MIINIIÑ 11:26 - NITI GONTU N.T. (BSI)

²⁶ ho mo mohmi kapa lala, mo mohmi Antiok ho ahgiitii. Hikha hiika anyañmi mo anye gyoliñkonii atañmi kapa la lyitii, ho hempḛr miyu taro mi tonsḛr la lyitii; ho Antiok ho henjeajiñ atañmi lutu japa Kristan hiila gyotii.

MIINIIÑ 11:26 ပူးပေါင်းရင်းမြစ်များ

1 PITAR 4:16

hojalo kone matiirḛ kristan lyikohopa heruhendo koda, mohmi hiinyañ kiine lyayo, hojalo hiika armyañ ho mohmi Pinii mi assañ kiineto.

MIINIIÑ 26:28

Ho Agrippa Pol mi lutii, “No ngiimi ohepada myodu so kristan pa miitodo hendoha!”

1 JON 2:27

hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

1 PITAR 4:14

Nunumi matiirḛ khiimapama miido koda Kristo ka armyañ pa, nunu lyanko niike, niimpalukoda tatukatu ka yajiyallo ho Pinii nunuka agiñho duke.

IPISIA 3:15

hukohokiina hikha uru koneabi dariiganda la kiiddiapiñ nyika armyañ mi myantiinii,

1 KORINTIA 14:23

Hopa, matiirḛ, hikha gyoliñkonii dakuñ dala ho khiibe aguñ ludo koda, ho ago hokii malo henjemanii ahdo koda, mohlu lukiñ masu peha nunu rundo hiila?

1 KORINTIA 12:12

Niitañpa apo konesii ho abuje hakhu giidu, hikha hakhu atañ apokii, abuje dosu dojalopa, hii apo konesii, hopa hii chuli Kristo kotrḛ.

1 KORINTIA 11:18

Niimpalukoda, kapyo japa, nunuka gyoliñkonii paka dakuñ lyiho, ngo hiila tapa do nunuka punkoho tache tahe siido hiila; ho ngo tange mi hiila henjedo,

1 KORINTIA 4:17

Hopa ngo kiiniñ tiike nunuko Timoti mi, ngiika heniiñja ho lotii wiinga Attoh ko, nunumi lupa kiine dupa ngiika lembo atañmi Kristo ko, ngiika mohlumi ka tonsḛrnii chulipa kapakohe ka kapane gyoliñkonii ho.

MIINIIÑ 14:27

Ho mohlu ahchi biila, mohlu tongepa gyoliñkonii mi dakuñ giitii ho lukotii hikha Pinii ka mohlumi ka miiniiñmi, ho niihtañpa mo alyeh miiko bitii Midomiyu atañmi henje dopa.

METHU 28:19

Hopa inge ho hikha ganda atañ ho henjeajiñ lyidopa miinge, baptisma bingelya Aba ho Oho ho Darii Yajiyallo ka armyañ pa,

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

MIINIIÑ 14:23

Ho mohlu mohlupa amiabañ kahe tiiku gyoliñkonii penge abi hokii, kuniiñ ho nyobiidola dola, mohlu mohlumi Attoh ko tiilii bitii humina mohlu henje tiinii.

MIINIIÑ 11:27

Siisi siika myodu so nyibuhenii atañ Jerusalem hokii Antiok ho totii.

MIINIIÑ 11:22

Siika puyu mi Jerusalem daka gyoliñkonii atañka yaroo ho tapa tii, ho mohlu Barnabas mi Antiok ho kiiniñtii.

MIINIIÑ 11:20

Hojalo hiiko tonge datii, miyuatañ Saiprus ho Sairene hokii, hutiina Antiok ho ahtiinii Grik atañ mitrḛ lukotii, Jisu Kristo mi tonsḛr khenyotii.

MIINIIÑ 6:5

Ho mohluka niihna lutiinii hikha miyuatañ mi hempyo lupa tii, ho mohlu Stepen mi kahetii, poteje henje ho Darii Yajiyallo giinii miyu, ho Pilip, ho Prokorus, ho Nikanor, ho Timon, ho Parmenas, ho Nikolaus, Antiok hoka Midomiyu.

JON KA AYAPUYU 2:2

Jisu mitrḛ mihie millo lasu koho gyotii, mohka henjeajiñ atañ agiñho.

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

MIINIIÑ 6:1

Siisi hiika allo atañ ho henjeajiñ atañ taro yaya kiile, grik aguñ lunii atañ budubudu luritii Hebrew atañmi niimpalukoda mohluka hiimi atañmi allokamya diigo biko bigo dola hiila.

MIINIIÑ 9:19

ho apiñ diitii ho tamoritii ku. Hempḛr allo abuje mo Damaskas ho henjeajiñ atañ agiñho dabo montii.

MIINIIÑ 9:38

Laida Joppa ka aruñho dosu lyiniiñ, henjeajiñ atañ, tapatii Pitar ho da hiila, mohko miyu anye mi kiiniñtii mohmi lyarbii hiila, “Malokalohe ngunuko ahto diirii miikañ tamapa.”

MIINIIÑ 11:29

Ho henjeajiñ atañ miichiloda hiila hentii, kone abi niimkane mohlu miila kendo, Judia daka dunii anubarmii atañmi bilii talyi hiila;

MIINIIÑ 14:20

Hojalo henjeajiñ atañ mo agiñho dakuñ kiile, mo guritii ho citi ho ahtiiku; ho allo lohe yaho mo Barnabas ka agiñho Derbe ho intii.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MIINIIÑ 14:28

Ho mohlu diiriihe myodu datii henjeajiñ atañ agiñho.

MIINIIÑ 18:27

Ho mo Akaia mi impo biinala henkele, anubarmii atañ mohmi haro lupatii, ho henjeajiñ atañmi mohmi kariikatañ to hiila ketii. Mo ahchi biikele, mo hempḛr uro hembyuñtii hutiina aroh-ayala henjetiinii,

MIINIIÑ 19:9

hojalo tonge henjematii ho tajematii, diima paya lula miyu atañmi diima paya lukola Lembo mi, mo mohluko hokii insa giitii, henjeajiñ atañmi mo agiñho ingiila, ho allo karmyañmi cheriitii Tyrannus daka ude peroho.

MIINIIÑ 20:1

Chesuresu hii yanu hiku kiile, Pol henjeajiñ atañmi gyobiido ho mohlumi harolupatela mohluko hokii indoku ho Masedonia ho intii.

MIINIIÑ 20:30

ho nunuka punko hokii nunuka attoh miyuatañ chekho rila diimmah drih atañmi lukiñdo, mohluka kiiliñ ho henjeajiñ atañmi segii dupa.

MIINIIÑ 21:4

Ho henjeajiñ tonge kapa tola, ngunu allo lokanuhe hiiko dutiihe. Yajiyallo lo lukokola mohlu Pol mi Jerusalem ho iyo lutii.

JEMS 2:7

Siikasi mohluma siipeha huna nipakoya danii khiiniiñ armyañ mi nunu mika myaniiñ mi?