MIINIIÑ 2:22 - NITI GONTU N.T. (BSI)

²² Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

MIINIIÑ 2:22 ပူးပေါင်းရင်းမြစ်များ

JON KA AYAPUYU 3:2

Siika miyu si Jisu ko ahtii ayoh ho mohmi lutii, “Tonsḛrbo, ngunu chindo no tonsḛrbo, Pinii kokii ahnii hiila; niimpalukoda kone hetḛr niika kagiñnanii miiniiñ hiilyañ miila kema, nii dahepa Pinii mo agiñho dabo montema.”

MIINIIÑ 4:10

siimi nunu hikha chinto, ho hikha Isrel ka miyuatañ, Nazaret daka Jisu Kristo ka armyañ pa, humina nunu leda biinenii, humina Pinii shiiniiñ hokii turdo miibii nenii, mo armyañ pake siika miyu si nunuka hata aya chanchañ danii.

LUK KA AYAPUYU 11:20

Hojalo siikasi matiirḛ Pinii ka lahchi lo igii atañmi Ngo mompa dokoda, ho Pinii ka raddeganda hii nunuko ahdo kuke.

METHU 12:28

Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke.

METHU 9:8

Hiimi miyuabuje danii atañ kappa lala, mohlu biisotii, ho mohlu Pinii mi assañtii, huna siika otority mi siika miyu mi bitiinii.

HIBRU 2:4

Pinii tiirḛ haki bitii kagiñnanii ho kahotamo ho abuje miimalyanii lo ho Darii Yajiyallo ka ahmiñayiñ mi mohka atoh henko jaho khetii.

2 KORINTIA 12:12

Jije kiiniñkonii atañ hiila ka kagiñnanii mi nunuka punkoho miikiñtii pigiibiidola, kagiñnanii la kahotamo ho kahe miigo atañ agiñho.

MIINIIÑ 26:26

Niimpalukoda radde siika drih atañmi chindo ke, ho mohmi ngo biiso mapa luko du; niimpalukoda ngiimi lukotii siika drih atañ sokii kone hetrḛ hargii lakiñma kapa mapa, niimpalukoda siikasi khonchañ ho miila lyima.

MIINIIÑ 26:9

“Ngotiirḛ hensuto ngo abuje drih atañlo Nazaret daka Jisu armyañ mi chekho lakiñne.

MIINIIÑ 24:5

Niimpalukoda ngunu kappatii siika lubyunii miyu mi, hikha Jew atañka punkoho hikha dohadolo so mo chegiinii, ho Nazarene hoka dungunii tonge.

MIINIIÑ 22:8

Ho ngo lusitii, ‘Hu no, Attoh?’ Ho mo ngiimi lutii, ‘Ngo Nazaret daka Jisu humina no miihimiire danii.’

MIINIIÑ 21:28

gyutii, “Isrel daka miyuatañ, hembyuñpe! Siika miyu sike huna tonsḛr tonjola miyu atañmi kapa kohe ngunumi chekhola ho dapo mi ho siika lengo siimi; hiika hahoho Grik atañ miilañmi piniiude ho ahgiida, ho mo siika darii lengo mi kacho miipada.”

MIINIIÑ 14:27

Ho mohlu ahchi biila, mohlu tongepa gyoliñkonii mi dakuñ giitii ho lukotii hikha Pinii ka mohlumi ka miiniiñmi, ho niihtañpa mo alyeh miiko bitii Midomiyu atañmi henje dopa.

MIINIIÑ 13:16

Hopa Pol guritii, ho mohka alah mi nyabii dola lutii: Isrel daka miyuatañ, ho nunu Pinii mika biisonii atañ, tageto.

MIINIIÑ 6:14

niimpalukoda ngunu tapato mohka lunii mi siika Nazaret daka Jisu siika lengo siimi pyadu lokiñ do hiila, ho Mose ka ngunu mika muju lujju biniiñ mi miigu kendo hiila.”

MIINIIÑ 5:35

Ho mo mohlumi lutii, Isrel daka miyuatañ, hendi nyato nii miipa miidu nunu siika miyu atañmi.

