MIINIIÑ 4:32 - NITI GONTU N.T. (BSI)

³² Siisi tongepa hutiina henje nyatii nii mohlu ahha puhepa ho yallo konepa giitii, ho kone hetrḛ hang drih atañ mohlukii mi mohkii hiila lumatii, hojalo mohlu amanehemi buyiñ la biitii.

MIINIIÑ 4:32 ပူးပေါင်းရင်းမြစ်များ

1 KORINTIA 1:10

Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

1 PITAR 3:8

Kamijapa, nunu miilañru, yajiyallo mi konepa giitolya, aroh siila, anubarmii ka hensu henchañho, biinyah ahha lo ho yanu henjulo.

2 KORINTIA 13:11

Kamijapa anubarmii atañ, hempyo tolya. nunuka lembo mi miilyañ siitolya, ngiika tonsḛr niimi henge giitolya, kone anyañ mi talii siitolya, chimie pa duhiñ tolya, ho Pinii ka hensunii ho chimie nunuka agiñho dobo kencho.

MIINIIÑ 2:1

Penticost allo ahku kiile, mohlu hikha duko akoda dukuñ siitii.

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

MIINIIÑ 1:14

Hikha siika atañ tongepa miilañru kuniiñ ho hengatii, annii akha atañ agiñho ho Jisu ka annii Mary agiñho, ho mohka anubarmii agiñho.

JON KA AYAPUYU 17:11

Ho siisi ngo dohadolo so daku malyike, hojalo mohlu dohadolo so dalyi ke, ho ngo niiko ahlyi kuke. Darii Aba, mohlumi niika armyañ pa atii tokulya, humina no ngiimi bitiinii, niimpalukoda mohlumi konepa lyidopa, ngiinyi ka kone paka lyichañho.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

ROM MIKA POL KA SIITI KENIIÑ 12:5

Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

MIINIIÑ 5:12

Siisi abuje kagiñnanii ho kahotamo atañ miitii miyu atañka punkoho kiiniñkonii atañka alah lo. Ho mohlu miilañru tongepa Solomon lengo ho datii.