MIINIIÑ 18:12 - NITI GONTU N.T. (BSI)

¹² Hojalo Gallio Akaia ka govonor pa lyikele, Jew atañ tonge pa Pol mi pahatii ho mohmi gondu ude ho selii biitii,

MIINIIÑ 18:12 ပူးပေါင်းရင်းမြစ်များ

MIINIIÑ 18:27

Ho mo Akaia mi impo biinala henkele, anubarmii atañ mohmi haro lupatii, ho henjeajiñ atañmi mohmi kariikatañ to hiila ketii. Mo ahchi biikele, mo hempḛr uro hembyuñtii hutiina aroh-ayala henjetiinii,

MIINIIÑ 13:50

Hojalo Jew atañ niibur niigatii tatukatu henjenii annii akha atañmi ho citi daka khiikonii miyu atañmi, ho lubuluga tii Pol la Barnabas mi miihimiire tote hiila, ho mo anye mi gandachie hokii nempa lintii.

MIINIIÑ 13:7

Mo govonor ka agiñho dabotii, Sergius Paulus, chiniiñ miyu kone, Barnabas la Sol nyimi gyotii ho Pinii ka aguñmi tadu pa miitii.

2 KORINTIA 11:10

Kristo ka jije ngiiko giiniiñ hiilyañ, siika ngiika khanniiñ si pema khañngo kema Akaia daka gandaho.

2 KORINTIA 9:2

niimpalukoda ngo chindo nunuka henju niimi, nii mina ngo nunumi khambii dunii Masedonia miyuatañ agiñho, lubiidola Akaia ada biinya kiija henju la do; ho nunuka miichi hiila ka heniiñ hii abujemi haro miipa giitii.

2 KORINTIA 1:1

Pol, Kristo Jisu ka kiiniñkonii Pinii ka henko jaho, ho Timoti ngunuka anu. Pinii ka gyoliñkonii Korint hoka dunii atañmi, hikha piniimiyu atañka agiñho hutiina Akaia ho dunii:

1 KORINTIA 16:15

Siisi, anubarmii atañ, nunu chindo Istepanas ka uru atañ Akaia hopaka kapyo japa ka lyiguhnii, ho mohlu atohmi piniimiyu atañpa miigo miibi ko hengala miine;

ROM MIKA POL KA SIITI KENIIÑ 15:26

Niimpalukoda Masedonia la Akaia nyi hempyo biidola bibyuñ tii arro atañmi piniimiyu atañka punko Jerusalem hoka dunii atañpa;

MIINIIÑ 25:10

Hojalo Pol lutii, “Ngo kaesar ka gondu ude ho da, nohna ngiimi halii kendonii; Jew atañmi ngo hang miigya bima, no hiimi hempḛr aya chindo.

MIINIIÑ 17:13

Hojalo Tesolonika daka Jew atañ chimpa lala Pinii aguñmi Pol Beroea hotiirḛ gyuko biido hiila, mohlu hiiko hotiirḛ ahtii, luhu luhala ho miyu atañmi lurutii.

MIINIIÑ 14:19

Hojalo Jew atañ hiiko ahtii Antiok la Ikonium hokii; ho miyu atañmi lurutii, mohlu Pol mi yalañ kutii ho mohmi citi ka agoho sepa lintii, hentii mo shiido ku hiila.

MIINIIÑ 14:2

Hojalo henjemanii Jew atañ Midomiyu atañmi luru biido ho mohluka ahha ho iimmyo niibiido anubarmii atañmi chekho dopa.

METHU 27:19

Hiikahaho ho, mo ayakacho kako duta naniiñho durañpa, mohka mihie mohmi puyu biliitii, “Hiika denki miyu mi hangja miiyo, niimpalukoda hiika miyu pa ngo ano heru hembi teke siyo emmakoho.”

JEMS 2:6

Hojalo nunu arro miyu mi khiimapama miida. Siikasi mingo masu peha nunu mika hensḛrkadu dopa miiniibo, siikasi mohluma siipeha nunu mika gondu lusuko hoka selii giinii bo?

ROM MIKA POL KA SIITI KENIIÑ 16:5

mohluka ude daka gyoliñkonii atañ mitrḛ ayahelyi luto. Ngiika heniiñja Ipanetas mi ayahelyi, huna kapyo japa ka Asia hokii Kristo pa lyiguhnii.

MIINIIÑ 17:5

Hojalo Jew atañ kariñ nyatii, ho diimmah chekho nii tonge mi gyogiitii, mohlu miyuabuje dakuñ giitii, citi atañmi hadiidopa lupa giitii, ho Jason ka ude mi paya hatii, mela mohlumi miyuatañ ko seliñ bidu pa hiila.

MIINIIÑ 13:12

Ho govonor henjetii, niihna lyitiinii hiimi kapa lala, niimpalukoda mo hemurtii Attoh kiimi ka tonsḛr niimi.

JON KA AYAPUYU 19:13

Pailet siika aguñmi tapa lala, mo Jisu mi agoho lingiitii ho duhatii ayakacho kako duko ho dutii Pavement luniiñ gandaho, ho Hebrew aguñ pa, Gabbatha hiila.

MIINIIÑ 13:8

Hojalo ashu miinii Elimas (hiikahii mohka armyañ mika lusaniimi) mohlumi pitrḛ siila datii, govonor mi henjenii hokii henkur kiine dupa hiila.

MIINIIÑ 18:11

Ho mo nyangela piilo barkhe dutii, Pinii ka aguñmi tonsḛrla mohluka punkoho.

MIINIIÑ 19:21

Siisi siika lyiniiñ ka hiiba ho Pol hentii yajiyallo ho Masedonia la Akaia mi impo biila Jerusalem inchi hiila, lubiidola, “Hiiko ngo datii hela, ngo Rom mitrḛ kate kendo.”

2 KORINTIA 11:26

kiirañ myodi bokoso, kiiley atañka biisokacho hokii, diipyonii atañka biisokacho hokii, ngiika atoh miyu ka biisokacho hokii, Midomiyu atañka biisokacho hokii, citi ka biisokacho hokii, jabyo hoka biisokacho hokii, yasie siimie ka biisokacho hokii, amuh anubarmii atañ kokiika biisokacho hokii;

1 TESOLONIA 2:14

Nunu pake, anubarmii atañ, katiñ naniiñpa lyitiinii Pinii ka gyoliñkonii atañ Jisu Kristo ko niihna Judia ho donii; niimpalukoda nunu heruhentii ahiñ siidapa nunu ganda miyu ahiñ kokii niihtañpa mohlu Jew atañ kokii hentii,

1 TESOLONIA 2:16

ngunumi Midomiyu atañ mika lurii saniiñ mi lutiñ tii mohlumi lyangur kiine saniiñmi-sitañpa kiirañ miiniiñ hiilyañ mohlu miipe biine hikha ingyamiigyaniimi. Hojalo Pinii ka hadii mohluko ahtii kamikalo ho!