MIINIIÑ 3:6 - NITI GONTU N.T. (BSI)

⁶ Hojalo Pitar lutii, “Ngiiko rupu la ayyiñ nyi nyima, hojalo ngiiko nii do ngo niimi bichi; Nazaret daka Jisu Kristo ka armyañ pa, into.”

MIINIIÑ 3:6 ပူးပေါင်းရင်းမြစ်များ

METHU 10:9

Rupu bagii lyayo, ayyiñ tiirḛ, bitie tiirḛ nunuka hupoho,

METHU 7:22

Hiika allo ho abuje ngiimi lukiñ do, Atoh, Atoh, ngunu niika armyañ pa nyibuhema toha, ho niika armyañ lo igii mompa matoha, ho abuje tamo-chikho miigo miima toha niika armyañ pa?

MAK KA AYAPUYU 14:8

Mo nii miila kentii mo miitii; mo ngiika apo mi arrḛyartiiku alie marañ paka miisa niimi.

MAK KA AYAPUYU 16:17

Ho siika kagiñnanii atañsi dojo monkiñdo huna henje nyadonii: ngiika armyañ pa mohlu igii atañmi mompa kendo; mohlu niti aguñ lukiñ do;

JON KA AYAPUYU 19:19

Pailet armyañ miilañ ketii ho hiimi pogyañ ho tiiliitii; hiila ketii, “Nazaret daka Jisu, Jew atañka Radde.”

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

MIINIIÑ 16:18

Ho siika siimi mo abuje allo miitii. Hojalo Pol hadiitii, ho mokur biila ho yajiyallo mi lutii, “Ngo niimi Jisu Kristo ka armyañ pa lubii lyike mohkokii lintoku.” Ho hii hiika myodu jaho ago lintiiku.

MIINIIÑ 2:22

Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

MIINIIÑ 3:16

Ho mohka armyañ pa, mohka armyañ mi henje biidola, siika miyu siimi tamo dopa miitii humina nunu siisi kapa biido nii ho chindonii; ho henje hii Jisu kokiila siika miyu mi hempḛr aya dopa miitii hikha nunuka kadopa.

MIINIIÑ 3:5

Ho mo mo anye mi mo kaditii, hang ako bilyido hiila mo anye kokii.

MIINIIÑ 3:7

Ho mo mohmi lahbi alah lo gala lala ho mohmi seritii; ho ohepada mohka alih la liigḛr nyi tamo ritii.

MIINIIÑ 4:10

siimi nunu hikha chinto, ho hikha Isrel ka miyuatañ, Nazaret daka Jisu Kristo ka armyañ pa, humina nunu leda biinenii, humina Pinii shiiniiñ hokii turdo miibii nenii, mo armyañ pake siika miyu si nunuka hata aya chanchañ danii.

MIINIIÑ 4:7

Ho mohlu mo anye mi liipa jaho dake nela la, mohlu takatii, “Nii harchichikelo ho nii armyañ lo siimi niinyi miidu?”

MIINIIÑ 9:34

Ho Pitar mohmi lutii, “Aeneas, Jisu Kristo niimi miipya biineke; gurito ho niika dotananii mi Karbii toku.” Ho ohepada mo guri datii.

1 KORINTIA 4:11

Siika myodu so ngunu hayado ho hangḛrdo, ngunu abitarii aya giima ho chekorekonii ho udenyima nii,

2 KORINTIA 6:10

heru siido, hojalo kiirañ hempyodo; aroh siido, hojalo abujemi mingo dopa miitii; hang nyima siitrḛ, hojalo kapane hemi biidu.

2 KORINTIA 8:12

Niimpalukoda henjuniiñ hii ho dokoda, hiika hiimi talii kendoke miyu ko niihna donii, mohko niihna nyimanii hiila mapa.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

1 PITAR 4:10

Niitañpa kone abi ahmiñayiñ mi lariitii, ako anyañpa miiho siina nanto, Pinii ka ponsa ponsa aroh-aya biniiñka denki kalya binyaniipa: