MIINIIÑ 6:9 - NITI GONTU N.T. (BSI)

⁹ Ho tonge hutiina sinagog hoka dubonii dasḛrmiyu hiila gyoko nii atañ, ho Sairenian atañ, ho Alejandar daka dunii atañ, ho Asia daka Silisia hokii, guritii ho Stepen mi cheritii.

MIINIIÑ 6:9 ပူးပေါင်းရင်းမြစ်များ

METHU 10:17

Miyu atañmi hendi nyatolya; niimpalukoda mohlu nunumi bulyañ ko lohepa tiilii bilyi diike, ho mohluka sinagog ho higor palyi diike,

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

METHU 27:32

Mohlu ila dokele, mohlu Sairene hokii miyu kone ahla dopa kappatii, mohka armyañ Saimon hiila; hiika miyu mi chechepa Jisu ka pogyañ mi jobii bitote hiila kheliitii.

MAK KA AYAPUYU 13:9

Hojalo nunu hendi nyatolya; niimpalukoda mohlu nunumi bulyañ ko tiilii bilyi diike; ho nunumi sinagog ho higor palyi diike; ho ngiika piigo pa nunu govonor la radde nyika hata hotiirḛ dalyi diike, ngiika piigo mi mohlumi luko lutiñnaniiñ pa.

LUK KA AYAPUYU 21:12

Hojalo hikha siika atañka lyima rampa mohlu nunumi latu kendo ho miihimiire kendo, nunumi sinagog atañ ho la patiihude atañ ho bikiñdo, ho nunumi radde atañ la govonor atañ ko ahgii bikiñdo ngiika armyañ kiipa.

MIINIIÑ 11:20

Hojalo hiiko tonge datii, miyuatañ Saiprus ho Sairene hokii, hutiina Antiok ho ahtiinii Grik atañ mitrḛ lukotii, Jisu Kristo mi tonsḛr khenyotii.

MIINIIÑ 13:1

Siisi Antiok gyoliñkonii ho hiiko nyibuhenii atañ la tonsḛrbo atañ dutii, Barnabas, Simeon humina Niger gyotiinii, Sairene daka Lucius, Manaen Herod ka hakhupiilyeako ka lengo hoka dunii ako, ho Sol.

MIINIIÑ 13:45

Hojalo Jew atañ miyu taro mi kapa lala, mohlu kariñ nyatii, ho Pol ka luniiñmi chekho la miitii, ho mohmi cheriitii.

MIINIIÑ 15:23

siika siiti ka agiñho: “Anubarmii atañ, kiiniñkonii atañla ho amiabañ atañ, anubarmii hutiina Midomiyu Antiok ho Sairia ho Cilicia hokii, aya siidolo hendo.

MIINIIÑ 15:41

Ho mo Sairia la Cilicia ho intii, gyoliñkonii mi alḛr lupala.

MIINIIÑ 16:6

Ho mohlu Phrygia la Gelesia ganda mi impo biila intii, niimpalukoda Darii Yajiyallo Asia ho aguñmi lukoyo hiila lutii.

MIINIIÑ 18:24

Siisi Jew miyu Apollos hiila, Alejandria hoka dunii, Ipisia ho ahtii. Mo hempḛr lula miyu kone, piniipota atañ mika chiniiñ.

MIINIIÑ 19:10

Siikasi danyi nyanye pahe nyikala dotii, hopa hikha Asia daka dunii atañ Attoh ka aguñmi tapa tii, Jew atañ la Grik atañ nyi.

MIINIIÑ 19:26

Ho nunu kapado ho tapado Ipisia ho kontiima hojalo hikha Asia ho siika Pol luru biido ho abuje miyu atañmi inkur dokupa, lubiidola alah loka pinii miichinii hii pinii make hiila.

MIINIIÑ 21:27

Allo lokanunii loja tapa miikele, Asia hokii Jew atañ, huna mohmi piniiude ho kapa tiinii, hikha miyu atañmi lurutii, ho mohmi latutii,

MIINIIÑ 21:39

Pol lusitii, Ngo Jew, Cilicia daka Tarsus hokii, hempḛr khiiniiñ citi hokii; ngo niimi lyarlyi ke, ngiimi miyu atañmi lurii kiinepe.

MIINIIÑ 22:19

Ho ngo luto, ‘Attoh, mohlu attoh chindo sinagog kone abi ngiimi pattiih tuntii ho hutiina niimi henje nyadonii hibiine.

MIINIIÑ 22:3

“Ngo Jew ke, Cilicia ka Tarsus hoka bukonii, hojalo siika citi so sancha Gamaliel ka liidi ho, purila alḛrpa ngunuka aba atañ dapo hoka miijuluju jaho, Pinii pa hempḛr uro miichi hiila hela siilo biilyo ka nunuka henchañho.

MIINIIÑ 23:34

Siiti mi puri lala, mohmi takatii no nii ganda hokii hiila. Mo chila lala mo Silisia hokii hiila

MIINIIÑ 24:18

Ngo hiila siimi miila dokele, mohlu ngiimi piniiude hoka darii lyiniiñmi kapa, hang miyu taropa malo chesuresu mapa. Hojalo Jew tonge Asia hokii

MIINIIÑ 26:11

Ho ngo mohlumi lamo kela hikha sinagog ho miito ho mohlumi nipa pa miilañ miito; ho mohlumi hempḛr hadii la chekhoto, ngo mohlumi miihimiire to nyibo ganda lohepa.

MIINIIÑ 6:10

Hojalo mohlu chemi lamatii mohka chila ho Yajiyallo agiñ hoka mohka luniiñmi.

1 KORINTIA 1:20

No chilamiyu da? No pagenii da? No da siika santuñ soka cheriibo? Pinii piicha mi siika dohadolo ka chila pa miima siipeha ehna?

GELESIA 1:21

Hiikahiibaho ngo Sairia la Silisia gandaho inte.