MIINIIÑ 11:27 - NITI GONTU N.T. (BSI)

²⁷ Siisi siika myodu so nyibuhenii atañ Jerusalem hokii Antiok ho totii.

MIINIIÑ 11:27 ပူးပေါင်းရင်းမြစ်များ

MIINIIÑ 13:1

Siisi Antiok gyoliñkonii ho hiiko nyibuhenii atañ la tonsḛrbo atañ dutii, Barnabas, Simeon humina Niger gyotiinii, Sairene daka Lucius, Manaen Herod ka hakhupiilyeako ka lengo hoka dunii ako, ho Sol.

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

IPISIA 4:11

Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 2:17

Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

1 KORINTIA 14:32

ho nyibuhengii bo yajiyallo atañ hii nyibuhenii atañka luniiñmi tadu ke.

MIINIIÑ 21:9

Ho mohkii piilye milo imaraniiñ wiinga dune, hii mihukahii.

MIINIIÑ 21:4

Ho henjeajiñ tonge kapa tola, ngunu allo lokanuhe hiiko dutiihe. Yajiyallo lo lukokola mohlu Pol mi Jerusalem ho iyo lutii.

LUK KA AYAPUYU 11:49

Hopa Pinii ka Chiniiñ tiirḛ lutii, ‘Ngo mohlumi nyibuhenii la kiiniñkonii atañmi kiiniñ bichi, hiiko hokii tange mi mohlu menkiñdo ho miihimiire kendo,’

MIINIIÑ 6:5

Ho mohluka niihna lutiinii hikha miyuatañ mi hempyo lupa tii, ho mohlu Stepen mi kahetii, poteje henje ho Darii Yajiyallo giinii miyu, ho Pilip, ho Prokorus, ho Nikanor, ho Timon, ho Parmenas, ho Nikolaus, Antiok hoka Midomiyu.

MIINIIÑ 11:20

Hojalo hiiko tonge datii, miyuatañ Saiprus ho Sairene hokii, hutiina Antiok ho ahtiinii Grik atañ mitrḛ lukotii, Jisu Kristo mi tonsḛr khenyotii.

MIINIIÑ 11:22

Siika puyu mi Jerusalem daka gyoliñkonii atañka yaroo ho tapa tii, ho mohlu Barnabas mi Antiok ho kiiniñtii.

MIINIIÑ 14:26

ho hiiko hokii mohlu Antiok ho khobotii, hiiko mohlu Pinii ka aroh-aya mi assañdiilañ tii nii mina mohlu miipe tiinii.

MIINIIÑ 15:22

Ho si kakele ayatii kiiniñkonii atañ la amiabañ atañpa, hikha gyoliñkonii agiñho, mohluka punko hokii miyu kaheto ho mohlumi Antiok ho kiiniñto Pol la Barnabas nyika agiñho. Mohlu Judas, Barsabbas luniiñ bomi, ho Silas, anubarmii hoka khiiniiñ jami kiiniñtii,

MIINIIÑ 15:30

Ho mohlumi kiiniñ kulala, mohlu Antiok ho totii; ho miyu atañmi tonge pa gyokuñ lala, mohlu siiti mi bibiido.

MIINIIÑ 18:22

Mo Kaesarea ho khochi bobiila, mo ayoh ho chala ho gyoliñkonii atañmi ayahelyi lutii, ho Antiok ho totii.

1 KORINTIA 12:10

kone mi miimalyanii miigomi miidopa, kone mi nyibu hendopa, kone mi yajiyallo atañmi kangu kare ladopa, kone mi abuje aguñ lula dopa, kone mi lusi bila dopa aguñ atañmi.

GELESIA 2:11

Hojalo Cepas ka Antiok hoka ahchi lyiho ngo mohmi cheriitii mohka hataho, niimpalukoda mohmi halii tiiku.