MIINIIÑ 17:31 - NITI GONTU N.T. (BSI)

³¹ niimpalukoda mo allo mi khiimyo tokula doku mo ayakacho mi kadupa dohadolo daka denkimi miyu atañmi kagiñ nala humina mo kahetiinii, ho shiipa mo hikha miyu atañmi bitiiku mohmi shiiniiñ hokii turiturku kiine lala.

MIINIIÑ 17:31 ပူးပေါင်းရင်းမြစ်များ

2 PITAR 3:7

Hojalo hiika aguñ luniiñ ahiñ lo kiiddi la yapuñ nyi siisi ka doniimi atii tiikuñ biido yamu hompa dupa, atii biido ayakacho kalyi allo lohepa ho piniimika heriimanii miyu atañmi pyadu lolyi lyihepa.

ROM MIKA POL KA SIITI KENIIÑ 2:16

hiika allo ho niidana, ngiika ayapuyu luniiñ pakoda, Pinii halii kendo hensi laka miyu ka heniiñmi Jisu Kristo kiilo.

2 KORINTIA 5:10

Niimpalukoda ngunu miilañru Kristo ka ayakacho kako duko ho ahkiñdo loda, niimpalukoda kone abimi aya malo ayamanii mi larii kiine dupa, niihtañ pana mo miitiinii mohka apo ho.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

ROM MIKA POL KA SIITI KENIIÑ 2:5

Hojalo niika ahha alḛr ho henkur manii hii, niiko atii tiikuñ siibiido hadii mi niipa, hadii diidu ka allo hopa, niidana Pinii ka denki ayakacho kaniiñmi kakiñ talyinii.

MIINIIÑ 4:10

siimi nunu hikha chinto, ho hikha Isrel ka miyuatañ, Nazaret daka Jisu Kristo ka armyañ pa, humina nunu leda biinenii, humina Pinii shiiniiñ hokii turdo miibii nenii, mo armyañ pake siika miyu si nunuka hata aya chanchañ danii.

2 TIMOTI 4:1

Ngo niimi lubii lyike Pinii ka hataho ho Kristo Jisu kiilo huna shiinii ho turnii mi ayakacho kakiñ donii, ho mohka ahniiñlo ho mohka raddeganda lo:

METHU 10:15

Jijeloda, Ngo nunumi lukoso, ayakacho kalyiku alloho Sodom la Gomora ganda nyitrḛ pigiilaya kendoke siika taun mi hentola.

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

MIINIIÑ 17:18

Tonge Epikurean hokii tiirḛ ho Yanu tonsḛrbo miilañ mohmi kappatii. Ho tange lutii, “Nii pe siika perepere lunii bosi luda nii?” Tonge lutii, “Mo kakoso nyibo uyi atañka tonsḛrkhenyo niihpe hendo” niimpalukoda mo Jisu la turiturku kuniiñ mi tonsḛr khenyoda.

METHU 24:14

Ho siika raddeganda ka ayapuyu mi hikha kiiddi dotrḛ ho tonsḛr khenyo kendo, hikha ganda atañmi luko lugiñ naniiñpa; hosu kamikalo hii ahkiñ siidonii.

LUK KA AYAPUYU 22:22

Niimpalukoda miyu ka Oho hii lyikiñdo luto laka dokoho; hojalo aiya hiila hembido hiika miyu mi huna mohmi talubalo danii!

JON KA AYAPUYU 5:27

ho mohmi otority mi bitola do ayakacho kaniipa, niimpalukoda mo miyu ka Oho.

JON KA AYAPUYU 12:48

Huna ngiimi khiipa donii ho ngiika kolobiisie niimi, halii tiiku; ngiika aguñ luniiñ hii mohmi halii kendo kami allo ho

JON KA AYAPUYU 16:10

denki ka piigomi, niimpalukoda ngo Aba ko ilyi, ho nunu ngiimi kapa keñkuma;

MIINIIÑ 17:6

Ho mohlumi mepalama miila lala, mohlu Jason mi seliñ biitii ho anubarmii tonge mi citi ka otority ko, gyubii dola, “Siika miyuatañ sike dohadolo mi kuluparji miigiibo sike ahlyi take,

MIINIIÑ 17:32

Siisi mohlu shiinii ka turiturku kunii mi tapa lala, tonge nyapatii; hojalo tonge lutii, “Ngunu hiira siimi niiko hokii tachi.”

HIBRU 6:2

luko biidola baptisma piigomi, alah tencha niimi, shiinii ka turiturku kuniiñmi, lyulamanii ka ayakacho kaniiñmi.