PILIPIA 4:18 - NITI GONTU N.T. (BSI)

¹⁸ Ngo poteje ngiika injomi labiitiiku, ho abuyapa; ngiikii potedoku, Ipaproditas mika nunuka ahmiñayiñ bilii niimi lariikiile, narunempyo biniiñ hiilyañdo, membiniimi lariitii ho Pinii mi hempyo miipatii.

PILIPIA 4:18 ပူးပေါင်းရင်းမြစ်များ

HIBRU 13:16

Aya miigo miisa niimi byalya yo ho tache bidupa niihna niiko donii, niimpalukoda sitañ hempa biniiñ hiike Pinii mi hempyo miipa dunii.

PILIPIA 4:12

Ngo chindo niihtañpa hembyañ biikiñdo, ho ngo chindo niihtañpa abudopa hembii kendo; niijalo ho hikha myodu myolo mi ngo chingii tiiku michimaniimi niihtañpa kariikendo abujemi ho haya mi, abuje doniimi ho anna niimi.

2 KORINTIA 9:12

niimpalukoda siika miigo soka miibyuñ nii hii piniimiyu ka anna mi kontii bibyuñ do hiila ma hojalo Pinii mika abuje payapacho luko hotiirḛ bipa la doku.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

2 TESOLONIA 1:3

Ngunu nunupa kiirañ Pinii mi payapacho ludopa loda lyido, anubarmii atañ, si miisa niisuta, niimpalukoda nunuka henje hempḛr uropa sanchala do, ho nunuka hensunii kone anyañ paka heniiñ hii abuyayado.

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

MIINIIÑ 10:4

Ho mo mohmi kadi biido biiso biidola, ho lutii, “Siikasi nii, Attoh?” Ho mo mohmi lutii, “Niika kuniiñ ho niika biliñkeliñ nii Pinii ko lohepa hempa hegiñ naniipa chachi doke.

2 KORINTIA 11:8

Ngo khiibe gyoliñkonii atañmi rotii mohluka hembyuñ niimi larii biidola nunumi miiho dupa hiila.