MIINIIÑ 20:7 - NITI GONTU N.T. (BSI)

⁷ Kanualo ka kapyoja allo ho, ngunu tonge pa dakuñla yatañ mi petu dupa miikele, Pol mohlumi luriitii, allo loyeyaho indu kupa hiila; ho mo mohka luniiñmi ayoh liipa lohe lukañtii.

MIINIIÑ 20:7 ပူးပေါင်းရင်းမြစ်များ

1 KORINTIA 16:2

Kanualo karmyañ ka kapyoja allo ho, kone abi nunu hang drih kone lakhu linto la atiito ho hiimi atii tiikuñto, mohka donii hokii, niimpalukoda bibyuñ bitiñ dopa lyikiñ make ngiika ahlyi ho.

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

JON KA AYAPUYU 20:19

Hiika allo ka alyiñho, kanualo ka kapyoja allo ho, alyeh hii giipiñ tola dotii nohna henjeajiñ atañ dutiinii, Jew atañ mika biisomi, Jisu ahtii ho mohluka punkoho datii ho mohlumi lutii, “Chimie nunu agiñho dokiñcho.”

JON KA AYAPUYU 20:1

Siisi kanualo ka kapyo ja allo ho Mary Magdalen arokonchi ho byuh ho ahtii, kamo dorañpa, ho byuh hokii yalañ mi giipa tola dopa kappatii.

MIHUKAKIÑNIIÑ 1:10

Ngo Yajiyallo ho dato Attoh ka allo ho, ho ngo tapato ngiika kiiliñho hempḛr goropa siirii muniiñ hiilyañ

MIINIIÑ 20:11

Ho Pol ayoh ho chakula ho yatañ mi petu lala ho diitii, mohlumi diiriihe luriila miitii hela, hutoh menda hemi, ho intiiku.

MIINIIÑ 28:23

Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ.

MIINIIÑ 20:9

Ho yapa atu kone Eutychus hiila armyañ ugo ka aruñho dune nii. Mo hempḛr uro imi niitetii Pol ka lukañ siilyinii; ho imi niite hajala, mo hingenii ayoh chidii hokii hupayutii ho shiido pa jocha biitii.

LUK KA AYAPUYU 24:35

Ho mo anye lukotii niihna lembo ho lyitiinii, ho niihtañpa mo mo anye mi chindopa miitii yatañ mi petu biidola.

1 KORINTIA 15:10

Hojalo Pinii ka aroh-aya kopa ngo da niihtañ pajalo ngo da, ho mohka ngiikii dalyi hoka aroh-aya niisi piigoama miima. Yoheyapa ludo koda, ngo uro yapa miigo miinii kone abimi, hii ngoma siijalo, hojalo Pinii ka aroh-aya niihna ngiiko donii.

1 KORINTIA 10:16

Lyaniiñ ka turla si nii mina ngunu lyantii kunii, siikasi miibo kuma siipeha Kristo ka ai ho? Yatañ nii mina ngunu petu donii, siikasi miibo kuma siipeha Kristo ka apo ho?

MIINIIÑ 20:31

Hopa hendi nyatolya, hempa biidola danyi nyahiñ hemi ngo ayoh yohe hetrḛ yopa mapa malo allo lohe tiirḛ lopa mapa kone abimi mila bibii dola lukotii.

MIINIIÑ 2:46

Ho allo karmyañmi, tongepa piniiude ho ahtii ho mohluka ude ho yatañ mi petulala diitii, mohlu hempyo biidola ho kobya ahha giibii dola diigo diihiñ nyatii,

JON KA AYAPUYU 20:26

Allo lopinye daku lala, mohka henjeajiñ atañ hiira ude ho dutii, ho Tomas tiirḛ mohluka agiñho dubo montii. Alyeh hii giipiñ tola dotii, hojalo Jisu ahtii ho mohluka agiñho datii, ho lutii, “Chimie nunu agiñho dokiñcho.”

LUK KA AYAPUYU 22:19

Ho mo yatañ mi tula la, ho mo payapacho lula la mo hiimi petutii ho mohlumi bitii, lubiidola, “Siikasi ngiika apoke nunu paka biniiñ. Siimi miitolya ngiimi hempa hengi naniiñpa.”

2 TIMOTI 4:2

aguñmi tonsḛrkhenyo to, kiirañ hendi tolya myodu jalo malo myodu majalo, yatolya, gatolya, ho harolupa tolya, pigiiniimi la tonsḛr niimi pema miima miilya yo.

MAK KA AYAPUYU 16:9

Ho mo kapyoja allo ho turi kula, mo Mary Magdalen ka agiñho ahtu japa ahtii, huko hokiina mo igii midiñ kanuhe mompa tiinii.

MIINIIÑ 16:10

Ho mo mihu kapa lala, nyibya loda ngunu Masedonia ho indupa miidu, hiila hela Pinii ngunumi gyodo ke ayapuyu mi mohlumi luko kiine dupa.

MIINIIÑ 20:5

Siika atañsi inkatii ho ngunumi kalya Troas do dami,