MIINIIÑ 4:31 - NITI GONTU N.T. (BSI)

³¹ Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

MIINIIÑ 4:31 ပူးပေါင်းရင်းမြစ်များ

METHU 21:22

Ho nunuka kuniiñ ho nii jalo kuchi, nunu hiimi pakiñ doke, nunu matiirḛ henje dokoda.”

MIINIIÑ 2:4

Ho mohlu miilañru Darii Yajiyallo giinyatii ho pongelya aguñ luri nyatii, Yajiyallo mohlumi ludo paka bibii lyiniiñ.

JEMS 1:5

Nunu kokii matiirḛ konejalo chila papo domilo, mohmi Pinii kokii kuke nento, huna hikha miyu atañmi kobya la bidunii ho hang gamapa, ho hiika hiimi mohmi bikiñ doke.

MIINIIÑ 2:2

Ho aluñpada yapuñ hokii hempḛr allyi uro heniiñ hiilyañ aduritii, ho hiika hii hikha ude mi pote biitii nohna mohlu dutiinii.

MIINIIÑ 4:29

Ho siisi, Attoh, mohluka luluñ nii atañmi kato, ho niika miira atañmi niika aguñmi haropa ludopa bitope,

JON KA AYAPUYU 15:7

Nunu matiirḛ ngiiko giige dokoda, ho ngiika aguñ nunuko giido koda, kuto niijalo nunuka heniiñmi, ho hiimi nunupa miibi kendoke.

JON KA AYAPUYU 14:12

“Jijeloda, jijeloda, ngo nunumi lukoso, huna ngiimi henje talyinii hiitiirḛ ngiika miiniiñ chulipa miigo atañmi miikiñdo; ho siika atañ mitrḛ kayeya miigo miikiñdo, niimpalukoda ngo Aba ko ilyiku.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

PILIPIA 1:14

ho abuya anubarmii atañmi hatii dopa miitii Attoh ko ngiika patiihtunko kopa, ho uroyaya harola Pinii ka aguñmi ludo hang biiso mapa.

MIINIIÑ 2:1

Penticost allo ahku kiile, mohlu hikha duko akoda dukuñ siitii.

MIINIIÑ 4:13

Siisi mohlu Pitar la Jon nyika haro mi kala lala, ho chintii mo anye purimanii hiila, dumiñ miyu, mohlu kahotamotii; ho mohlu kalatii mo anye Jisu agiñ hoka dabo monii hiila.

MIINIIÑ 14:3

Hopa mohlu dakañtii myodu abuje, haropa Attohpa lubiidola, mohlu haki pa lyila miitii aroh-aya ka aguñpa, mohluka alah lo kagiñnanii ho kahotamo miigo miike nembii dola.

PILIPIA 1:20

siikasi ngiika hempḛr uro heniiñpa lyidota ho hengiñ naniipa niimpalukoda ngo iche hetrḛ hiinyañmohi kema, hojalo poteje harola siisi kiirañ ngiika ahuapo lo Kristo mike assañ giikiñ donii, turla jalo malo shiijalo.