MIINIIÑ 5:31 - NITI GONTU N.T. (BSI)

³¹ Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

MIINIIÑ 5:31 ပူးပေါင်းရင်းမြစ်များ

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

LUK KA AYAPUYU 2:11

nunupa siilo allo so David ka citi ho lyangur bomi bubi tiike, hii Kristo Attoh ke.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

HIBRU 2:10

Niimpalukoda siikasi miitatola doku mohpa, hupana ho hukohokiina kapane drih atañ lintii nii, abuje oho atañmi tatukatu ho ahgii lala, mohluka sangopyako mika miitu rigii niimi digoabiaya dopa miitii heru heniiñlo.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

JUD KA SIITI KENIIÑ 1:25

Pinii kone kontii pa, ngunu mika lyangur bo Jisu Kristo ngunu Attoh kiilo, tatukatumi, kahejami, domiñniimi, ho otority mi, kolyuñkolo jaho hokii ho siisi kii ayu dahepa dokiñcho. Amen.

2 PITAR 1:11

Hopa hiikoho abuje biliñ kendoke nunupa ngunu Attoh ho Lyangurbo Jisu Kristo ka santḛrlamanii raddeganda ho ahkopa.

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

METHU 1:21

mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

KOLOSIA 1:14

hukohona ngunukii tupyabiniiñ dokunii, hiikahii ingyamiigya niimika hello kuniiñ.

PILIPIA 3:20

Hojalo ngunuka atoh ganda hii dariiganda hoke donii, ho hiiko hokii ngunu Lyangur bomi kalyadu, Attoh Jisu Kristo mi,

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

2 KORINTIA 2:10

Hujalo humina nunu hello talyi nii, ngo tiirḛ hello talyi, Niimina ngo hello tiikunii, ngo matiirḛ hang drih mi hello tiiku koda, hiikahii nunu kiipa Kristo ka hataho,

MIINIIÑ 13:23

Siika miyu ka oho asi hokii Pinii Isrel pa Lyangur ahgiitii, Jisu mi, mohka hemme niitii.

MIINIIÑ 4:11

Siikasi nunu udepenii atañka yalañ khiipa niike, hojalo hiikahii rali ka khiiniiñ japa duku.

MIINIIÑ 3:26

Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

MAK KA AYAPUYU 4:12

niimpalukoda mohlumi kasu jalo kachiñ madopa, ho tasu jalo tachiñ madopa; mohlumi hiira henkur hado kupa, ho hello kodopa.”

MAK KA AYAPUYU 2:10

Hojalo nunu hiila chinto Miyu ka Oho ko kiiddiapiñ daka ingyamiigya mi hello nanii otority giido hiila” mo lukuñnii bomi lutii.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

2 PITAR 2:20

Niimpalukoda matiirḛ, mohlu dohadolo mika miibḛrnii hokii hargii kula la ngunu Attoh ho lyangurbo Jisu Kristo mika chiniiñlo, mohlu hiira mohluko hatu kodo koda ho miimiñkodo koda, kamikalo ada ayamaya kendo kapyo hokiimi hentola.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

TAITAS 2:10

lapyo kema, hojalo kakiñ siikiñdo kapaneho ho jije lotiimi niimpalukoda kapane drih ho mohlu giikiñdo Pinii ngunuka Lyangur boka tonjumi.

TAITAS 1:4

Taitas mi, jije ngiika wiinga henje hehiñ ho: Aroh-aya ho chimie Pinii Aba la Kristo Jisu ngunu mika lyangur boko hokii.

JON KA AYAPUYU 4:42

Mohlu annii akha mi lutii, “Siikasi niika luko hopa kontii ngunu henje make, niimpalukoda ngunu miilañ attohpa tapatii, ho ngunu chindo siikasi jijeloda dohadolo mika Lyangur nii hiila.”