MIINIIÑ 13:39 - NITI GONTU N.T. (BSI)

³⁹ ho mo kiilo kone abi huna henje nyadonii kapane drih hokii tupya konyada nii mina nunu Mose ka dapo lo tupya kola matiinii.

MIINIIÑ 13:39 ပူးပေါင်းရင်းမြစ်များ

GELESIA 2:16

hojalo huna chindonii miyu hii ludḛrkoma dapo ka miiniiñlo hojalo Jisu Kristo mika henje niilo, ngunu tiirḛ Kristo Jisu mi henje tiiku, Kristo mika henje niilo ludḛrkodu kupa, ho dapo loka miigo miiniiñ loma, niimpalukoda dapo loka miigo miiniiñ hii kone mitrḛ ludḛr bikiñma.

ROM MIKA POL KA SIITI KENIIÑ 10:4

Niimpalukoda Kristo dapo ka kami jaku, hopa hujalopa henje talyi hiimi lupya bikiñdo.

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

HIBRU 7:19

(niimpalukoda daposi hang ako mitrḛ digoabiaya dopa miimatii); yohe yapa ludo koda, aya ya hentiñ naniiñmi miiliñbitii, niilona ngunu Pinii ko ahde lakiñ donii.

ROM MIKA POL KA SIITI KENIIÑ 10:10

Niimpalukoda miyu mohka ahha lo henje du ho hiilo lupya kodu, ho mo mohka nyachu lo khakodu ho hopa lyangur kodu.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

ROM MIKA POL KA SIITI KENIIÑ 4:15

Niimpalukoda dapo hii hadii mi ahgiitii, hojalo nohna dapo nyimanii hiiko talemiile hii nyima.

ROM MIKA POL KA SIITI KENIIÑ 3:19

Siisi ngunu chindo dapo hii nii ludo hii hiika atañmi ludo hutiina dapo ka ura ho dunii, niimpalukoda kone abika aguñmi lutiñnaniiñpa, ho hikha dohadolo hii Pinii lo taka kokiñdo.

ROM MIKA POL KA SIITI KENIIÑ 5:20

Dapo hii ahtii, palle nii atañmi abu yake nendupa; hojalo nohna ingyamiigya hii abuyaya talyinii, aroh-aya hii abuyaya dori kendo,

ROM MIKA POL KA SIITI KENIIÑ 5:9

Hopa, ngunumi lupya bitiiku mohka ai lo, abuyapa ngunumi lyangur tiiku Pinii ka hadii hokii.

JON KA AYAPUYU 1:17

Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii.

HIBRU 10:11

Ho nyibu kone abi dadu kiirañ mohka miigo miidupa, bido membi niijami menti menka biidola, hiikahii pema taliinii atañmi lapa biila kema.

HIBRU 10:4

Niimpalukoda siikasi miila kema lodake siihhiibo la siibiñ nyika ai lo ingyamiigya atañmi lapa biidupa.

ROM MIKA POL KA SIITI KENIIÑ 5:1

Hopa, ngunumi henje lo lupya bitii ku, ngunukii Pinii agiñho chimie hii do Jisu Kristo kiilo.

ROM MIKA POL KA SIITI KENIIÑ 4:24

hojalo ngunu patrḛ. Hiika hii ngunumi khiigii kendo huna mohmi henje donii shiiniiñ hokiika turi kunii Jisu ngunuka Attoh hiila,

MIINIIÑ 10:43

Mohmi hikha nyibuhenii atañ tiirḛ haki bine hujalopa mohmi henje talyi ingyamiigyanii hokiika hellokoku niimi kapa kendo mohka armyañ pa.”

GELESIA 5:3

Hiira ngo lulyike miyu kone abimi huna mitupipa kodanii hii hikha dapo mi talii dopa lyido lodake.

GELESIA 3:8

Ho piniipota hii, lumyotola dotiiku Pinii Midomiyu atañmi henje lo denki hiila kahetiiku, ayapuyu mi Abraham mi kapyo yapa tonsḛrkhenyo tiiku, lubiidola, “Niiko hokii la hikha ganda atañmi lyankiñdo.”

GELESIA 2:19

Niimpalukoda ngo dapo kiilo dapo ho shiitii ku, niimpalukoda ngo Pinii ko sandu kupa hiila.

1 KORINTIA 6:11

Ho sichuli ke nunu tonge. Hojalo nunu asekokunii, nunu darii miiko kunii, nunu lupya kokunii Attoh Jisu Kristo ka armyañ pa ho ngunuka Pinii ka Yajiyallo ho.

ROM MIKA POL KA SIITI KENIIÑ 9:31

hojalo Isrel hutiina denki mi metiinii dapo kii dalyi lo, hiikahii mepa kema dapo mi miipebiido latrḛ.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

LUK KA AYAPUYU 18:14

Ngo nunumi lukoso, siika miyusi mohka ude ho intiiku ludḛrkokula akoyami hentola; niimpalukoda hujalo atohmi kaye miisutalyi atudopa miikiñdo, hojalo huna atohmi atu miisu talyinii hiimi kaye dopa miikiñdo.”

LUK KA AYAPUYU 10:28

Ho mo mohmi lutii, “No ludiko jaho lukodo; siimi miito, ho no sankiñ doke.”

LUK KA AYAPUYU 10:25

Ho kato, dapochenii kone guritii mohmi tenka dupa, lubiidola, “Tonsḛrbo, ngo niihpe miichinii santḛrlamanii sango kappa dupa?”

ROM MIKA POL KA SIITI KENIIÑ 3:20

Niimpalukoda miyumima kone tiirḛ lupya siila kema mohka hataho dapo miigo miiniiñlo, niimpalukoda dapo hokiila ingyamiigya niika chiniiñ hii ahtii.