MIINIIÑ 11:16 - NITI GONTU N.T. (BSI)

¹⁶ Ho ngo Attoh ka aguñmi hempa rito, niihtañpa mo lune, ‘Jon yasie la baptisma bido, hojalo nunu Darii Yajiyallo lo baptisma biko kendoke.’

MIINIIÑ 11:16 ပူးပေါင်းရင်းမြစ်များ

MIINIIÑ 1:5

Jon yasie lo baptisma bitii, hojalo allo abu loma rampa nunu Darii Yajiyallo lo baptisma biko kendoke.”

MAK KA AYAPUYU 1:8

Ngo nunumi yasie lo baptisma bibiilyi; hojalo mo nunumi Darii Yajiyallo lo baptisma bikiñ doke.”

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

LUK KA AYAPUYU 3:16

Jon mohlumi lusitii, “Ngo nunumi yasie lo baptisma bidu; hojalo ngiimi tamo-chikho yanii kone ahkiñdo, Ngo mo agiñho mohka luku rappo nanii mitrḛ tapya binii patḛr lyimake; mo nunumi Darii Yajiyallo la yamulo baptisma bikiñ doke.

METHU 3:11

“Ngo nunumi yasie lo baptisma bidu henkur kiine dupa, hojalo ngiika kiiliñ hoka ahnii bo ngiimi tamo-chikho yanii; ngo mohka nyotananii mika biilya binii patḛr lyima. Mo nunumi Darii Yajiyallo la yamu lo baptisma bikiñ doke.

1 KORINTIA 12:13

Niimpalukoda Yajiyallo konelo ngunu hikha baptisma bikotii apo koneho-Jew atañ malo Grik atañ, miira atañ malo dasḛr danii atañ-ho hikha rumi miitii Yajiyallo kone mi tandopa.

MIINIIÑ 20:35

Hikha drih atañ ho ngo nunumi kakiñtii heru biidola kone mi hembyuñ tolya huna ajjudonii, Attoh Jisu ka aguñ luniiñ atañmi hempa biidola, niihtañpa mo lune, ‘Siikasi abuyapa lyanko kendo binii hii lanii mi hentola.’”

JON KA AYAPUYU 16:4

Hojalo ngo nunumi siika drih atañmi lubii lyike, niimpalukoda niidana mohluka myodu ahchinii nunumi hempa kiine dupa siika atañmi ngo lukone hiiha. “Ngo siika drih atañ siimi lotu ho luma to, niimpalukoda ngo nunuka agiñho dato.

JON KA AYAPUYU 1:33

Ngotiirḛ mohmi chima; hojalo mo huna ngiimi kiiniñ tiinii yasie lo baptisma binii pa ngiimi lune, ‘Huko hona no Yajiyallo mi todopa kappa talyinii ho duhadopa, hiike Darii Yajiyallo lo baptisma bikiñ donii.’

JON KA AYAPUYU 1:26

Jon mohlumi lusitii, “Ngo yasie lo baptisma bidu; hojalo nunuka punkoho kone da humina nunu chimanii,

2 PITAR 3:1

Siikasi siiti tanye niipa ke ngo nunumi kebii lyinii, heniiñja, ho tanye ruho ngo nunu denki henjumi hiira herila hempa dopa miitii;

LUK KA AYAPUYU 24:8

Ho mohlu hendḛr ritii mohka luniiñ atañmi,

METHU 3:6

ho mohlu mohlo baptisma bikotii Jordan kiiley ho, mohluka ingyamiigya mi khako siibii dola.