MIINIIÑ 22:1 - NITI GONTU N.T. (BSI)

¹ “Anubarmii la aba atañ, tageto siisi ngo nunuka hataho luko talyike.”

MIINIIÑ 22:1 ပူးပေါင်းရင်းမြစ်များ

MIINIIÑ 7:2

Ho Stepen lutii: anubarmii ho aba atañ, ngiika luniiñmi tato. Pinii hudakhada ngunuka aba Abraham ko ahtii, mohka Mesopotamia hoka daho, Haran hoka duma rampa,

2 TIMOTI 4:16

Ngiika kapyo paka lutḛr siilyi ho kone hetrḛ ngiipa dabo mane; miilañru ngiimi apa nyatii. Sipa mohlumi halii makiñcho!

1 PITAR 3:15

hojalo nunuka ahha ho Kristo mi Attoh hiila khiito. Kiirañ hemmyo giila dato lya lupya siina naniipa huna nunumi gyola lala nunu koka hentiñ giiniimi taka donii, hojalo hiimi ahhakeyiñ lo ho khiibiidola miito;

PILIPIA 1:17

kapyo dakii Kristo mi gyukoda khiichekhiihe siiniiñ ka henju mi giitola, denki pamapa hojalo herumiipa dupa ngiimika patiihtuntii so.

PILIPIA 1:7

Siikasi ngiipa hendiko hiila hendo hikha nunupaka heniiñsi, niimpalukoda ngo nunumi ngiika ahha ho atii biidu, nunu hikha ngiika agiñho aroh-aya mika labo monii, anyeruho ngiika patiihtunko kotrḛ ho ayapuyu mika lutrḛ ko ho jijeke hiila luko ko.

2 KORINTIA 12:19

Nunu hiila ha hendunii ngunu atohmi lupya siido nunuka hataho hiila? Siikasi Pinii ka kataho ngunu Kristo ko ludu, ho hikha rusi nunuka ayakiipa, ngiika anubarmii atañ.

2 KORINTIA 7:11

Kato niihtañ henkiñ siika piniihenju ka heru si nunuko lingiido, niihtañ nunu atohmi lupya siido pa miibiido, niihtañ hadiine, niihtañ henjune, niihtañ kalya nyane, niihtañ miinala henyane, niihtañ pamyo kenkone! Kapakohe nunu atohmi lugo giima dopa kakiñ siitii siika drih ho.

1 KORINTIA 9:3

Siikasi ngiika lutrḛ siina naniiñpa lyido huna ngiimi taka talyi nii.

ROM MIKA POL KA SIITI KENIIÑ 2:15

Mohlu kakiñdo nii dapo anado hii mohluka ahha ho ketola do hiila, hiilamiibii dola mohluka henju hiitiirḛ haki bido ho mohluka chesu laka henju hii haliido malo mohlumi hellodo

MIINIIÑ 28:17

Allo lohiñhe daku lala mo hoka Jew sangii gyagii niimi gyobii nyimi; ho mohlu ahkuñ kiile, mo mohlumi lutii, “Anubarmii atañ, ngo hang miigya masu miyu atañmi malo ngunuka aba-apa ka muju lujju mi, hojalo ngiimi pattiih tunko niipa Jerusalem hokiila Rom miyuatañ ko nembo bitii.

MIINIIÑ 26:24

Ho mo siika lupya siiniiñmi lukele, Festas hempḛr goropa lutii, “Pol, no runduke; niika hempḛr uro chiniisi niimi rungii doke.”

MIINIIÑ 25:16

Ngo mohlumi lusitii siikasi Rom atañka muju make mi kone mijalo halii konii mi halii bomi ka nyitumoru kata ho apa bidopa, ho myodu bila ka lyiniiñsi mohmi lupya siidopa mohmika halii niimi.

MIINIIÑ 25:8

Pol mo lupya siila lutii, “Jew atañka dapo mi chekhola malo, piniiude mi chekhola, malo Kesar mi chekhola ngo miigya tiipeha nunu miilañ rumi.”

MIINIIÑ 24:10

Ho govonor mohmi lutote hiila hohe kiile, Pol lusitii: “Abuje anyañ no siika ganda ka ayakacho kaniipa dune ku hiila hembiidola, ngo hempyo biidola ngiipa lupya siichi.

MIINIIÑ 23:6

Hojalo Pol hendḛr lala khache si Sadusi atañ ho tange hii Parisi atañ hiila, mo bulyañ ho gyuritii, “Anubarmii atañ, ngo Parisi, Parisi ka oho; hengi nanii mika khiiko hopa ho shiinii ka turiturku kendo luko hopa ngiimi latutii.”

MIINIIÑ 23:1

Ho Pol, bulyañ mi kadi lala, lutii, “Anubarmii atañ, ngo Pinii ka hataho siilo lohe pa hendi biidola santii.”

MIINIIÑ 19:33

Miyu tonge Alejandar mi halii biido, humina Jew atañ kapyopa atii tiinii. Ho Alejandar mohka alah mi yucha biidola, miyu atañmi lyardu pa miido.

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

LUK KA AYAPUYU 21:14

Nunuka ahha ho siimi henge giitolya, hemmyo lyayo nii hiila pe luchinii hiila;

LUK KA AYAPUYU 12:11

Ho niida nunumi mohlu sinagog atañ ho ahgii talyi ho sangiinii atañ la otority atañ ko, hena yayo niihtañ pape malo nii hiilape nunu lusitalyinii hiila malo niihyu nunu luchinii hiila;