MIINIIÑ 17:11 - NITI GONTU N.T. (BSI)

¹¹ Siisi siika Jew atañ Tesolonika hokii hempḛr hela lyartii, niimpalukoda mohlu aguñmi hempḛr talii biidola lariitii, piniipota mi kiirañ kakala jije hiila luja siido ha hiila.

MIINIIÑ 17:11 ပူးပေါင်းရင်းမြစ်များ

JON KA AYAPUYU 5:39

Nunu piniipota mi medo, niimpalukoda nunu hendo hiiko santḛrlamanii sango do hiila; ho hiika atañke ngiipa haki bitiinii;

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

METHU 13:23

Aya kiiddi ho lilo niisi hiilake: mohlu aguñmi tapa lala ho tala biido hiimi; ho mo ahee hido, ho Hiliñnyatii tange lange, tange alyañkhe, ho tange hikhañhe.”

1 TESOLONIA 1:6

Ho nunu ngunumi katiñ nando ho Attoh mitrḛ, niimpalukoda nunu aguñmi hempḛr heru myodu ho lariitii, hempyo agiñho Darii Yajiyallo kokii;

JON KA AYAPUYU 3:21

Hojalo huna jijemi miinya danii hii hutoh ho lindu, niimpalukoda hiimi darii loda kadḛr dopa mohka miiniiñ atañ hii Pinii ka muju ho miido hiila.

2 TESOLONIA 2:10

ho hikha diimmah golluniilo hutiina lyukiñdonii, niimpalukoda mohlu tamatii jije mika hensa niimi ho lyangur kosa niimi.

1 PITAR 2:2

Niti wiinga buniiñ hiilyañ, darii yajiyallo ka anyi mi hayato, hiilo nunu sancha ladopa sangopyako lohepa;

LUK KA AYAPUYU 24:44

Ho mo mohlumi lutii, “Siika aguñ atañsi ngiika luniiñ ke nunumika, ngiika nunu agiñho darañ ho, kapane ngiika piigo mi ketolaka doniiñ mi Mose ka dapo ho, ho nyibuheniiñ atañ ko ho assañbiisie nii atañmi lyipe loda kiine dupa.”

JEMS 1:21

Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.

MIINIIÑ 10:33

Hopa ngo nyibya loda niimi gyobii hiila kiiniñto, ho no hela la so ahdo. Siisi hopa ngunu miilañru Pinii ka kata ho du, tadupa hikha Attohka niimika luniiñmi.”

MIINIIÑ 2:41

Hopa hutiina mohka aguñmi talii tiinii baptisma latii, ho hiika allo ho yallo jariñ hepa lyambyañ liitii.

MIINIIÑ 17:1

Siisi mohlu Ampipolis la Apolonia mi impo biikele, mohlu Tesolonika ho ahtii, nohna Jew atañ sinagog dotii nii.

MIINIIÑ 11:1

Siisi kiiniñkonii atañ la Judia hoka dunii anubarmii atañ tapatii Midomiyu atañ tiirḛ Pinii ka aguñmi larii nyado hiila.

LUK KA AYAPUYU 16:29

Hojalo Abraham lutii, ‘Mohluko Mose la nyibuhenii atañ duke; mohlumi mohluka luniiñmi take nento.’

LUK KA AYAPUYU 1:2

niihtañpa mohlu ngunumi lukone hii chuli hutiina lotu jaho hokii ameela kaparibii tiinii ho puyu mika lukonii atañ,

LUK KA AYAPUYU 11:3

Dumiñ ka ngunu diijumi allo karmyañ bipe;