MIINIIÑ 5:36 - NITI GONTU N.T. (BSI)

³⁶ Niimpalukoda siimi kapyo yapa Thiodas hiila kone sari, atohmi khiiniiñ kone ke hiila luko siila, ho miyuabuje, lampe pahe, mo agiñho dabone; bojalo mohmi mempa biine ho hikha hutiina mohmi imbo monii atañ hargii nyane ho hang lyikumane.

MIINIIÑ 5:36 ပူးပေါင်းရင်းမြစ်များ

MIINIIÑ 8:9

Hojalo hiiko miyu kone Saimon hiila datii mo kapyo ho ashu miila citi ho datii ho Samaria ganda mi hemur dopa miitii, lubiidola mo attoh tiirḛ kahe kone ke hiila.

2 PITAR 2:2

Ho abuje mohluka hensamanii henko ho hembo nyakiñdo, ho mohluka piigopa jije ka lembo miya nyapakoya kendo.

MIHUKAKIÑNIIÑ 17:5

ho mohka tiirii ho ketola giido michilamanii armyañ: “Kaye Babilon, pfyoaridiisunii atañka annii ho kiiddiapiñ ka kanamanii.”

JUD KA SIITI KENIIÑ 1:16

Siika atañsi biicho choniiñ, hembyañ ramanii; mohluka atoh helyihembyo hoka sanii, goropa aguñlo khanjo siinii, khanjola miyuatañ agiñho mohlupa pasermiiliñ biidupa.

GELESIA 6:3

Niimpalukoda mi kone matiirḛ atohmi ngotiirḛ konesii hiila hensu dokoda, mo hang masu tiirḛ, mo atohmi talubalosiido.

GELESIA 2:6

Ho hiika atañ kokii huna khiiko nyadonii hang drih ako pajalo (mohlu nii siijalo ngiipa hang lyiguhma; Pinii khiingukhiire make) hiika atañmi, ngo ludu, hutiina khiikonii hang ngiipa miibyañ liigiima;

MIINIIÑ 21:38

No Egip hoka miyu masuha, hokoda, huna ayumada pa chekho rigiinii ho miyu harje jarpe mi Meniipanii pa lyargiila zabyo ho Hargiiniiñ?”

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

MIHUKAKIÑNIIÑ 17:3

Ho mo ngiimi irigii Yajiyallo pa zabyo ho, ho ngo kapato annii akha mi lanchañkoma achu-amyo ho dupa huko hona poteje nipakoyaniika armyañ giidonii, ho hiika hiikii adiñ pukkanuhe ho arii bulyañhe giido.

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

METHU 24:26

Hopa, mohlu matiirḛ nunumi lulyi milo, kato, mo siikhii sumu gandasi da, ho ilyayo; mohlu matiirḛ lulyi milo, Kato, mo chidiika ura si du, hiimi taje lyayo.

METHU 24:5

Niimpalukoda abuje ngiika armyañ pa ahkiñdo, lubiidola, Ngo kristoke, ho mohlu abujemi ngogii kendo.

MIINIIÑ 5:35

Ho mo mohlumi lutii, Isrel daka miyuatañ, hendi nyato nii miipa miidu nunu siika miyu atañmi.