PILIPIA 4:17 - NITI GONTU N.T. (BSI)

¹⁷ Hiilamaje ngo ahmiñayiñ medu hiila; hojalo ngo ahee mi medu niihna nunuko abuyapa dori kendo nii.

PILIPIA 4:17 ပူးပေါင်းရင်းမြစ်များ

TAITAS 3:14

Ho ngunuka miyu mi chingii kiine tolya aya miigo miiju ho atoh atohmi miilii siidopa, niimpalukoda aniipiida anna laka lyinii mi hembyuñ dopa, ho piigoama pa miike nelyayo.

HIBRU 6:10

Niimpalukoda Pinii hensamiisa la nunuka miigo miiniiñmi kago kema ho nunuka heniiñmi mohkiipa piniimiyu atañ mika miiho niimi, siisi jalo nunu miila do.

JON KA AYAPUYU 15:8

Siika silo ngiika Aba assañkodu, nunuka abuje ahee hiniiñlo, ho ngiika henjeajiñ hiila kakiñ siito.

1 PITAR 5:2

Pinii ka subuñatañ mi kabii tolya nunumika kabii dopaka biniiñ mi, miinamapa miite mapa hojalo miinabiidola miito, hiinyañmohi ka paser miiliñ biichi hiila mapa hojalo miinala hembiidola miitolya,

TAITAS 1:7

Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

PILIPIA 4:11

Hiilamake ngo annala ludu hiila; niimpalukoda ngo chingii doku, ngo niihtañ siijalo, ngo hembyañ siibii kendo hiila.

1 TESOLONIA 2:5

Niimpalukoda ngunu pema luta nama surudonyo aguñmi, nunu chindo, malo chahi mi achuñ giipama, Pinii haki pa dake;

2 KORINTIA 9:5

Hopa ngo hentii anubarmii tonge mi kiiniñ dopa lyido ngiika ahma rampa ahpyo hete hiila nunuko, ho miimyo he siika ahmiñayiñ bisa niimi nunuka hemme niimi, niimpalukoda siika siimi khoniiñ hiila mapa hojalo hembiidola ka ahmiñayiñ biniiñ hiila.

ROM MIKA POL KA SIITI KENIIÑ 15:28

Hopa niida ngo siimi miipe talyi, ho siimi mohlumi biku lala niihna bikuñ bipa tiinii, ngo nunumi impo biila Spain ho inchi;

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

2 KORINTIA 11:16

Ngo luti biilyi ke, kone tiirḛ ngiimi piicha hiila heyo; hojalo nunu matiirḛ henjalo, piicha hiila hembiidola ngiimi lariipe, niimpalukoda ngiimi tiirḛ iche khansu ladopa.

JUD KA SIITI KENIIÑ 1:11

Aiya hiila hembido mohlupa! Niimpalukoda mohlu Ken ka inchañ ho indo, ho mohlu atohmi apa siibiido niimpalukoda paser miiliñbiidupa Balam ka miikha ko jaho, ho Kora ka chekho ko lyubo mondu pa hiila.

2 PITAR 2:3

Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

1 TIMOTI 3:3

ow tangii kema, payagaya kema, hojalo yanu kendo, gasupasu kema, ho tiicko hembyo kema.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

2 PITAR 2:15

Lembo jijemiya apatela mohlu ngola ya da; mohlu Balam ka lembo mi paboda, Beor ka oho, huna hembyo danii ayamanii miiniiñ hokii pasermiiliñ biidupa,

1 TIMOTI 6:10

Niimpalukoda tiicko mika hembyoniiñ amane diimmah ka liima pa lyido; siimika hembyo kopa tonge henje hokii ngonyaneku ho mohluka ahha mi abuje heru miipa siinyada.