MIINIIÑ 26:18 - NITI GONTU N.T. (BSI)

¹⁸ mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

MIINIIÑ 26:18 ပူးပေါင်းရင်းမြစ်များ

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

IPISIA 1:18

nunuka ahha ka amee mi hutoh byohu kencho, niimpalukoda nunumi chinke nendupa niitañka hentiñ naniiñ pana nunumi gyotii nii, niihna mohka hempḛr tatukatu atañ piniimiyu atañ mika pensi sanii,

IPISIA 5:8

niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

MIINIIÑ 20:32

Ho siisi ngo nunumi Pinii mi lubii lyikuke ho mohka aroh-aya aguñlo, niihna nunumi sangii kendonii ho nunumi pendokupa hikha nunumi hutii mina darii miitii kunii.

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

JON KA AYAPUYU 8:12

Hiira Jisu mohlumi lukotii, lubiidola, “Ngo dohadolo ka hutoh ke; huna ngiimi imbo monchinii hii kamo ho ingkiñ make, hojalo sango ka hutoh mi giikiñdo.”

LUK KA AYAPUYU 1:79

huna kamo la shiigo ubu nyiho dunii hiimi hutoh byohu kiine dupa, ngunuka alih mi chimie lembo ho pagii dupa.”

IPISIA 4:18

mohlu kamonyada mohluka chilananiiñho, Pinii ka sango hokii nempa linko kunii niimpalukoda mohluka tamkalo mako hopa, mohluka ahha ka alḛr kopa;

2 KORINTIA 6:14

Henjemanii atañka agiñho miiboyo. Niimpalukoda denki la ingyamiigya nyi duhiñ lakiñ dopeha? Malo hutoh la kamo nyi dukuñ siila kendo peha?

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.

MIINIIÑ 2:38

Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

1 JON 1:9

Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

1 PITAR 2:25

Niimpalukoda nunu ngonyane subuñ chitañ, hojalo siisi subuñ sorniiko ahku doku ho nunuka yallo mika Kabii boko.

HIBRU 11:6

Ho henje giimapa mohmi hempyo miipa lakiñma. Niimpalukoda hujalo Pinii ka aruñho ahchi henje kendo loda mo du hiila ho mo ajudu hiika atañmi huna mohmi medonii.

MIINIIÑ 13:47

Niimpalukoda Attoh ngunumi miito ludo, lubiidola, Ngo nunumi Midomiyu atañka hutoh pa atii biilyi ke, niimpalukoda nunu sangopyako mi hikha kiiddiapiñ so ahgii dupa.

MIINIIÑ 15:9

ho mo hang khiingu khiirema mohlumi la ngunu mila, hojalo mohluka ahha mi asetii henjelo.

MIINIIÑ 5:31

Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

JON KA AYAPUYU 9:5

Nii dahe pa ngo dohadolo so dachi, ngo dohadolo ka hutoh ke.”

JON KA AYAPUYU 3:19

Ho siika sike ayakacho kaniiñ, hutoh hii dohadolo so ahtii, ho miyuatañ kamo miya hembyo nyada hutoh mi hentola, niimpalukoda mohluka miiniiñ atañ hii diimmah tii.

1 JON 2:12

Ngo nunumi kebii lyike, himme atu atañ, niimpalukoda nunuka ingyamiigya niimi hello tiikuke mohkiipa.

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

JON KA AYAPUYU 17:17

Dariimiito mohlumi jijeho; niika aguñ hii jije.

LUK KA AYAPUYU 1:77

sangopyako ka piigomi luko kiine dupa mohka miyu atañmi mohluka ingyamiigyanii atañ hokii hello biido kula,

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

HIBRU 10:14

Niimpalukoda ronge paka biniiñlo mo digoabiaya dopa miitii hikha myodupa hutii mina darii miitii kunii.

GELESIA 3:14

Kristo Jisu ko Abraham ka lyarniiñ hii ahkiñcho Midomiyu atañ ko, niimpalukoda ngunu Yajiyallo ka hemme niimi larii dupa henjelo.

