MIINIIÑ 3:26 - NITI GONTU N.T. (BSI)

²⁶ Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

MIINIIÑ 3:26 ပူးပေါင်းရင်းမြစ်များ

METHU 1:21

mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

MIINIIÑ 3:22

Mose lutii, “Attoh Pinii nunupa nyibuhenii seri bikiñ doke nunuka anubarmii hokii niihtañpa mo ngiimi seritii. Nunu mohka luniiñmi tatolya niijalo mo nunumi luchi.

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

MIINIIÑ 3:25

Nunu nyibuhenii atañka oho atañ ho hemmesiiniiñ nunuka aba atañ mika Pinii ka biniiñ, Abraham mika luniiñ, ‘Ho niika ohoasi hokii hikha kiiddiapiñ daka uru atañmi lyankiñdo.’

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,

IPISIA 1:3

Pinii ho Atoh Jisu Kristo ka Aba mi assañsa, huna ngunumi Kristo ko lyantii nii kapane yajiyallo ka lyaniiñ mi dariiganda ho,

ROM MIKA POL KA SIITI KENIIÑ 15:29

ho ngo chindo niida ngo nunuko ahchi ngo poteje Kristo ka lyaniiñ mi bagiila ahchi.

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”

1 PITAR 3:9

Diimmah pa diimmah miisi yayo malo cheniipa chesi lyayo; hojalo hiilamapa lyantolya, niimpalukoda siika sipake nunumi gyotiinii, niimpalukoda nunu lyaniiñmi padupa.

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

MIINIIÑ 3:20

ho mo Kristo mi nunupa kiiniñ bikiñ doke, Jisu mi,

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

METHU 15:24

Mo lusitii, “Ngiimi Isrel ude daka subuñ lyunii atañ kosu kiiniñ siitiinii.”

JON KA AYAPUYU 4:22

Nunu heriida nii mina nunu chima nii; ngunu heriidu nii mina ngunu chindonii, niimpalukoda sangopyako hii Jew atañ kokii siike.

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

MIINIIÑ 3:13

Abraham ho Isak ho Jakob ka Pinii, ngunuka aba-apa ka Pinii, mohka miira Jisu mi assañdiilañ tii, humina nunu bipatiinii ho Pailet kado pa mapa tiinii, mohka mohmika apa paka miilyiho.

ROM MIKA POL KA SIITI KENIIÑ 15:8

Niimpalukoda ngo nunumi lukoso Kristo miirapa lyitii mitupipa konii atañpa Pinii ka lotii mi kakiñ dupa, biloka aba-apa mika hemme biniiñ mi jije ke hiila kakiñ naniiñpa,