MIINIIÑ 2:38 - NITI GONTU N.T. (BSI)

³⁸ Ho Pitar mohlumi lutii, “Henkurto, ho kone abi baptisma lato Jisu Kristo ka armyañ pa, nunuka ingyamiigyanii atañmi hello kodu pa; ho nunu Darii Yajiyallo ka ahmiñayiñ mi larii kendoke.

MIINIIÑ 2:38 ပူးပေါင်းရင်းမြစ်များ

METHU 28:19

Hopa inge ho hikha ganda atañ ho henjeajiñ lyidopa miinge, baptisma bingelya Aba ho Oho ho Darii Yajiyallo ka armyañ pa,

METHU 3:2

“Henkur nyato, niimpalukoda dariiganda ka raddeganda hii alahho dokuke.”

METHU 3:6

ho mohlu mohlo baptisma bikotii Jordan kiiley ho, mohluka ingyamiigya mi khako siibii dola.

METHU 4:17

Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

MAK KA AYAPUYU 1:15

ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”

MAK KA AYAPUYU 16:16

Huna henje talyinii ho baptisma lachinii hii lyangur kokiñ doke; hojalo huna henje tamanii hii khiipa kokiñ doke.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

LUK KA AYAPUYU 3:10

Ho miyuabuje danii atañ mohmi takatii, “Hokoda siisi ngunu niihpe miikiñ donii?”

MIINIIÑ 10:43

Mohmi hikha nyibuhenii atañ tiirḛ haki bine hujalopa mohmi henje talyi ingyamiigyanii hokiika hellokoku niimi kapa kendo mohka armyañ pa.”

MIINIIÑ 10:48

Ho mo mohlumi Jisu Kristo ka armyañ pa baptisma lato lutii. Ho mohlu mohmi lonye lohiñhe dutorañ lubiido.

MIINIIÑ 13:38

Siimi hopa nunu chinto, anubarmii atañ, siika miyu kiilo ke ingyamiigyanii hokii ka hello kunii mi nunumi gyuko donii,

MIINIIÑ 16:15

Ho mo baptisma laku lala, mohka ude uru agiñho, mo ngunumi mehii, lubiidola, “Nunu matiirḛ ngiimi Attoh pa lotiido hiila kado milo ngiika ude so ahto ho duto.” Ho mo ngunumi uropa lyarii.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

MIINIIÑ 20:21

Jew atañ ma Grik atañ mima pyako biidola Pinii mika henkur sanii mi ho Attoh Jisu Kristo mika henje saniimi.

MIINIIÑ 22:16

Ho siisi niimpa no kalyala da? Gurito ho baptisma lato, ho niika ingyamiigya atañmi ase siito, mohka armyañ mi gyobii dola.’

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

MIINIIÑ 3:19

Henkurto hopa, ho ahkur toku, niimpalukoda nunuka ingyamiigya niimi hello kodu kupa, jojo myodu ahkiñ doke Attoh ka dabo monii hokii.

MIINIIÑ 5:31

Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

MIINIIÑ 8:12

Hojalo mohlu Pilip ka tonsḛr niimi tajetii ayapuyu Pinii ka raddeganda piigo ho Jisu Kristo ka armyañ mi, mohlu baptisma latii, nyimii milobo pada.

MIINIIÑ 8:20

Hojalo Pitar mohmi lutii, “Niikatiicko mi niika agiñho lyuke nento, niimpalukoda no hendo no Pinii ka ahmiñayiñ mi tiicko lo lala todo hiila!

ROM MIKA POL KA SIITI KENIIÑ 6:3

Nunu chimapo hikha ngunu miilañru hutiina Kristo Jisu ko baptisma latii kunii hii mohka shiiniiñ ho baptisma latii hiila?

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

TAITAS 3:5

mo ngunumi lyangur tiiku, ngunuka denki hoka miigo miiniiñ kopama, hojalo mohka aroh ka henjukopa sii, asekula aya yadopa ho nitidopa miitiiku Darii Yajiyallo ho,

1 PITAR 3:21

Baptisma laniiñ hii, siika siimi lutiñ nando, siisi nunumi lyangur do, nunuka kacho mi apo hokii lapa do hiilama hojalo Pinii mi yarla didḛr henjupa, Jisu Kristo ka turiturku kuniiñlo