MIINIIÑ 2:17 - NITI GONTU N.T. (BSI)

¹⁷ Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;

MIINIIÑ 2:17 ပူးပေါင်းရင်းမြစ်များ

MIINIIÑ 10:45

Ho henjemiyu atañ hutiina Pitar agiñho ahbo montiinii hemur nyatii, niimpalukoda Darii Yajiyallo ka ahmiñayiñ mi Midomiyu atañ mitrḛ bitii.

JON KA AYAPUYU 7:39

Siisi siikasi Yajiyallo ka piigo mi mo lutii, huna mohmi henje talyi nii hii larii kendo; niimpalukoda siisilohepa Yajiyallo mi bima tiirañ, niimpalukoda Jisu mi siisi lohe pa assañ matii rañ.

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

LUK KA AYAPUYU 3:6

ho hikha miyuatañ Pinii ka sangopyako mi kappa kendo.”

MIINIIÑ 21:9

Ho mohkii piilye milo imaraniiñ wiinga dune, hii mihukahii.

2 PITAR 3:3

Kappyo japa nunu siika siimi chinto rañ, khansunii atañ linkiñ doke kamikalo myoduho khansu biidola, mohluka atoh helyihembyo mi hembiidola

1 KORINTIA 12:10

kone mi miimalyanii miigomi miidopa, kone mi nyibu hendopa, kone mi yajiyallo atañmi kangu kare ladopa, kone mi abuje aguñ lula dopa, kone mi lusi bila dopa aguñ atañmi.

ROM MIKA POL KA SIITI KENIIÑ 5:5

ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JEMS 5:3

Nunuka ayyiñ la rupu nyimi harti abiido, ho hiika atañka harti hii nunumi chekho giiniika katiñ naniiñpa lyikiñdo ho nunuka ayya mi diikiñ do yamu chitañpa. Nunu alḛrdrih atii tiikuñ biisudo kamikalo allopa.

MIINIIÑ 11:28

Ho hiiko hokii kone Agabas hiila armyañ guritii ho Yajiyallo lo luko lumyo kotii hikha dohadolo ho hempḛr kahe diime ahkiñdo hiila; ho siikasi Klaudius ka myodu ho lyitii.

MIINIIÑ 2:16

hojalo siikasi nyibuhenii Joel ka luto laka donii:

MIINIIÑ 2:18

ḛh, ho ngiika milobo miira atañ la nyimii miira atañ ko hiika allo ho ngo ngiika Yajiyallo mi bichi; ho mohlu nyibu henkiñdo.

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

MIINIIÑ 11:27

Siisi siika myodu so nyibuhenii atañ Jerusalem hokii Antiok ho totii.