PILIPIA 3:2 - NITI GONTU N.T. (BSI)

² Akie atañmi kage siila tiika ah, diimmah miigo miinii atañmi kage siila tiika ah, hutiina asiialyo mi pamiilodo nii kage siila tiika ah.

PILIPIA 3:2 ပူးပေါင်းရင်းမြစ်များ

2 KORINTIA 11:13

Niimpalukoda sitañ miyuatañ amuh kiiniñkonii atañ, gollunii miigomiiniiñ, atohmi Kristo ka kiiniñkonii hiila kachiñ mado paka miigii nyanii.

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

GELESIA 5:15

Hojalo nunu matiirḛ chisula ho kone anya mi gomegome diisula dokoda hendi tolya nunu kone anya mi pyadulosu domasa hiila.

PILIPIA 3:19

Mohluka kamikalo hii pyaduloko saniike, mohluka pinii hii erre ke, ho mohlu assañ siinyada mohluka hiinyañ mohiho, kiiddiapiñ ka drih atañka henju agiñho henta liigii tola.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

METHU 7:15

Hendi nyatolya gollumisu nyibuhenii atañ kokii, nunuko subuñ ammu hokii giitola ahkiñdo hojalo ahha ura hii siipya ke.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIHUKAKIÑNIIÑ 3:9

Kato, Ngo hiika atañmi miichi sinagog daka Saitan mi huna ludonii mohlu Jew atañ hiila ho mohlu hiilama, hojalo amuh do. Kato, ngo mohlumi ahdo pa miichi ho nunuka alih ho chuki kiine talyi, ho chinke nenchi ngo nunumi hendu hiila.

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

1 TIMOTI 1:19

henjemi giitola ho aya henjumi hembiidola. Henjumi khiipa du hiila, miyu tonge mohluka henjeka yasiejaji mi tatu dopa miibiisiida,

PILIPIA 3:3

Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

GELESIA 5:13

Niimpalukoda nunumi dasḛrkiine dupa hiila gyotii, anubarmii atañ; nunuka dasḛr mi nunuka asiialyo ka miigopa miina nayo, hojalo hensuniilo kone anya ka miira pa lyisuto.

ROM MIKA POL KA SIITI KENIIÑ 2:28

Niimpalukoda mo jijeka Jew ma huna ago-amo kontii kakiñ donii, malo jije mitupikoniima ago hosu ho asiialyo hosu.

METHU 7:6

Niihna darii donii hiimi akie atañmi biyo; ho nunuka tassañ mi alyee mi kubiyo, hiilamiikoda mohlu mohluka alih nyota lala ho niimi asiipa miikiñ doke.

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

2 PITAR 2:22

Si mohluko hoka lyiniiñsi jije nitiñhormi hoka luniiñ chulido, akie hii atohka banii mi diiku siiduku, ho alyeemi ahu harsu jalo jebiho rabḛr raku hadu.

METHU 24:10

Ho abuje henje kumapa miikiñdo, ho kone anyañmi talubalo siikiñdo, ho kone anyañmi kasu kema.