MIINIIÑ 2:4 - NITI GONTU N.T. (BSI)

⁴ Ho mohlu miilañru Darii Yajiyallo giinyatii ho pongelya aguñ luri nyatii, Yajiyallo mohlumi ludo paka bibii lyiniiñ.

MIINIIÑ 2:4 ပူးပေါင်းရင်းမြစ်များ

METHU 10:19

Niida nunumi tiipa liichi, hena yayo niihtañ payu luchinii malo nii hiilayu luchinii; niimpalukoda niihna nunu lukiñ donii hiika myoduho bikiñ doke;

MAK KA AYAPUYU 16:17

Ho siika kagiñnanii atañsi dojo monkiñdo huna henje nyadonii: ngiika armyañ pa mohlu igii atañmi mompa kendo; mohlu niti aguñ lukiñ do;

LUK KA AYAPUYU 1:15

niimpalukoda mo Attoh ka kata ho ano khiiniiñ pa lyikiñdo, ho mo roalha tiirḛ takiñ ma ho ow alha tansa tiirḛ, ho mo Darii Yajiyallo poteje giikiñdo, mohka annii ka akhiiere jahokii.

LUK KA AYAPUYU 1:41

Ho Elizabeth Mary ka luniiñmi tapa hangkele, mohka erre daka wiinga abyu ritii; ho Elizabeth ko Darii Yajiyallo ahtii

LUK KA AYAPUYU 1:67

Ho mohka aba Zakariah Darii Yajiyallo poteje giitii, ho nyibuhentii, lubiidola,

LUK KA AYAPUYU 12:12

niimpalukoda Darii Yajiyallo nunumi tonsḛr kendoke hiika myodu ho nunuka lusa niimi.”

LUK KA AYAPUYU 21:15

niimpalukoda ngo nunumi aguñ ho chila bichi ke, nii mina nunuka ahha banii chekhola dala kemanii malo cherii lakiñ manii.

LUK KA AYAPUYU 4:1

Ho Jisu, Darii Yajiyallo poteje giitola, Jordan hokii ahkur tiiku, ho Yajiyallo lo ingii kotii

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

JON KA AYAPUYU 20:22

Ho mo siimi luku lala, mo mohlumi muhi biido, ho mohlumi lutii, “Darii Yajiyallo mi larii tolya.

MIINIIÑ 1:5

Jon yasie lo baptisma bitii, hojalo allo abu loma rampa nunu Darii Yajiyallo lo baptisma biko kendoke.”

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”

MIINIIÑ 10:46

Niimpalukoda mohlu mohlumi mika aguñmi ludopa tapatii ho Pinii mi assañdopa. Ho Pitar lutii,

MIINIIÑ 10:47

“mi kone jalo lutiñ lakiñ dopeha yasie loka baptisma lasa nii hokii siika miyu atañmi hutiina Darii Yajiyallo larii nyabii nenii ngunu giichañ ho?”

MIINIIÑ 11:15

Ngo luri kiile, Darii Yajiyallo mohluko huha ne niihtañpa ngunu ko lotu ho huha.

MIINIIÑ 11:24

niimpalukoda mo denki miyuke, poteje Darii Yajiyallo ho giinii. Ho hempḛr miyu taro Attoh ko ahbyañtii.

MIINIIÑ 13:52

Ho henjeajiñ atañ hempyo nyatii ho Darii Yajiyallo agiñho.

MIINIIÑ 13:9

Hojalo Sol, humina Pol hiila hiitiirḛ gyotiinii, Darii Yajiyallo giitola, mohmi kaniila kaditii

MIINIIÑ 15:8

Ho Pinii huna ahha mi chidonii mohlupa haki bitii, Darii Yajiyallo bibii dola ngunu mika bichañ ho;

MIINIIÑ 19:6

Ho Pol mohka alah mi mohluko tencha kiile, Darii Yajiyallo mohluko ahtii; ho mohlu pongelya aguñ lutii ho mihu katii.

MIINIIÑ 2:11

Kret miyuatañ la Arab miyuatañ, ngunu mohlumi ngunuka attoh aguñ ho Pinii ka kahe miigo miiniiñmi luko dopa tapa do.”

MIINIIÑ 2:3

Ho hiiko mohluko allyo hiilyañ pa yamu tihatii, ho mohluka apurho kone abiko tichetihe hatii.

