MIINIIÑ 9:31 - NITI GONTU N.T. (BSI)

³¹ Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

MIINIIÑ 9:31 ပူးပေါင်းရင်းမြစ်များ

ROM MIKA POL KA SIITI KENIIÑ 5:5

ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

MIINIIÑ 8:1

Ho Sol mohka shiiniiñ mi ḛh hiila talii biido Ho hiika allo ho hempḛr uro miihimiire miiri nyatii Jerusalem daka gyoliñkonii atañmi; ho mohlu hikha harpya harsa haja giitii Judia ho Samaria gandaho, kiiniñkonii atañmi apalala.

IPISIA 4:12

piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

2 KORINTIA 13:10

Ngo siimi ketii ngiika nunu kokiika adho daho, niimpalukoda ngiika ahlyi ho ngo uropa ngiika otority mi miima dopa nii mina Attoh ngiimi bitiinii hata chagii naniiñpa ho miidulodu pamapa.

2 KORINTIA 10:8

Hojalo ngo matiirḛ hentii dokoda ngunuka otority mi iche jalo uro yapa hendo koda, nii mina Attoh bitiinii nunu mika hata chagii naniipa ho nunumi pyadu lodu pamapa, ngo hiinyañ tama.

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

MIINIIÑ 16:5

Hopa gyoliñkonii atañka henje hii alḛr ritii, ho mohlu allodadu mi abuyaya la lyitii.

MIINIIÑ 12:24

Hojalo Pinii ka aguñ hii sanchatii ho impyainsatii.

MIINIIÑ 6:7

Ho Pinii ka aguñ uroyaya tapatii; ho Jerusalem ho henjeajiñ khiikako hempḛr uropa taroyaya tii, ho hempḛr abuje nyibu atañ luniiñ taliitii henje mi.

JUD KA SIITI KENIIÑ 1:20

Hojalo nunu, heniiñja, attohpa pencha siito nunuka hempḛr darii henjeho; Darii Yajiyallo ho kutolya;

HIBRU 4:9

Hiiko hopa, dumoalo hii Pinii ka miyu atañpa dumo allo pa lyitii;

1 TIMOTI 1:4

malo mohlumi atohpa jijemaniimi ho khiichi lakumanii aba-apa mi chibiinyayo niihna uroyapa lucha donii jijemanii mi hiilamapa piniimiikiñ niimi hentola hiikahii henje ho;

1 TESOLONIA 5:11

Hopa kone anyañmi haro lupa siito ho kone anyañmi pencha siito, nunuka siisi ka miichañho.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

PILIPIA 2:1

Hopa hiiko matiirḛ hang haro lupasiisanii Kristo ko dokoda, hang hensu niilo hembyuñ siisa dokoda, hang Yajiyallo ho miibolubo saniiñ dokoda, hang hensu myasu ho arohsiisa nii dokoda,

IPISIA 5:21

Kone anyañmi tiilii siitolya Kristo mi khiibii dola.

IPISIA 4:29

Nunuka aguñ hokii lusamanii lulya yo, hojalo hiitañ drih lutolya niihna lulyañ giikiñ donii, myodumyolo mi kabii dola, niimpalukoda hiimi tala lala huna tadonii hiipa aya dopa.

IPISIA 4:16

hukohona hikha apo, giidiñdonii ho nyudiñtiinii tongepa kapane mitumi nohkiina lindonii, niida hakhu kone abi aya pa miigo miichi, apo mi sandopa miido ho atoh atoh hensu ho sanchado.

2 KORINTIA 12:19

Nunu hiila ha hendunii ngunu atohmi lupya siido nunuka hataho hiila? Siikasi Pinii ka kataho ngunu Kristo ko ludu, ho hikha rusi nunuka ayakiipa, ngiika anubarmii atañ.

1 KORINTIA 14:26

Nii hokoda, anubarmii atañ? Niida nunu ahkuñ talyi, kone abi bariebiisie mi biito, risanii, nyibuheniiñ, khiibe aguñ, malo lusibiniiñ. Hikha drih mi miitolya miilyañ siina naniiñpa.

1 KORINTIA 14:12

Hopa nunu atohpa; nunu uropa yajiyallo ka kakiñ niimi anado, uro yapa meto gyoliñkonii atañ mika sancha giina naniiñpa.

ROM MIKA POL KA SIITI KENIIÑ 14:19

Kiije ngunu hokoda niihna chimie giidonii hiimiya mesa ho niimpalukoda kone anyañ ka aya sako.

ROM MIKA POL KA SIITI KENIIÑ 14:17

Niimpalukoda Pinii ka raddeganda hii diigo la tango kiimake hojalo denki ho chimie ho hempyo ke Darii Yajiyallo agiñho;

MIINIIÑ 2:47

Pinii mi assañ biidola ho hikha miyu atañmi hembiidola. Ho Attoh mohluka agiñho allo dadumi miyu lyambyañ liibitii hutiina lyangur kotii kunii.

MIINIIÑ 5:11

Ho hikha gyoliñkonii ho hikha siika drih mika tapa nii atañ hempḛr biiso nyatii.

MIINIIÑ 20:32

Ho siisi ngo nunumi Pinii mi lubii lyikuke ho mohka aroh-aya aguñlo, niihna nunumi sangii kendonii ho nunumi pendokupa hikha nunumi hutii mina darii miitii kunii.