii Pinii ka talii lasanii ho miyu atañka kahe kuniiñ.

ROM MIKA POL KA SIITI KENIIÑ 2:29

Mo Jew huna ura hokiila aya donii, ho jije mitupikonii hii ahha hoke donii, yajiyallo hoke ho keto laka donii make. Mohka assañ nii hii miyu kokii make hojalo Pinii kokiike.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

2 KORINTIA 13:7

Hojalo ngunu hiila Pinii mi kudu nunu miigya mado koda hiila-ngunuka ahniiñsi tenka niimi kapa dupa hiilama, hojalo nunumi niihna jijenii hiimi miike nendupa, ngunu miipelama pa lyisu dojalo.

2 KORINTIA 6:8

khiido jalo ho khiima jalo, khiipa dojalo ho assañ dojalo. Ngunu mi gollunii hiila khiitii hojalo jijelunii;

2 KORINTIA 8:18

Mohka agiñho ngunu kiiniñ biilyi ke anu kone mi humina hikha gyoliñkonii atañ ho ano tapa la lyidonii mohka ayapuyu mika tonsḛrkhenyo niimi;

2 KORINTIA 8:21

niimpalukoda ngunu miiniiñsi niihna ayadonii Attoh ka kata ho hiimi kontii mapa hojalo miyu ka kata hotiirḛ.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

IPISIA 4:25

Hopa, gollumisu mi opatoku, kone abi jije mi luto atohka ariapii mi, niimpalukoda ngunu uru koneka ahiñke.

IPISIA 5:9

(niimpalukoda hutoh ka ahee mi hikha aya ho miidiko ho jije hoke kapa donii),

IPISIA 6:14

Hopa gurito, niika giigya mi jijelo apu giito, ho denki mi habyañsiitiñ naniiñpa,

PILIPIA 3:1

Kamijapa, ngiika anubarmii atañ, Attoh ko hempyoto. Ngiipa hang hadii kapama keniiñ akomi hiira nunu paka ketila lyiniiñsi, ho hii nunuka aya kiipake.

KOLOSIA 4:5

Nunuka mujuluju mi hendi miidola miito ago miyu agiñho, aya myodumyolo mi miidiko miibii dola.

1 TESOLONIA 4:12

niimpalukoda nunuka hiika miiniiñlo agomiyu lo khiiko dupa, ho kone mitrḛ hentiñla duyo.

1 TIMOTI 2:2

radde atañpa ho hikha hutiina akho pa dunya dunii, niimpalukoda ngunu yanu ho chimie sango sangii kodupa, piniihenju ho kapakohe khiiko biidola.

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

1 TIMOTI 3:4

Mo atohka uru mi ayapa kagii kendo, mohka wiinga atañmi luniiñtanii ho kapane lembo ho khiiko dopa atiikendo;

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 TIMOTI 5:2

akhaya nyimii mi annii atañ hiilyañpa khiito lya, ajañya nyimii mi barmii hiilyañ khiito, hikha dariilo.

TAITAS 1:8

hojalo hapumibya kendo, aya mika heminii, atoh mika miilyañ siiniiñ, lotii, darii, ho hendi-miidi niikiñdo;

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

TAITAS 2:2

Abañ yami yarto hendito hiila, uroheniiñ, dadimiiri, aya henje niikiñdo, hensuniiho, ranttiniiho.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

TAITAS 3:14

Ho ngunuka miyu mi chingii kiine tolya aya miigo miiju ho atoh atohmi miilii siidopa, niimpalukoda aniipiida anna laka lyinii mi hembyuñ dopa, ho piigoama pa miike nelyayo.

HIBRU 11:2

Niimpalukoda siika silo bilo miyuatañ lariinyatii piniimiito luniiñmi.

HIBRU 13:18

Ngunu pa kuto lyape, niimpalukoda ngunu jije mike ludunii ngunuko didḛr henju hii doke, kapane drih atañ ho khiiko dopa miinañla.

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

1 PITAR 4:8

Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

2 PITAR 3:1

Siikasi siiti tanye niipa ke ngo nunumi kebii lyinii, heniiñja, ho tanye ruho ngo nunu denki henjumi hiira herila hempa dopa miitii;

1 JON 3:18

Himme atu atañ, kiije ngunu hensu masa aguñlo kontii malo luniiñlo kontii hojalo miibii dola ho jije lo.

1 JON 3:3

Ho kone abi huna mohko hentiñ mi atii donii atohmi darii miisudu niimpalukoda mo darii.

1 JON 4:1

Heniiñja, yajiyallo koneabi mi henje lyayo, hojalo tenka tolya yajiyallo mi siika atañsi Pinii kokii siipeha hiila; niimpalukoda abuje amuh nyibuhenii dohadolo so linya ne.