MIINIIÑ 3:15 - NITI GONTU N.T. (BSI)

¹⁵ ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIINIIÑ 3:15 ပူးပေါင်းရင်းမြစ်များ

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

MIHUKAKIÑNIIÑ 21:6

Ho mo ngiimi lune, “Siika siimi miitii ku! Ngo Alpha ke ho Omega ke, arañ la mitu ke. Yasie hangḛr bo atañmi ngo sango ka yasie shoo hokii bichi hang arie lamapa.

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

HIBRU 2:10

Niimpalukoda siikasi miitatola doku mohpa, hupana ho hukohokiina kapane drih atañ lintii nii, abuje oho atañmi tatukatu ho ahgii lala, mohluka sangopyako mika miitu rigii niimi digoabiaya dopa miitii heru heniiñlo.

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

JON KA AYAPUYU 5:26

Niimpalukoda Aba kii sango do mo atohko, hiichulipa mo Oho mi bitola do sango mo attoh ko dopa,

JON KA AYAPUYU 1:4

Mohko sango hii dotii, ho sangohii miyu atañka hutoh.

MIHUKAKIÑNIIÑ 22:17

Yajiyallo la Mihie nyi ludo, “Ahto.” Ho hutiina tapa nyadonii luke nento, “Ahto.” Ho hutiina yasie hangḛr donii ahto, huna labii nandonii labii kiineto sango ka yasie mi hang arie bimapa.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

HIBRU 5:9

ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 4:10

Jisu mohmi lutii, No matiirḛ Pinii ka ahmiñayiñ mi chintii koda, ho huna si niimi lula donii hiila, ngiimi yasie gonge bipe, no ya mohmi kududo, ho mo niimi turnii yasie bitiido

MIHUKAKIÑNIIÑ 22:1

Ho mo ngiimi sango ka yasie ka kiiley mi kakiñ, crystal yalañ mitrḛ hudakhada yatola, Pinii ka raddeduko la Subuñ nyiko hokii biliñdo

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

IPISIA 1:20

nii mina mo miipetiinii Kristo ko mohmika shiiniiñ hokiika turiturku dopaka miilyiho ho mohmika mohka lahbi dalyi hoka dudo paka miilyiho dariiganda ka duko atañ ho,

MIINIIÑ 5:31

Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

MIINIIÑ 1:22

lotujaho hokii Jon ka baptisma bilyi hokii khiiri biila mohmika ngunu apur hokiika chagii menda hemi, ngunu punko hokii siika miyu mi ngunu agiñho dagii kendo mohka turiturku kuniiñ mi haki binii pa.

LUK KA AYAPUYU 24:48

Nunu siika drih atañka hakipa dulyike.

MIINIIÑ 4:2

hadiinyatii niimpalukoda mo anye miyu atañmi tonsḛrtii ho Jisu ka shiitii hela ka turiturku niimi gyukotii.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.