PELEMON 1:7 - NITI GONTU N.T. (BSI)

⁷ Niimpalukoda ngo abuje hempyo ho hembyuñnii niika heniiñ hokii lariitii, ngiika anusi, niimpalukoda piniimiyu atañka ahha mi jojo dopa miitii niikii dalyi hokiila.

PELEMON 1:7 ပူးပေါင်းရင်းမြစ်များ

1 KORINTIA 16:18

niimpalukoda mohlu ngiika yajiyallo mi ho nunu kiimi tiirḛ niti dopa miibiine. Sitañ miyu mi kala tolya.

2 KORINTIA 7:13

Hopa ngunumi hembyuñ kabyuñ tii. Ho ngunumika hembyuñ ko ayoh ho ngunu uro yapa hempyo do Taitas ka hempyo koho, niimpalukoda mohka henju mi nunu miilañru miidḛr bitii.

2 KORINTIA 7:4

Ngo nunumi hempḛr hentiñdo; ngo nunumi hempḛr hentii nandu; ngiimi hembyuñtii. Hikha ngunuka pamyotakho bako hotiirḛ, ngo ano hempyo siido.

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

1 TESOLONIA 2:19

Niimpalukoda nii ngunuka hentiñnanii malo hempyo malo hentiilaka khansunii tahiñbyopa ngunuka Attoh Jisu mohka ahlyikuho? Siikasi nunu masu peha?

1 TESOLONIA 3:9

Niitañ ka payapacho hiilape Pinii mi ngunu luchi kunii nunupa, niimpalukoda hikha hempyo nii mina ngunu hempa donii nunu kiipa Pinii ka hataho,

2 TIMOTI 1:16

Attoh aroh mi bikiñcho Onesiporus ka uru atañmi, niimpalukoda mo kiirañ ngiimi jojo lupa; mo ngiika dachañranyi pa hiinyañ mane,

PELEMON 1:20

Ḛh, anu, ngo nolo iche hembo konado Attoh ko. Ngiika ahha mi jojo dopa miipe Kristo ko.

2 JON 1:4

Ngo ano hempyo do niika oho tongemi jije mi imbo mondopa kapa lala, niihtañpa ngunumi Aba hii miitolya luhii.