MIINIIÑ 15:1 - NITI GONTU N.T. (BSI)

¹ Hojalo miyu tonge Judia hokii tobiila ho anubarmii atañmi tonsḛrtii, “Nii dahepa nunu Mose ka muju ho mitupipa kotema, nunu lyangur kola kema.”

MIINIIÑ 15:1 ပူးပေါင်းရင်းမြစ်များ

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

MIINIIÑ 15:5

Hojalo henjenii miyu tonge Parisi atañka agiñ hoka dabo monii guri nyatii, ho lutii, “Si mohlumi mitupipa dopa lyikiñ doke, ho mohlumi Mose ka dapo mi atiito hiila lukiñdo.”

KOLOSIA 2:8

Hendi nyatolya siimi kone lotrḛ nunu pigii kolyayo mohluka henjumiiju ho surudonyo lo, miyumima ka miijulujulo, siichañmiido mika sangii yajiyallo lo, ho niihna Kristo ka miiju manii.

MIINIIÑ 15:24

Ngunu hiila tapa lala miyu tonge ngunu kokii nunumi aguñ lubii dola ahiare miipa do hiila, nunuka punyu hendḛr lama hiitola, ngunu mohlumi luniiñmi luko biilyi ke,

JON KA AYAPUYU 7:22

Mose nunumi mitupipa koniiñ mi bitii (hii Mose kokii ma, hojalo aba atañ kokii), ho nunu miyu mi dumoalo ho mitupipa danii.

GELESIA 2:1

Hiikahiiba nyalyañ hela nyampe dala la ngo hiira Jerusalem ho chate Barabas ka agiñho, Taitas mi ngiika agiñho chagiila.

MIINIIÑ 15:3

Hopa, gyoliñkonii lo kiiniñ kotola mohluka lembo ho intii, mohlu Poinisia la Samaria mi impo biitii, Midomiyu atañka lyiguh kuniiñ mi luko biidola, ho mohlu hempḛr hempyo bitii hikha anubarmii atañmi.

MIINIIÑ 6:14

niimpalukoda ngunu tapato mohka lunii mi siika Nazaret daka Jisu siika lengo siimi pyadu lokiñ do hiila, ho Mose ka ngunu mika muju lujju biniiñ mi miigu kendo hiila.”

KOLOSIA 2:16

Hiikohopa kone lotrḛ nunu ayakacho kakoyo taka kola nunuka diiniiñ taniiñmi malo dituñ soniiñmi malo niti piilo malo dumoalo mi.

MIINIIÑ 21:20

Ho mohlu siimi tapa lala, mohlu Pinii mi assañtii. Ho mohlu mohmi lutii, “No kato, abañsi, harje jane da Jew atañka punkoho hutii na henje nyado kunii; mohlu hikha dapo ma lotii henje nii adiñ,

MIINIIÑ 15:22

Ho si kakele ayatii kiiniñkonii atañ la amiabañ atañpa, hikha gyoliñkonii agiñho, mohluka punko hokii miyu kaheto ho mohlumi Antiok ho kiiniñto Pol la Barnabas nyika agiñho. Mohlu Judas, Barsabbas luniiñ bomi, ho Silas, anubarmii hoka khiiniiñ jami kiiniñtii,

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

MIINIIÑ 15:23

siika siiti ka agiñho: “Anubarmii atañ, kiiniñkonii atañla ho amiabañ atañ, anubarmii hutiina Midomiyu Antiok ho Sairia ho Cilicia hokii, aya siidolo hendo.

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

GELESIA 6:12

Siikasi hiika atañpa hutiina aya hiila kakiñ nandonii asiialyoho ho hiika hii nunumi mitupipa kodopa lyigiida, ho niimpalukoda mohlumi miihimiire maya pa hiila Kristo ka dapo kiipa.