MIINIIÑ 4:31

Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

MIINIIÑ 4:8

Ho Pitar, Darii Yajiyallo giitola, mohlumi lutii, “Miyu atañ la amiabañ mika sangii atañ,

MIINIIÑ 6:3

Hopa, anubarmii atañ, nunuka punko hokii kanuhe denki miyu hokii kaheto, poteje Yajiyallo ho chila giinii hokii, hiimi ngunu siika miigo pa kahesa.

MIINIIÑ 6:5

Ho mohluka niihna lutiinii hikha miyuatañ mi hempyo lupa tii, ho mohlu Stepen mi kahetii, poteje henje ho Darii Yajiyallo giinii miyu, ho Pilip, ho Prokorus, ho Nikanor, ho Timon, ho Parmenas, ho Nikolaus, Antiok hoka Midomiyu.

MIINIIÑ 6:8

Ho Stepen, poteje aroh-aya ho harchichike giitii, abuje kahotamo ho kagiñnanii atañmi miitii miyu atañka punkoho.

MIINIIÑ 7:55

Hojalo mo, Darii Yajiyallo poteje giitola, yapuñhaho ho kachatii ho Pinii ka hudakhada mi kappatii, ho Jisu Pinii ka lahbi alah ho datii;

MIINIIÑ 8:17

Ho mohlu mohluka alah atañmi mohluko tencha tii ho mohlu Darii Yajiyallo mi lariitii.

MIINIIÑ 9:17

Hopa Ananias intii ho ude ho ahtii. Ho mohka alah mi mohko tenga biidola mo lutii, “Abañ Sol, Attoh Jisu niimika lembo hoka ahriibo, nii lembo hopa no ahtii, ngiimi kiiniñtii hiira niimi kapa kiine dukupa ho Darii Yajiyallo mi giike nendupa.”

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

1 KORINTIA 12:10

kone mi miimalyanii miigomi miidopa, kone mi nyibu hendopa, kone mi yajiyallo atañmi kangu kare ladopa, kone mi abuje aguñ lula dopa, kone mi lusi bila dopa aguñ atañmi.

1 KORINTIA 13:1

Ngo matiirḛ miyu atañka aguñ ludo koda ho miidopopi atañ kiijalo, hojalo hensu giima koda, ngo tasubo uyitalo malo piigoamanii talo hiilyañ.

1 KORINTIA 13:8

Hensu hii henguñ kemake; nyibuhenii mi ludo koda, hiika atañ lyukiñ do; aguñ atañmi ludo koda, hiika atañ lyikiñ kuma; chiniiñmi ludo koda, hiika hii lyukiñdo.

1 KORINTIA 14:18

Ngo Pinii mi payapacho ludu niimpalukoda ngo nunu miilañrumi uro yapa khiibe aguñ ludu;

1 KORINTIA 14:5

Siisi ngo miilañ rumi khiibe aguñ lukiñcho hiila hendo, hojalo nyibuheniiñ mi uro yapacho henkiñcho hiila hendo. Huna nyibuhendo nii hii kahe yado khiibe aguñ luniiñmi hento la, nii dahepa mi kone hiimi luko lusi bitema, gyoliñkonii mi miilyañ giidupa.

IPISIA 3:19

ho chinke nendupa Kristo ka heniiñmi niihna chilami abuyadonii, niimpalukoda nunumi hikha Pinii ka henju mi poteje giike nendupa.

IPISIA 5:18

Ho ow tangii tola dalya yo, niimpalukoda hiikahii byagii kendoke; hojalo Yajiyallo miya poteje giitolya,

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

1 PITAR 1:12

Siikasi hiila kakiñtii mohlumi mohlu atohpa miiho siima hojalo nunupa, drih atañ nii mina siisi nunumi gyuko donii hiika atañlo hutiina tonsḛrkhenyo nyadonii ayapuyu mi Darii Yajiyallo kiilo dariiganda hokiika kiiniñ niike, drih atañ nii mina miidopopi atañ bilo kii kanañ la lyinenii.

2 PITAR 1:21

niimpalukoda nyibuheniiñ ka luniiñhii miyu kokii ahdu hiila ahma, hojalo miyu atañmi Darii Yajiyallo abyu giila la Pinii kokii lutii.