PILIPIA 4:3 - NITI GONTU N.T. (BSI)

³ Ho nunu mitrḛ ngo kulyi ke, jije ajiñ atañ, siika annii akha atañmi hembyuñ to, niimpalukoda mohlu ngiika agiñho ngiimi miibyuñ montiike ayapuyu lukoko Klement ka agiñho ho khiibe ngiika miigo miihiñ agiñho, huka armyañ na sango ka kheta ho ketola donii.

PILIPIA 4:3 ပူးပေါင်းရင်းမြစ်များ

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

ROM MIKA POL KA SIITI KENIIÑ 16:12

Attoh koka miigo miinii atañmi ayahelyi, Tripena la Triposa mi. Heniiñja Parsis mi ayahelyi, huna Attoh ko uro miigo miine nii.

ROM MIKA POL KA SIITI KENIIÑ 16:9

Arbanas mi ayahelyi, ngunuka miigo miihiñnii Kristo ko, ho ngiika heniiñja Istakis.

PILIPIA 1:12

Ngo nunumi chinke nenna do, anubarmii atañ, niihna ngiiko lyitiinii jijeloda ayapuyu ka aya kiipa siike,

PILIPIA 1:16

Kamidakii miido hensu niilo, chimbii tola ngiimi so ayapuyu mi lugur niipa atiitii hiila;

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

PILIPIA 1:5

payapacho nunuka miibyuñ monko hopa ayapuyu ho allo lotu jaho hokii siilo lohepa.

PILIPIA 1:7

Siikasi ngiipa hendiko hiila hendo hikha nunupaka heniiñsi, niimpalukoda ngo nunumi ngiika ahha ho atii biidu, nunu hikha ngiika agiñho aroh-aya mika labo monii, anyeruho ngiika patiihtunko kotrḛ ho ayapuyu mika lutrḛ ko ho jijeke hiila luko ko.

PILIPIA 4:2

Ngo Yudia mi yartii ho Sinteke mi yartii Attoh ko talii to hiila.

KOLOSIA 1:7

nunu chintii Epaphras ngunuka heniiñja miira ahiñ kokii. Mo lotii Kristo mika miihonii kone ngunu kiipa

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 20:12

Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.