LUK KA AYAPUYU 24:45

Ho mo mohluka ahiñ mi miiko bitii piniipota mi tala kiine dupa,

2 TIMOTI 2:26

ho mohlu igii ka gyoh hokii hargii kencho, mohlo latu kobii tola mohka henko hoka miila dunii hokii.

IPISIA 2:8

Niimpalukoda nunumi aroh-aya loke lyangur tiinii henje kiilo; ho siikasi nunuka atoh miisu niima ke, siikasi Pinii ka ahmiñayiñ ke,

IPISIA 1:11

Mohko, miidiñ ahiñ mohka miipe laka lyiniiñmi hikha drih atañmi huna ngunumi gyotiinii mohka henju jaho,

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

LUK KA AYAPUYU 2:32

Midomiyu atañ paka hutoh byokhe sanii, ho niika miyu Isrel paka tatukatu giisanii.”

METHU 4:16

kamo hoka miyu dunii atañ hempḛr uro hutoh kappatii, ho hutiina hiika ganda siiko ho dutiinii ho hutiina shiigo ubuho dunya tiinii hutoh byohu bitii.”

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.

HIBRU 9:15

Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

IPISIA 5:14

Hopa siikasi lutii, “Huronyato, Imilaka donii, ho turi nyatoku shiinii hokii, ho Kristo nunumi hutoh bikiñ doke.”

IPISIA 1:14

nii mina ngunumika hentiñ naniiñpa bitiinii ngunuka pensi kosa niimi nii dahepa ngunu hiimi biitema, mohka tatukatu mi assañ naniiñpa.

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

GELESIA 3:2

Ngiimi siimi kontii nunumi taka kiinepe: Nunu Yajiyallo mi dapo ka miigomi miibii dola larii tiinii, malo henje biido laka tapa kopa ha?

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

1 KORINTIA 1:2

Pinii ka gyoliñkonii Korint hoka donii, hiika atañmi hutiina Jisu Kristo ko dardḛtiiku nii, piniimiyu hiila tonge paka gyokonii hikha hiika atañ agiñho kapakohe ganda siiko ho Attoh Jisu ka armyañ mika gyoko ho, anye ruka Attoh ngunukii ho mohlukii:

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

MIINIIÑ 26:23

Kristo heru henkiñdo lodake, ho hiiko, kapyo japa ka shiinii hokiika turiturku niipa lyikiñdo, mo hutoh mi gyuko kendo miyuatañ mi ho Midomiyu atañ mi.”

MIINIIÑ 10:43

Mohmi hikha nyibuhenii atañ tiirḛ haki bine hujalopa mohmi henje talyi ingyamiigyanii hokiika hellokoku niimi kapa kendo mohka armyañ pa.”

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

JON KA AYAPUYU 9:39

Jisu lutii, “Ngo ayakacho mi kadu pa dohadolo so ahdu, niimpalukoda huna kapa nyama nii kapa kiine dupa, ho hutiina kapa nyadonii hiimi micha kiine dupa.”

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 4:10

Jisu mohmi lutii, No matiirḛ Pinii ka ahmiñayiñ mi chintii koda, ho huna si niimi lula donii hiila, ngiimi yasie gonge bipe, no ya mohmi kududo, ho mo niimi turnii yasie bitiido

METHU 4:10

Ho Jisu mohmi lutii, “Dasato, Saitan! Niimpalukoda hiila ketola do, ‘Nunu niika Attoh Pinii mi kontii heriito ho mohmi kontii miihoto.’”

MIINIIÑ 26:19

“Hopa, O Radde Agrippa, ngo dariiganda hokiika mihu kapa niimi takho lamato,

IPISIA 5:11

Hang aheehiliñ giimanii kamo hoka miigo ho miibo lyayo, hojalo hiika atañmi kapadopa ya miitolya.

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.