PELEMON 1:22 - NITI GONTU N.T. (BSI)

²² Siika agiñ so, ngiipa nyibo dukomi miimyo tolya, niimpalukoda ngo hentiñdo nunuka kuniiñ lo nunu kiimi talii kendo hiila.

PELEMON 1:22 ပူးပေါင်းရင်းမြစ်များ

MIINIIÑ 27:24

ho mo lutii, ‘Biiso nyayo, Pol; no Kesar ka hata dakiñ doke; ho kato, Pinii hikha nunumi tiipya biilyi ke hutiina niika agiñho khobo mondo nii.’

MIINIIÑ 28:23

Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ.

ROM MIKA POL KA SIITI KENIIÑ 15:24

Ngo hendo nunumi kapa todo hiila ngo Ispen ho bodupa impo biikoda, ho ngiika myodi bokoso nunulo hembyuñ kodupa, ronge ngo ichuchepa nunuka imbo niimi hempyo biito.

2 KORINTIA 1:11

Nunu tiirḛ ngunumi hembyuñ kendo loda kuniiñ lo, niimpalukoda abuje miyu mi ngunu kiipa payapacho hiila luke nendupa ngunu paka abuje kuniiñ mika talii laka biniiñmi.

PILIPIA 1:19

Ḛh, ho ngo hempyo talyi. Niimpalukoda ngo chindo nunuka kuniiñ lo ho Jisu Kristo ka Yajiyallo ka hembyuñ niilo siikasi ngiimika tupya naniiñpa lyigii kendo,

PILIPIA 2:24

ho ngo Attoh mi henjedo ngotiirḛ nyibya loda rongkoda ahbo monto diike.

HIBRU 13:19

Ngo nunumi yardu uroyapa siika atañ siimi miitolya niimpalukoda ngiimi nunuko hempḛr nyibya ahkur ladopa.

HIBRU 13:23

Nunu tala kendo ngunuka anu Timoti mi apalintii ku, huka agiñ hona ngo nunumi kapa talyinii mo matiirḛ nyibya ahlyi kumilo.

JEMS 5:16

Hopa nunuka ingyamiigya niimi kone anyañ khako siitoku, ho kone anyañpa kuto, niimpalukoda nunu miipya kodupa. Denki miyu ka kuniiñ ho anouro harchichike giidoke hiimi miipya naniipa.

2 JON 1:12

Ngiiko abuje kesa dosudo nunumi, ngo pota la sihahi nyilo ketema, hojalo ngo hendo nunumi kaha dupa ahchi ho nunuka nyitumoru mi kapa siibii dola lurii siichi, niimpalukoda ngunuka hempyo mi hempe kiine dupa.

3 JON 1:14

Ngo hendo hempḛr nyibya niimi kapa todo hiila, ho ngiinyi nyitumoru kapa siibii dola lurii siisa.