PILIPIA 3:3 - NITI GONTU N.T. (BSI)

³ Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

PILIPIA 3:3 ပူးပေါင်းရင်းမြစ်များ

ROM MIKA POL KA SIITI KENIIÑ 1:9

Niimpalukoda Pinii ngiika haki, humina ngo miihodonii ngiika yajiyallo lo Oho ka ayapuyu ho, lungo mapa ngo kiirañ niimi ngiika kuniiñ ho hempadu,

ROM MIKA POL KA SIITI KENIIÑ 15:17

Kristo Jisu ko, hokoda, ngiiko hentii siina nanii do ngiika Pinii ka miigo miiniiñlo.

ROM MIKA POL KA SIITI KENIIÑ 7:6

Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

ROM MIKA POL KA SIITI KENIIÑ 8:15

Niimpalukoda nunu miira lyigiibo yajiyallo mi larii make hiira biiso dupa, hojalo nunu oho lyidu paka yajiyallo mike larii tiinii. Niida ngunu gyochi, “Abba! aba!”

ROM MIKA POL KA SIITI KENIIÑ 8:39

ohoh jalo, urañ jalo, hikha puliñnii hokii hang kone tiirḛ, miipe lakiñma ngunumi Pinii ka heniiñ hokii Kristo Jisu ngunuka Attoh kokii.

ROM MIKA POL KA SIITI KENIIÑ 9:6

Hojalo siikasi Pinii aguñ hii golludo hiila make. Niimpalukoda hikha hutiina Isrel ka ohoasi hii Isrel hokii make,

2 KORINTIA 11:18

niihtañpa abuje dohadolo ka drih atañmi khansu biidu, ngo tiirḛ khansu talyi.)

GELESIA 5:25

Ngunu matiirḛ Yajiyallo lo sando koda, kiije ngunu Yajiyallo hotiirḛ insa.

GELESIA 6:16

Chimie la aroh hii hikha hiika atañka agiñho dokiñ cho hutiina siika muju chuli indanii, Isrel ka Pinii hahoho.

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

PILIPIA 1:1

Pol la Timoti, Kristo Jisu ka miira kokii, Hikha piniimiyu atañ Kristo Jisu ko hutiina Pilipi ho dunii, bisop la deakon atañ agiñho:

PILIPIA 3:12

Ngo siika siimi kapatiiku hiilama malo digoabiayaku hiilama; hojalo ngo miikañari miidu siika siimi ngiipa miibii dupa, niimpalukoda Kristo Jisu ngiimi mo atoh kiipa miitii ku.

PILIPIA 3:14

Ngo uroyapa miichi ahmiñayiñ mi lariidupa, ayoh dalyi hokii ka Pinii ka gyoniiñ mi Kristo Jisu ko.

KOLOSIA 2:11

Mohko nunutiirḛ mitupikotii alah loka mitupiniiñ lomapa, ahuapo ka asiialyo mi apa lala Kristo ka mitupiniiñlo;

JUD KA SIITI KENIIÑ 1:20

Hojalo nunu, heniiñja, attohpa pencha siito nunuka hempḛr darii henjeho; Darii Yajiyallo ho kutolya;