MIINIIÑ 3:12

Ho Pitar hiimi kapa lala mo miyu atañmi luriitii, Isrel daka miyuatañ, niimpa nunu kahotamo nyadu siimi, malo niimpa nunu ngunumi kadi nyada, ngunuka atoh harchichike lo malo darii henju loka mohmi indo pa miitiinii hiilyañ?

JON KA AYAPUYU 19:19

Pailet armyañ miilañ ketii ho hiimi pogyañ ho tiiliitii; hiila ketii, “Nazaret daka Jisu, Jew atañka Radde.”

JON KA AYAPUYU 15:24

Ngo matiirḛ mohluka punkoho mih kone katrḛ miimanii miigomi miima tiikoda, mohlu ingyamiigya diimmah; hojalo siisi mohlu kapa biineku ho ngiimi ho ngiika Aba ngiinyimi kanañ mapa miido.

JON KA AYAPUYU 12:17

Miyu abuje danii atañ hakibitii Lajaras mika byuh hokii ka agoho mohka gyoliñ lala ho shiinii mika turdo miiniiñmi.

JON KA AYAPUYU 11:47

Hopa nyibu burii atañ la Parisi atañ bulyañ mi gyokuñ lala, ho lutii, “Niihpe ngunu miichi nii? Siika miyu si abuje kagiñnanii miibiido.

JON KA AYAPUYU 10:37

Ngo matiirḛ ngiika Aba ka miigo atañmi miima milo, hokoda ngiimi henje yo;

JON KA AYAPUYU 9:33

Siika miyu si matiirḛ Pinii kokii makoda, mo hang miila diima.”

JON KA AYAPUYU 7:31

Hojalo abuje miyuatañ mohmi henje tii; mohlu lutii, “Niida Kristo ahchi, mo siimi abu yapa kagiñnanii drih miikiñ doha siika miyu ka miiniiñmi hentola?”

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

JON KA AYAPUYU 6:14

Miyu atañ mohka kagiñnanii miiniiñmi kappa lala, mohlu lutii, “Siikasi jije nyibuhenii ke huna dohadolo so ahkiñ nenii!”

JON KA AYAPUYU 5:36

Hojalo ngiiko hoka pyakonii donii hii Jon kiimi hentola kahe yake; Aba ka ngiimika miigo miipe dopaka biniiñ hii, siika ngiika miigo miiniiñsi, ngiimi haki bido, ngo Aba loka kiiniñ koniiñ hiila.

JON KA AYAPUYU 4:48

Hopa Jisu mohmi lutii, “Nii dahepa nunu kagiñnanii la kahotamo kappa tama nunu henje kemake.”

JON KA AYAPUYU 1:45

Pilip Natanel mi kappatii, ho mohmi lutii, “Ngunu mohmi kappatii humina Mose ketiinii dapo ka khetaho ho nyibuhenii tiirḛ ketiinii, Nazaret daka Jisu, Josep ka oho.”

LUK KA AYAPUYU 24:18

Ho mo anye kokii kone, Kleopas hiila armyañ, mohmi lusitii, “No kontii siima siipeha Jerusalem hoka soha la ahnii chimanii siilo biilyo ka drih lyila doniimi?”

METHU 2:23

Ho mo ila ho Nazaret hiiniiñ citi ho dutii, niimpalukoda nii hiila na nyibuhenii atañ lutii nii hiimi lyipe kiine dupa, “Mohmi Nazarene hiila gyokiñdo.”

MIINIIÑ 2:19

Ho ngo yapuñ ayoho kahotamo kakiñso ho kiiddi ho kagiñnanii, ai, ho yamu, ho yamu muku ka hapiñ;

MIINIIÑ 2:43

Ho biiso kone abika yallo ho ahtii; ho abuje kahotamo ho kagiñnanii kiiniñkonii atañ miitii.

MIINIIÑ 3:6

Hojalo Pitar lutii, “Ngiiko rupu la ayyiñ nyi nyima, hojalo ngiiko nii do ngo niimi bichi; Nazaret daka Jisu Kristo ka armyañ pa, into.”

LUK KA AYAPUYU 18:37

Mohlu mohmi lukotii, “Nazaret daka Jisu impobiila doke.”