MIINIIÑ 15:32 - NITI GONTU N.T. (BSI)

³² Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 15:32 ပူးပေါင်းရင်းမြစ်များ

MIINIIÑ 11:23

Mo ahbiila ho Pinii ka aroh mi kappatii, mo hempyotii; ho mo harolupatii hikha miilañrumi lotiipa dutolya Attoh pa rantipa miigolugopa;

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MIINIIÑ 13:1

Siisi Antiok gyoliñkonii ho hiiko nyibuhenii atañ la tonsḛrbo atañ dutii, Barnabas, Simeon humina Niger gyotiinii, Sairene daka Lucius, Manaen Herod ka hakhupiilyeako ka lengo hoka dunii ako, ho Sol.

1 PITAR 5:12

Silvanas kokii, lotii anu konepa ngo mohmi khiidu, ngo nunumi tudiipa pa kebii lyike, harolupala ho lukola siikasi jije Pinii ka aroh-aya ke; so alḛrpa dato lya.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

2 TIMOTI 4:2

aguñmi tonsḛrkhenyo to, kiirañ hendi tolya myodu jalo malo myodu majalo, yatolya, gatolya, ho harolupa tolya, pigiiniimi la tonsḛr niimi pema miima miilya yo.

1 TIMOTI 2:1

Kappyojapa, hokoda, ngo yardu hiika tiiliibiniiñ atañmi, kuniiñ atañmi, Kubiniiñ atañmi, ho payapacho hiila luto hikha miyu atañpa,

2 TESOLONIA 3:12

Siisi sitañ miyu mi ngunu ludu ho harolupadu Attoh Jisu Kristo ko atoh miigomi miito adu-abiñ mapa ho atoh sango pa injo diito hiila.

1 TESOLONIA 5:20

nyibuheniiñ mi khiipayo,

1 TESOLONIA 5:14

Ho ngunu nunumi haro lupadu, anubarmii atañ, assumiyu mi lulyañ siigii tolya, hame mi haro lupa giito, ajju mi hembyuñto, miilañ jami pigii tolya.

1 TESOLONIA 4:1

Kamijapa, anubarmii atañ, ngunu nunumi yarlyike ho harolupa lyike Attoh Jisu ko, nunu ngunu kokii chingiine niihtañpa sankiñ do ho Pinii mi hempyo miipa kendo, nunuka siisi ka miichañho, nunu sitañpa abu yaya miito.

1 TESOLONIA 3:2

ho ngunu Timoti mi kiiniñ to, ngunuka anu ho Pinii ka miira Kristo ka ayapuyu ho, nunumi nunuka henjeho sancha kiinedupa ho nunumi harolupa dupa,

1 TESOLONIA 2:11

niimpalukoda nunu chindo niihtañpa hiila, aba chuli mohka himme atañ agiñho, ngunu harolupato nunu kone abimi ho nunumi haromiipato ho nunumi khelii to

IPISIA 3:5

nii mina chinke nematiinii miyu ka oho atañmi khiibe santuñ ho hiimi siisi kakiñtiiku mohka darii kiiniñkonii atañ la nyibuhenii atañmi Yajiyallo lo;

1 KORINTIA 14:32

ho nyibuhengii bo yajiyallo atañ hii nyibuhenii atañka luniiñmi tadu ke.

1 KORINTIA 14:29

Anye malo hinge nyibuhenii mi luke nento, ho khiibe nunu taka to nii ludo hiila.

1 KORINTIA 14:3

Yoheyapa ludokoda, huna nyibu hendo nii hii miyu mi luriido mohluka aya kiipa ho haro lupado ho myado.

1 KORINTIA 1:8

huna nunumi kamikalo lohe turdo atii kendo nii, Attoh Jisu Kristo ka allo ho hang pa hansa giima dopa.

ROM MIKA POL KA SIITI KENIIÑ 12:8

mo huna haro lupa donii, mohka harolupa koho; mo huna bibo donii, hempakaya biidola; mo huna bibyuñ donii, bichi hiila hembiidola; mo huna aroh ka miigomi miido nii, ngarka jije biidola miito.

ROM MIKA POL KA SIITI KENIIÑ 12:6

Ponsa ponsa ahmiñayiñ giido aroh-aya laka ngunu mika biniiñ, hiimi ngunu miita nansa: nyibuheniipa matiirḛ bitii koda, ngunuka henje giinii kane lo hensa;

MIINIIÑ 20:2

Mo hikha siika gandaho intii patii lala ho mohlumi abuje harolupatela, mo Greece ho ahtii.

MIINIIÑ 18:23

Hiiko myodu iche lopa tela mo intiiku ho ganda ponge abi injola Gelesia la Phrygia mi impobiitii, harolupa la hikha henjeajiñ atañmi.

MIINIIÑ 15:41

Ho mo Sairia la Cilicia ho intii, gyoliñkonii mi alḛr lupala.

MIINIIÑ 15:22

Ho si kakele ayatii kiiniñkonii atañ la amiabañ atañpa, hikha gyoliñkonii agiñho, mohluka punko hokii miyu kaheto ho mohlumi Antiok ho kiiniñto Pol la Barnabas nyika agiñho. Mohlu Judas, Barsabbas luniiñ bomi, ho Silas, anubarmii hoka khiiniiñ jami kiiniñtii,

MIINIIÑ 15:1

Hojalo miyu tonge Judia hokii tobiila ho anubarmii atañmi tonsḛrtii, “Nii dahepa nunu Mose ka muju ho mitupipa kotema, nunu lyangur kola kema.”

MIINIIÑ 11:27

Siisi siika myodu so nyibuhenii atañ Jerusalem hokii Antiok ho totii.

MIINIIÑ 2:40

Ho mo abuje khiibe aguñ la pyakotii ho mohlumi haro lupatii, lubiidola, “Nunu atohmi siika diimmah santuñ sokii lyangur siito.”

LUK KA AYAPUYU 11:49

Hopa Pinii ka Chiniiñ tiirḛ lutii, ‘Ngo mohlumi nyibuhenii la kiiniñkonii atañmi kiiniñ bichi, hiiko hokii tange mi mohlu menkiñdo ho miihimiire kendo,’

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

MIINIIÑ 15:3

Hopa, gyoliñkonii lo kiiniñ kotola mohluka lembo ho intii, mohlu Poinisia la Samaria mi impo biitii, Midomiyu atañka lyiguh kuniiñ mi luko biidola, ho mohlu hempḛr hempyo bitii hikha anubarmii atañmi.

MIINIIÑ 15:27

Ngunu hopa Judas la Silas nyimi kiiniñ biilyi ke, mo anye nunumi luko kendoke siika drih mi aguñ patrḛ.

MIINIIÑ 15:31

Ho mohlu siimi puri lala, mohlu hempyotii haro lupa niimi.