PILIPIA 2:11 - NITI GONTU N.T. (BSI)

¹¹ ho aguñ gonge abi khako kendo Jisu Kristo Attoh hiila, Pinii Aba mika assañ naniiñpa.

PILIPIA 2:11 ပူးပေါင်းရင်းမြစ်များ

1 JON 4:15

Hujalopa khako talyi Jisu Pinii ka Oho hiila, Pinii mohko giigela do, ho mo Pinii ko.

ROM MIKA POL KA SIITI KENIIÑ 14:11

niimpalukoda hiila ketola do, “Ngiika sando so, Attoh ludo, koneabi ka liibañ ngiiko khañha kendoke, ho aguñ gonge abi assañ kendo Pinii mi.”

JON KA AYAPUYU 13:13

Nunu ngiimi Tonsḛrbo ho Attoh hiila gyodo; ho nunu gyodi ko gyodo, niimpalukoda ngo hiila.

1 JON 4:2

Siika silo nunu Pinii ka Yajiyallo mi chila kendoke: yajiyallo koneabi huna pyako donii Jisu Kristo ka asiialyo paka ahniiñsi Pinii kokii,

ROM MIKA POL KA SIITI KENIIÑ 14:9

Niimpalukoda siika sipa Kristo shiitii ho hiira turiturku tiiku, hiikohopa mo anye ruka Attoh pa lyikiñdo shiinii ho turnii katrḛ.

1 KORINTIA 12:3

Hopa ngo nunumi hiila chinke nenado kone hetrḛ Pinii ka Yajiyallo lo lunii bo lukiñma, “Jisu mi beto!” ho kone hetrḛ lula kema “Jisu Attoh” Yajiyallo lo lumapa.

JON KA AYAPUYU 14:13

Niijalo nunu ngiika armyañ pa kuchi, Ngo hiimi miibi talyi, niimpalukoda Aba mi Oho ko assañ kiinedupa;

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.

1 KORINTIA 8:6

hojalopa ngunupa Pinii kone sii dunii, Aba, nohkiina hikha drih atañ ho hupana ngunu dunii, ho Attoh kone sii, Jisu Kristo, hukohokiina hikha drih atañ ho hupana ngunu dunii.

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

METHU 10:32

Hopa kone abi huna ngiimi miyu ka hataho luko talyinii, Ngotiirḛ luko talyi dariiganda daka Aba ka hataho;

MIINIIÑ 10:36

Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh),

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

JON KA AYAPUYU 9:22

Mohka annii-aba siimi lutii niimpalukoda mo anye Jew atañmi biisotii, niimpalukoda Jew atañ hiila taliisiitola dotii hujalopa matiirḛ mohmi Kristo hiila khako talyi, mohmi sinagog hokiila agoho nempa linkiñdo.

JON KA AYAPUYU 5:23

niimpalukoda miilañ rumi Oho mi khiike nendupahiila, Aba mika mohluka khiichañ ho. Hii huna Oho mi khiima nii hii Aba mitrḛ khiima mohmi huna kiiniñ tiinii.

2 JON 1:7

Niimpalukoda abuje gollunii dohadolo so linya neke, miyuatañ hutiina talii nyamanii Jisu Kristo ka asiialyo hoka ahniiñmi; sitañ lunii kone hiike gollunii ho kristokamabo.

1 KORINTIA 15:47

Kapyo miyu hii kiiddiapiñ hokiitii, dimḛr ka miyu; anyenii miyu hii dariiganda hokii.

ROM MIKA POL KA SIITI KENIIÑ 15:9

ho Midomiyu atañmi Pinii mi assañ kiine dupa mohka aroh kiipa. Hiila ketola do, “Hopa ngo niimi assañ talyi Midomiyu ka punkoho, ho niika armyañ pa biisie sichi”;

JON KA AYAPUYU 20:28

Tomas mohmi lusitii, “Ngiika Attoh ho ngiika Pinii!”

JON KA AYAPUYU 17:1

Jisu siika aguñ atañmi luku lala, mo mohka amee mi yapuñ hahoho kacha lala ho lutii, “Aba, myodu ahdoku; niika Oho mi assañdupa niimpalukoda Oho niimi assañdupa,

JON KA AYAPUYU 12:42

Hiilamapa abuje otority atañ tiirḛ mohmi henje nyatii, hojalo Parisi atañ mika biisomi mohlu hiimi khako matii, hiila makoda mohlumi sinagog hokii agoho nempa linkiñdo:

LUK KA AYAPUYU 2:11

nunupa siilo allo so David ka citi ho lyangur bomi bubi tiike, hii Kristo Attoh ke.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

JON KA AYAPUYU 13:14

Hojalo ngo matiirḛ, nunuka Attoh ho Tonsḛrbo, nunuka alih mi hartii, nunu tiirḛ kone anyañ ka alih mi harbi siikiñ do.