MIINIIÑ 2:23 - NITI GONTU N.T. (BSI)

²³ siika Jisu mi, Pinii bipatii mohka hemmyonii jaho ho chimbii tola, nunu ledatii ho mentii diimmah miyu atañka alah lo.

MIINIIÑ 2:23 ပူးပေါင်းရင်းမြစ်များ

LUK KA AYAPUYU 22:22

Niimpalukoda miyu ka Oho hii lyikiñdo luto laka dokoho; hojalo aiya hiila hembido hiika miyu mi huna mohmi talubalo danii!

MIINIIÑ 4:28

miidupa niijalo niika alah ho niika hemmyobiniiñ bardiñsoyu miigii talyi.

MIINIIÑ 3:18

Hojalo niihna Pinii hikha nyibuhenii atañlo lutii nii, mohka Kristo heru henkiñdo, mo hiimi miipetii.

1 PITAR 1:20

Mohmi kaye kapyo tola dotiiku dohadolo mika liidi rammarampa hojalo kakiñtii kamikalo myodu jaho niimpalukoda nunukiipa.

MIINIIÑ 13:27

Hutiina Jerusalem ho dunii ho mohluka sangii atañpa, niimpalukoda mohlu mohmi kala matii malo nyibuhenii ka luniiñmi tala matii, nii mina dumoalo karmyañmi ritii nii, hiimi miipetii mohmi halii biidola.

METHU 26:24

Niimpalukoda miyu ka Oho hii nii hiila mohmi ketola do hiila lyikiñdo, hojalo hiika miyu mi aiya hiila hembido huna miyu ka Oho mi talubalo kendo nii! Hiika miyu pa wiinga buko matii koda ya aya yakiñne.”

ROM MIKA POL KA SIITI KENIIÑ 4:17

hiila ketola do, “Ngo niimi abuje halugiira ka aba pa miibii lyike” Pinii ka hataho humina mo henje tiinii, huna shiinii mi sango bidunii ho doliñtote lutiinii drih nyimanii atañmi.

MIINIIÑ 5:30

Ngunuka aba atañka Pinii Jisu mi turidopa miitii humina nunu sannii ho leda lala membii nenii.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

JUD KA SIITI KENIIÑ 1:4

Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

1 PITAR 1:2

Pinii Aba ka kahenii ho hemmyo kuniiñ ho Yajiyallo loka darii miikuniiñ Jisu Kristo ka luniiñ tadopa ho mohka ai loka pippu kuniiñ: Aroh-aya la chimie nunuko abuyapa dokiñcho.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

LUK KA AYAPUYU 24:20

ho niihtañpa ngunuka nyibu burii atañ la sangii nii atañ mohmi shiidopa lohe khiipa liibiine, ho mohmi ledabiine.

LUK KA AYAPUYU 22:37

Niimpalukoda ngo lukoso nunumi siika piniiaguñsi ngiiko lyipe kendo lodake, ‘Ho mohmi talemiilenii atañ agiñho khiita monkiñdo’; niimpalukoda nii hiila ketola do ngiika piigo mi hiika hiimi lyipe kiinekendo.”

MIINIIÑ 7:52

Nii nyibuhenii atañmi nunuka aba atañ miihimiire mane? Ho mohlu mempa biine huna lupyo la luko nenii Denki Kone ka ahsa niimi, humina nunu siisi talubalo tiinii ho mentiinii,

JON KA AYAPUYU 19:24

hopa mohlu kone anyañ mi lusutii, “Simi ngunu sarche masa, hojalo pota tuka siisa si hupana dokiñ donii.” Siikasi piniipota mi lyipe kiine dupa lyitii, “Mohlu ngiika abitarii mi mohluka punkoho tache siibiine, ho ngiika pulyepa mohlu pota tuka siinyado.”

1 PITAR 2:8

ho “Yalañ hiika hii miyu mi liichi giido, yalañ hiikahii mohlumi podo giido”; mohlu liichido niimpalukoda mohlu aguñ ka luniiñ tama, mohlu miido paka lyilyi kunii.

METHU 20:19

ho Midomiyu atañmi nembi kendo nyapa kiinedupa ho hike nendupa ho pogyañ ho leda kiine dupa, ho mo allo lohiñ niika hiiba ho turi kendoku.”

METHU 27:35

Ho mohlu Jisu mi leda kulala, ho mohka pulye mi mohluka punkoho sarche siitii pota tuka siibii dola;

MAK KA AYAPUYU 15:24

Ho mohlu Jisu mi ledatii, ho mohka pulye mi mohluka punkoho sarche siitii, mohluka punkoho niiyape ngiipa hiila potatuka siitii.

LUK KA AYAPUYU 23:33

Ho mohlu Dhinkhu hiila luniiñ gandaho ahchi tiiku, hiiko mohlu mohmi ledatii, ho demaroma anye mita, konemi lahbidalyiho ho konemi lahchi dalyiho.

JON KA AYAPUYU 19:18

Hiiko mohlu mohmi ledatii, ho mo agiñho khiibe anyeta, pache konsa, ho Jisu mo anye ka liipa jaho.

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

MIINIIÑ 5:28

lubiidola, “Ngunu nunumi lubii lyike siika armyañ ho tonsḛr yo, hojalo nunu Jerusalem ho nunuka tonsḛr niilo tapa tatii kiine biido ho nunu siika miyu ka shiiniiñ mi ngunumi halii pa miidunii.”

ROM MIKA POL KA SIITI KENIIÑ 2:12

Hikha hutiina ingyamiigya nyadonii dapo nyimapa hiika atañ dapo nyimapa lyukiñ do, ho huna ingyamiigya nyadonii dapo ho hii dapo lo halii kokiñdo.

1 TESOLONIA 2:15

huna anyerumi mentiinii Attoh Jisu la nyibuhenii atañmi, ho ngunumi ago nempalintii, ho Pinii mi herumiipatii ho hikha miyu atañmi chekhotii