MIINIIÑ 10:2 - NITI GONTU N.T. (BSI)

² henje nii miyu huna Pinii mi biiso donii hikha mohka uru atañ, hapumibya biidola miyu atañmi hembyuñ tii, ho kiirañ Pinii mi kutii.

MIINIIÑ 10:2 ပူးပေါင်းရင်းမြစ်များ

MIINIIÑ 10:4

Ho mo mohmi kadi biido biiso biidola, ho lutii, “Siikasi nii, Attoh?” Ho mo mohmi lutii, “Niika kuniiñ ho niika biliñkeliñ nii Pinii ko lohepa hempa hegiñ naniipa chachi doke.

MIINIIÑ 10:22

Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa

MIINIIÑ 13:16

Hopa Pol guritii, ho mohka alah mi nyabii dola lutii: Isrel daka miyuatañ, ho nunu Pinii mika biisonii atañ, tageto.

MIINIIÑ 10:35

hojalo ganda ponge abi hujalo mohmi biiso talyi ho miidi komi miichi hiimi larii doke.

MIINIIÑ 10:7

Miidopopi mohmika luriibo inke kiile, mo mohka miira anye mi gyolii tii ho henjenii sipahi kone mohmika kalyala danii apur hokii,

MIINIIÑ 8:2

Henjenii miyuatañ Stepen mi alie tiiku, ho mohpa hempḛr heru nyatii.

MIHUKAKIÑNIIÑ 15:4

Hu biiso kema ho niika armyañ mi assañ kema, O Attoh? Niimpalukoda no kontiisii darii. Hikha ganda atañ ahbiila ho niimi herii kendo, niimpalukoda niika ayakacho kaniiñmi kakiñ tiiku.”

MIINIIÑ 18:8

Krispas, sinagog daka sangiibo, Attoh mi henjetii, hikha mohka ude uru agiñho; ho abuje Korint miyuatañ Pol ka luniiñmi tala la henjetii ho baptisma latii.

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

LUK KA AYAPUYU 2:25

Siisi Jerusalem ho miyu kone dutii, hiika armyañ Simeon hiila, ho siika miyu si denki ho Pinii kii dalyi henga niitii, Isrel mika myanii mi kahlya la, ho Darii Yajiyallo mo ayoh ho dabo montii.

JEMS 1:5

Nunu kokii matiirḛ konejalo chila papo domilo, mohmi Pinii kokii kuke nento, huna hikha miyu atañmi kobya la bidunii ho hang gamapa, ho hiika hiimi mohmi bikiñ doke.

1 TESOLONIA 5:17

kukañ ari kuto,

KOLOSIA 4:2

Kukañ ari yanupa kuniiñ mi kuto, hendi biidola hiimi payapacho hiibiidola;

MIINIIÑ 22:12

“Ho Ananias hiila kone, henjenii miyu kone dapo hokii chulipa, hikha Jew atañ loka khiikola hoka dunii,

MIINIIÑ 13:50

Hojalo Jew atañ niibur niigatii tatukatu henjenii annii akha atañmi ho citi daka khiikonii miyu atañmi, ho lubuluga tii Pol la Barnabas mi miihimiire tote hiila, ho mo anye mi gandachie hokii nempa lintii.

MIINIIÑ 10:31

lubiidola, ‘Kornelius, niika kuniiñ mi tapa tiike ho niika binii keniiñ mi Pinii hataho hempa doke.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

MIINIIÑ 9:11

Ho Attoh mohmi lutii, “Gurito ho inge Parda luniiñ lembo ho, ho Judas ka ude ho taka he Tarsus hokii miyu kone Sol hiila armyañ saha; niimpalukoda kato, mo kula dokiñ doke,

LUK KA AYAPUYU 18:1

Ho mo mohlumi lutiñnaniiñ lukotii, hiika lukoniilo mohlumi kiirañ kuke nendupa ho ahha mi hempya siima dopa.

MIINIIÑ 2:5

Siisi Jerusalem ho Jew atañ, henjemiyu atañ hikha ganda abi hokii ahkuñ tola datii.

MIINIIÑ 11:14

mo nunumi puyu luko kendoke nii lona nunumi lyangur kendonii, niimila ho hikha niika uru atañmi.

METHU 25:17

Hii chulipa, talents penye labii botrḛ penye abuyapa miitii.