MIINIIÑ 19:10 - NITI GONTU N.T. (BSI)

¹⁰ Siikasi danyi nyanye pahe nyikala dotii, hopa hikha Asia daka dunii atañ Attoh ka aguñmi tapa tii, Jew atañ la Grik atañ nyi.

MIINIIÑ 19:10 ပူးပေါင်းရင်းမြစ်များ

MIINIIÑ 20:31

Hopa hendi nyatolya, hempa biidola danyi nyahiñ hemi ngo ayoh yohe hetrḛ yopa mapa malo allo lohe tiirḛ lopa mapa kone abimi mila bibii dola lukotii.

2 TIMOTI 1:15

No chila du hikha hutiina Asia ho dunii ngiiko hokii inkur nyaneku hiila, ho hiika atañ hokii Pigelas la Harmogenes nyi.

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

GELESIA 3:28

Hopa Jew malo Grik hiila khiisu kema, miira malo dasḛr hiila tiirḛ khiisu kema, milobo malo nyimii hiila tiirḛ khiisu kema, niimpalukoda nunu miilañru Kristo Jisu ko kone ke.

ROM MIKA POL KA SIITI KENIIÑ 10:18

Hojalo ngo takadu, mohlu tapa ma ehna? Jije mohlu tapatii; niimpalukoda “Mohluka luniiñ hikha kiiddiapiñ ho intii patii, ho mohluka aguñ atañ dohadolo ka dotḛr lyihepa.”

ROM MIKA POL KA SIITI KENIIÑ 10:12

Niimpalukoda hiiko hang ponsa siima Jew la Grik nyi; Attoh ahiñsii hikha ruka Attoh ho mohka mingo mi bido hikha rumi huna mohmi gyodo nii.

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

MIINIIÑ 16:6

Ho mohlu Phrygia la Gelesia ganda mi impo biila intii, niimpalukoda Darii Yajiyallo Asia ho aguñmi lukoyo hiila lutii.

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

1 PITAR 1:1

Pitar, Jisu Kristo Ka kiiniñkonii kone, Mompa koto laka impe inse siinii atañ Pontus ho, Gelesia, Kapadosia, Asia, ho Bitinia ho,

MIINIIÑ 20:18

Ho mohlu mohko ahkele, mo mohlumi lutii: “Nunu attoh chindo niihtañpa ngo nunu agiñho santii hikha myodu myolo mi nii allo hokii ngiika alih Asia ho daha tii

MIINIIÑ 19:22

Ho Masedonia ho mohka hembyuñ anye mi kiiniñtii, Timoti la Erastas nyimi, mo attoh ya Asia ho myodu iche pa dutii.

MIINIIÑ 19:8

Ho mo sinagog ho ahtii ho piilo bariñhepa haro loda luda datii, cheriila ho lyarla Pinii ka raddeganda ka piigo mi;

MIINIIÑ 18:11

Ho mo nyangela piilo barkhe dutii, Pinii ka aguñmi tonsḛrla mohluka punkoho.

MIINIIÑ 18:4

Ho mo cheriila lyitii sinagog ho dumoalo karmyañmi, ho Jew atañ la Grik atañmi lyartii.

MIINIIÑ 2:9

Parthians ho Medes ho Elamites ho Mesopotamia hoka dunii atañ, Judia ho Kapadosia, Pontus ho Asia,

MIINIIÑ 6:9

Ho tonge hutiina sinagog hoka dubonii dasḛrmiyu hiila gyoko nii atañ, ho Sairenian atañ, ho Alejandar daka dunii atañ, ho Asia daka Silisia hokii, guritii ho Stepen mi cheritii.

MIINIIÑ 13:12

Ho govonor henjetii, niihna lyitiinii hiimi kapa lala, niimpalukoda mo hemurtii Attoh kiimi ka tonsḛr niimi.

MIINIIÑ 19:20

Hopa Attoh ka aguñ saritii ho hempḛr uropa tapa nyatii.