MIINIIÑ 26:20 - NITI GONTU N.T. (BSI)

²⁰ hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 26:20 ပူးပေါင်းရင်းမြစ်များ

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

METHU 3:8

Henkur giiniika ahee ya hinya to,

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

MIHUKAKIÑNIIÑ 2:5

Henka nyatoku nohkiina nunu huhi nyado kunii, henkur toku ho miito nunuka kapyo hoka miigo miiniiñmi. Hiila matiirḛ miima koda, ngo nunuko ahchi ho nunuka muru mi lara biichi ku hiika ahii ko hokii, nii dahepa nunu henkur tama.

METHU 9:13

Inge ho chingii siikasi nii hiisa niimipe, ‘Ngo aroh ke anna donii, ho membi niimi make.’ Niimpalukoda Ngo denki atañmi gyopa ahma ke, hojalo ingyamiigyanii atañ mike.”

MIHUKAKIÑNIIÑ 3:3

Hempa nyato niihna nunu larii tiinii ho tapatiinii; hiimi atii biito, ho henkur nyato. Nunu matiirḛ huro makoda, ngo diipyonii hiilyañ ahchi, ho nunu chinkiñ make nii myodu ho ngo nunuko ahchi hiila.

IPISIA 4:17

Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

2 KORINTIA 7:10

Niimpalukoda piniihenju ka heru hii henkur mi lingiido hiika hii sangopyakoho ingiidu ho hengahenkha mi ahgiima, hojalo dohadolo ka heru hii shiigo mi ahgiidu.

1 TESOLONIA 1:9

Niimpalukoda mohlu atoh atoh ngunuka piigo mi luko siido, niihtañ aya kariikatañtii ngunumi nunuka punkoho, ho niihtañ nunu Pinii kii dalyi ahku puchinii kokiila, turnii ho jije Pinii mi miiho dupa hiila,

2 KORINTIA 3:16

hojalo niida miyu Attoh ko dalyi mobo talyi byoke mi lapa bitii.

ROM MIKA POL KA SIITI KENIIÑ 2:4

Malo no helii henga lakiñ doha mohka hiimkane helakala ho yanupa pigiiniimi ho yanuniimi? No chimapo Pinii ka helakala niisi niimi henkur kiine dukupa hiila?

MIINIIÑ 26:17

niimi miyuatañ ko kiiniñ biilyi ho Midomiyu atañko, huko hona ngo niimi kiiniñ biilyi nii

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

MIINIIÑ 15:19

Hopa ngiika ayakacho kaniisi hiilake ngunu ahiare miipa masa hutiina Midomiyu hokii Pinii kii dalyi ahdonii,

MIINIIÑ 11:18

Mohlu siimi tapa lala miilañru adu nyama tii. Ho mohlu Pinii mi assañtii, lubiidola, “Hokoda Pinii Midomiyu atañ miilañmi sango paka henkur kunii mi bittii ku.”

MIINIIÑ 9:35

Ho hikha Laida la Sharon daka dunii atañ mohmi kappatii, ho mohlu Attoh mi henje nyatii.

MIINIIÑ 9:15

Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke;

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

LUK KA AYAPUYU 15:7

Hiichuli pa, ngo lukosa nunumi, dariiganda ho siimitiirḛ uro yapa hempyo kendo ingyamiigyanii koneka henkur lyiho hikha denki kowakhange la midiñkowa hemi apayatiila hutiina henkur dupa lyimanii.

LUK KA AYAPUYU 13:5

Ngo nunumi lukoso, ma; hojalo nii dahepa nunu henkur tama nunu miilañru sichuli lyukiñ doke.”

LUK KA AYAPUYU 13:3

Ngo nunumi lukoso, Ma; hojalo nii dahepa nunu henkur tama nunu miilañru lyusanii adiñ.

LUK KA AYAPUYU 1:16

Ho mo abuje Isrel ka oho atañmi Attoh mohluka Pinii ko ahkudopa miikiñdo,

MAK KA AYAPUYU 6:12

Hopa mohlu ila ho tonsḛrkhenyo tii miyu atañmi henkur dopa.

METHU 4:17

Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

METHU 3:2

“Henkur nyato, niimpalukoda dariiganda ka raddeganda hii alahho dokuke.”

MIHUKAKIÑNIIÑ 16:11

ho bebiido dariiganda daka Pinii mi mohluka achih ho henga henkhami, ho henkur nyama mohluka miiniiñmi.

MIHUKAKIÑNIIÑ 2:21

Ngo mohmi myodu bitii henkur dopa, hojalo mo henkur tama ludo mohka helyihembyo miiniiñ hokii.

MIINIIÑ 26:19

“Hopa, O Radde Agrippa, ngo dariiganda hokiika mihu kapa niimi takho lamato,