MIINIIÑ 26:10 - NITI GONTU N.T. (BSI)

¹⁰ Ho ngo hiila Jerusalem ho miito; ngo abuje henjenii miyu atañmi patiihude ho kontii aliimapa, nyibu burii kokii otority kubiila, hojalo mohlumi shiido pa miito hiila ngo mohlumi chekhola lubo monto.

MIINIIÑ 26:10 ပူးပေါင်းရင်းမြစ်များ

MIINIIÑ 8:3

Hojalo Sol gyoliñkonii atañmi pyadu lopa miitii, ho ude pinge abi ahla, mo nyimii milobomi seliñ lala ho mohlumi patiihude ho tuntii.

MIINIIÑ 9:21

Ho hikha hutiina mohmi tapa tiinii hemur nyatii, ho lutii, “Siika miyu simasa Jerusalem hoka payagayabo huna siika armyañ mi luko nyanenii? Ho mo siika piigo pa so ahdo, mohlumi sebiila nyibu burii ko selii biidupa.”

1 KORINTIA 15:9

Niimpalukoda ngo kiiniñkonii hopa atu jaku, kiiniñkonii hiila gyoko dupa tiirḛ lyima, niimpalukoda ngo Pinii ka gyoliñkonii mi miihimiireto.

MIINIIÑ 9:26

Ho mo Jerusalem ahbiila mo henjeajiñ atañka agiñho ahbopa miika tii; ho hikha mohlu mohmi biisotii, niimpalukoda mohlu taje matii mo henjeajiñ hiila.

MIINIIÑ 8:1

Ho Sol mohka shiiniiñ mi ḛh hiila talii biido Ho hiika allo ho hempḛr uro miihimiire miiri nyatii Jerusalem daka gyoliñkonii atañmi; ho mohlu hikha harpya harsa haja giitii Judia ho Samaria gandaho, kiiniñkonii atañmi apalala.

MIINIIÑ 7:58

Ho mohlu mohmi citi ka agoho jopa limbiido ho mohmi yalañ kubiido; ho haki atañ mohka abitarii atañmi yapa atu koneka alih ho atiitii Sol hiiniiñboko.

MIHUKAKIÑNIIÑ 17:6

Ho ngo annii akha mi kapato, piniimiyu atañka ai hokii tangii tola ho Jisu paka shiibi nii atañka ai mi. Ngiika mohmika kapa lyiho ngo ano hemurto.

IPISIA 1:1

Pol, Kristo Jisu ka kiiniñkonii Pinii ka henko jaho, Pinii miyu atañmi hutiina lotii nyadonii Kristo Jisu ko:

GELESIA 1:13

Nunu ngiika bilo ka Judaism hoka sanju mi tapa biine, niihtañpa ngo Pinii ka gyoliñkonii atañmi patogato ho hiimi pyadu lopa miito;

MIINIIÑ 9:41

Ho mohka alah mi mohmi lyurii lala ho mohmi seritii. Ho piniimiyu atañmi ho hiimie atañmi mohmi turdopa nembi tiiku.

MIINIIÑ 9:32

Siisi Pitar siikaso inkele ho hiiko hikha mohluka agiñho, mo Laida hoka piniimiyu dunii atañ ko miilañ ahtii.