PILIPIA 3:8 - NITI GONTU N.T. (BSI)

⁸ Jije ludokoda ngo kapanedrih mi alyu siitii luchi niimpalukoda hiimitiirḛ khiiniiñya ngo chingiitii Kristo Jisu ngiika Attoh mi. Mohkiipa ngo heru hembitii alyu siila hikha drih atañmi, ho hiika atañmi ma hiila khiitii, niimpalukoda ngo Kristo mi padupa

PILIPIA 3:8 ပူးပေါင်းရင်းမြစ်များ

ROM MIKA POL KA SIITI KENIIÑ 8:18

Ngo hendo siisika heru heniiñ hang masu khiitiñ nansu dokoda hiika tatukatu agiñho nii mina ngunumi kakiñ kendonii.

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

PILIPIA 3:7

Hojalo niijalo ngo miiliibiitii, ngo hiimi miikho siitii khiichi Kristo kiipa.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

PILIPIA 3:10

niimpalukoda ngo mohmi chindupa ho mohka turiturku niika harchichike mi, ho mohka heru mi henche mondupa, mo chuli lyidupa mohka shiiko ho,

2 PITAR 1:3

Mohka pinii harchichike lo ngunumi bitiiku hikha drih atañmi hiikahii sango la piniisanju, mohka chiniiñlo huna ngunumi gyotiinii mohka atoh tatukatu ho la ayajalo,

1 KORINTIA 2:2

Niimpalukoda ngo hiila henjutii nunulo hang chinko tama Jisu Kristo la mohmika leda niimi opa lala.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

JON KA AYAPUYU 17:8

niimpalukoda ngo mohlumi niika ngiimika aguñ biniiñ mi bitii, ho mohlu hiimi larii biine ho jije mi chindoku ngo niiko hokii ahdo hiila; ho mohlu henjedo no ngiimi kiiniñtii.

JON KA AYAPUYU 14:20

Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

JON KA AYAPUYU 14:7

No matiirḛ ngiimi chintii koda, no ngiika Aba mitrḛ chintii do; siisikiila no mohmi chindo ho mohmi kapa tiiku.”

IPISIA 4:13

nii dahepa ngunu hikha ahhapuhe paka giiniiñ mi giitema henjeho ho Pinii Oho ka henju mi chintema, miyupa hengḛr tama, Kristo kane henjupa hentema;

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

2 TIMOTI 4:6

Niimpalukoda ngo membi kosanii ka lyego ho dakuke; ngiika indu myodu ahdo kuke.

JON KA AYAPUYU 20:28

Tomas mohmi lusitii, “Ngiika Attoh ho ngiika Pinii!”

JON KA AYAPUYU 16:3

Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

1 JON 2:19

Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

1 PITAR 2:7

Nunupa hiikohopa hutiina henje nyadonii, mo khiiniiñ ke, hojalo hutiina henje nyamanii, “Hiika yalañ jahii nii mina udepeniibo khiipa tiikunii hiikahii khonchañ daka rali japa lyido,”

GELESIA 1:16

hempyo biidola mohka oho mi kakiñtii ngiimi, niimpalukoda ngiimi Midomiyu atañka punkoho tonsḛrkhenyo kiine dupa, ngo asiialyo la ai nyimi taka mato,

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

1 KORINTIA 9:10

Siika hikha luniiñsi ngunumi hena lama siipe ha lusu donii? Siikasi ngunu pasu kesu tiinii, niimpalukoda halebanii miyu mi halebabii dola hentiñ dopa ho amoo pinii mi amoo pibii dola hentiñ dopa pijo dokiñdo hiila.

JON KA AYAPUYU 20:13

Mohlu mohmi lutii, “Annii akha, niimpa no khedu?” Mo mohlumi lutii, “Niimpalukoda mohlu ngiika Attoh mi jora biine, ho ngo chima mohlu mohmi noh atiitii hiila.”

LUK KA AYAPUYU 11:20

Hojalo siikasi matiirḛ Pinii ka lahchi lo igii atañmi Ngo mompa dokoda, ho Pinii ka raddeganda hii nunuko ahdo kuke.

LUK KA AYAPUYU 1:43

Ho niimpa siikasi ngiipa miibitii, ngiika Attoh ka annii mi ngiiko ahdopa?

ROM MIKA POL KA SIITI KENIIÑ 8:39

ohoh jalo, urañ jalo, hikha puliñnii hokii hang kone tiirḛ, miipe lakiñma ngunumi Pinii ka heniiñ hokii Kristo Jisu ngunuka Attoh kokii.

PILIPIA 1:1

Pol la Timoti, Kristo Jisu ka miira kokii, Hikha piniimiyu atañ Kristo Jisu ko hutiina Pilipi ho dunii, bisop la deakon atañ agiñho:

PILIPIA 3:12

Ngo siika siimi kapatiiku hiilama malo digoabiayaku hiilama; hojalo ngo miikañari miidu siika siimi ngiipa miibii dupa, niimpalukoda Kristo Jisu ngiimi mo atoh kiipa miitii ku.

2 PITAR 1:2

Aroh-aya la chimie abuyapa nunuko dokiñcho Pinii la Jisu ngunuka Attoh nyimika chiniiñho.

2 PITAR 1:8

Niimpalukoda siika drih atañsi nunuko dokoda ho abupa giido koda, siika atañsi nunumi ngunuka Attoh Jisu Kristo ka chiniiñ hokiika ajju malo ahee himanii hokiila dagii kendoke.