MIINIIÑ 13:26 - NITI GONTU N.T. (BSI)

²⁶ Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

MIINIIÑ 13:26 ပူးပေါင်းရင်းမြစ်များ

KOLOSIA 1:5

niimpalukoda nunupaka hentiñ naniiñ doko hopa dariiganda ho. Siika siimi nunu kapyo ho tapa biine jije ka aguñpa, ayapuyumi

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

LUK KA AYAPUYU 1:77

sangopyako ka piigomi luko kiine dupa mohka miyu atañmi mohluka ingyamiigyanii atañ hokii hello biido kula,

LUK KA AYAPUYU 1:69

ho ngunupa sangopyako ka arii sari kendoke mohka miira David ka ude ho,

MIINIIÑ 13:46

Ho Pol la Barnabas nyi harola lutii, lubiidola, Siikasi kapyopa Pinii ka aguñmi nunumi luko lupyo dopa lyido. Niimpalukoda nunu siimi khiipa nyado, ho atohmi santḛrlamanii sango mi larii niipa lyima lusuda, tageto, ngunu Midomiyu atañ ko inchi ke ah.

MIINIIÑ 13:43

Ho sinagog daka dukuñ hii duja kukele, abuje Jew atañ la Judaism hoka lyiguh monii henjenii atañ Pol la Barnabas nyimi imbo montii, hiika atañ mo anye mi lutii ho lyarbiido Pinii ka aroh-aya mi miikañ ari miito hiila.

MIINIIÑ 10:35

hojalo ganda ponge abi hujalo mohmi biiso talyi ho miidi komi miichi hiimi larii doke.

MIINIIÑ 5:20

“Inge ho piniiude ho dange ho miyu atañmi hikha siika sango ka aguñ atañmi lukohe.”

MIINIIÑ 4:12

Ho kone kotrḛ sangopyako hii nyima, niimpalukoda hikha dariiganda ho koneya armyañ bima miyu atañka punkoho nii lona ngunu lyangur kokiñ donii.”

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

METHU 10:6

hojalo Isrel ka ude hoka subuñ lyunii atañ koya ingelya.

METHU 3:9

ho nunu atoh-atoh lusu nyayo, ‘Ngunukii Abraham du ngunuka aba pa’; niimpalukoda ngo nunumi lukoso, Pinii siika yalañ miilañ sokii tula la Abraham ka oho-asi pa miila kendoke.

MIINIIÑ 16:17

Mo Pol ngunumi imbo mongii, gyubii dola, “Siika miyu atañsi Hempḛr Kaye Pinii ka miira atañ, mohlu sangopyako ka lembo mi gyukodo.”

MIINIIÑ 3:26

Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

MIINIIÑ 28:28

Hojalo nunu chinto hokoda siika Pinii ka sangopyako mi Midomiyu atañ ko kiiniñ bulyike: mohlu tage kendoke.

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

MIINIIÑ 10:2

henje nii miyu huna Pinii mi biiso donii hikha mohka uru atañ, hapumibya biidola miyu atañmi hembyuñ tii, ho kiirañ Pinii mi kutii.

MIINIIÑ 22:5

bukuñ nyibu la hikha bulyañ daka amiabañ atañ ngiimi haki bi. Mohluko hokii ngo siiti anubarmii atañpa labiila, ho ngo Damaskas myodi bohii hiika atañ mitrḛ selii biidupa hoka dunii atañmi ho Jerusalem ho selii biila pamyo agii dupa.