MIINIIÑ 17:4 - NITI GONTU N.T. (BSI)

⁴ Ho tonge mi lyartiiku, ho Pol la Sailas ko adiñ montii; niitañpa abuje henjenii Grik atañ miinyatii ho impyo giinii annii akha atañ.

MIINIIÑ 17:4 ပူးပေါင်းရင်းမြစ်များ

MIINIIÑ 17:12

Abuje hopa henje nyatii, Grik annii akha khiiko laka dunii atañ tiirḛ lama henjematii ho milobo atañ tiirḛ

MIINIIÑ 14:4

Hojalo citi daka miyuatañ tache ritii; tonge Jew atañ agiñho datii, ho tonge kiiniñkonii atañ agiñho.

MIINIIÑ 13:43

Ho sinagog daka dukuñ hii duja kukele, abuje Jew atañ la Judaism hoka lyiguh monii henjenii atañ Pol la Barnabas nyimi imbo montii, hiika atañ mo anye mi lutii ho lyarbiido Pinii ka aroh-aya mi miikañ ari miito hiila.

2 KORINTIA 8:5

ho siikasi, ngunuka bikiñcho hiila ka henko homa, hojalo kapyopa mohlu atoh Attoh mi bipyo lala ho ngunumi Pinii ka henko jaho.

MIINIIÑ 28:24

Ho tonge taliitii niihna mo lutiinii, tonge tajematii.

MIINIIÑ 15:22

Ho si kakele ayatii kiiniñkonii atañ la amiabañ atañpa, hikha gyoliñkonii agiñho, mohluka punko hokii miyu kaheto ho mohlumi Antiok ho kiiniñto Pol la Barnabas nyika agiñho. Mohlu Judas, Barsabbas luniiñ bomi, ho Silas, anubarmii hoka khiiniiñ jami kiiniñtii,

MIINIIÑ 13:50

Hojalo Jew atañ niibur niigatii tatukatu henjenii annii akha atañmi ho citi daka khiikonii miyu atañmi, ho lubuluga tii Pol la Barnabas mi miihimiire tote hiila, ho mo anye mi gandachie hokii nempa lintii.

MIINIIÑ 21:28

gyutii, “Isrel daka miyuatañ, hembyuñpe! Siika miyu sike huna tonsḛr tonjola miyu atañmi kapa kohe ngunumi chekhola ho dapo mi ho siika lengo siimi; hiika hahoho Grik atañ miilañmi piniiude ho ahgiida, ho mo siika darii lengo mi kacho miipada.”

MIINIIÑ 19:10

Siikasi danyi nyanye pahe nyikala dotii, hopa hikha Asia daka dunii atañ Attoh ka aguñmi tapa tii, Jew atañ la Grik atañ nyi.

MIINIIÑ 18:4

Ho mo cheriila lyitii sinagog ho dumoalo karmyañmi, ho Jew atañ la Grik atañmi lyartii.

MIINIIÑ 17:34

Hojalo miyu tonge mohko ahbotii ho henjetii, hoka ahbonii atañ Areopagite ka Dionysius ho annii akha Damaris hiila armyañ ho mohluka agiñ khiibemiyu miilañ.

MIINIIÑ 17:17

ho mo sinagog ho Jew atañ la henjenii miyuatañ agiñho cheriitii, ho biijḛr lengoho allo dadu mi, humina hiiko kapa talyi nii.

MIINIIÑ 16:3

Pol Timoti mi mo agiñho imbo dokoda hiila hentii; ho mo mohmi ingiitii ho mohmi mitupipatii niimpalukoda hiika ganda atañ ho Jew duko hopa, mohlu hikha chintii mohka aba Grik hiila.

MIINIIÑ 15:40

hojalo Pol Silas mi kahe lala ho intiiku, anubarmii atañlo Attoh ka aroh-aya lo kiiniñ koto la.

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 15:27

Ngunu hopa Judas la Silas nyimi kiiniñ biilyi ke, mo anye nunumi luko kendoke siika drih mi aguñ patrḛ.

MIINIIÑ 14:1

Siisi Ikonium ho mohlu tongepa Jew atañka sinagog ho ahtii, ho lutii hopa abuje miyu taropa henje nyatii, Jew atañ la Grik atañ tonyeru hokii

MIINIIÑ 4:23

Mo anye mi apa kuhañ hangkele mo anye mohluka ajiñ ko intiiku ho lukotii niihna nyibu burii la ho amiabañ atañ mo anye mi lutii nii.

MIINIIÑ 2:44

Ho hikha hutiina henje nyatiinii tongepa datii ho kapane drih mi tonge pa biitii;

JON KA AYAPUYU 7:35

Jew atañ kone anyañ mi lusu nyatii, “Nohyu siika miyusi impa miidunii ngunuka mechi lasa mako? Mo Grik miyuatañ duko impa peha miidonii ho Grik atañmi tonsḛr dupa hiila?

MIINIIÑ 17:10

Anubarmii atañ nyibya loda Pol la Silas nyimi ayoh ho Beroea ho kiiniñ nempatii; ho mohlu ahchi biikele mohlu Jew atañka sinagog ho ahtii.

MIINIIÑ 17:14

Ho anubarmii atañ nyibya loda Pol mi kiiniñ tiiku yasie siimie lembo pa, hojalo Sailas la Timoti nyi hiiko datiirañ.