MIINIIÑ 1:2 - NITI GONTU N.T. (BSI)

² mohmika chagii lyiku allo lohepa, mo Darii Yajiyallo loka lujubiniiñ mi kiiniñkonii atañmi bikulala humina mo kahe tiinii.

MIINIIÑ 1:2 ပူးပေါင်းရင်းမြစ်များ

METHU 12:28

Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke.

METHU 3:16

Ho Jisu baptisma laku lala, mo ohepada yasie hokii chatiiku, ho kato, yapuñ hii betchetii ho mo Pinii ka Yajiyallo mi pakoo chulipa gohi dopa kappatii, ho mohmi yamu chulipa byokhe tii;

MAK KA AYAPUYU 6:30

Kiiniñkonii atañ Jisu ko ahkur tiiku, ho mohmi luko biido hikha mohluka miiniiñ-paniiñ ho tonsḛr niimi.

LUK KA AYAPUYU 24:51

Mohka mohlumi ka lyala doho, mo mohluka agiñ hokii intiiku, ho dariiganda ho chagii kotiiku.

LUK KA AYAPUYU 9:51

Allo hii tunii yaya tiiku niimpalukoda mohmi hahoho larii diikupa, mo Jerusalem ho inchi hiila henju tiiku.

JON KA AYAPUYU 1:16

Ho mohka poteje doniiñ hokii ngunu miilañru lariitii, aroh-aya ka hahoho aroh-aya.

JON KA AYAPUYU 13:1

Siisi Impobiiniiñ dituñ soma rampa, Jisu chintii mohka myodu ahdoku siika dohadolo simi apa tekula Aba ko indu kupa, mohka attoh miyu atañmi hentii hutiina dohadolo so danii, mo henkañ kendo kamikalo lohepa.

JON KA AYAPUYU 13:18

Ngo nunu miilañ rumi luma ke; ngo chindo ngo humina kahe tiinii hiila; siikasi piniipota mi miipe kiinedupa, ‘Huna ngiika yatañ mi diitiinii mohka ludu lo ngiimi nyoje biido.’

JON KA AYAPUYU 13:3

Jisu, Aba hikha drih atañmi mo alah ho bitii hiila chimbii tola, ho mo Pinii kokii ahdo ho Pinii ko inkiñdo hiila,

JON KA AYAPUYU 16:28

Ngo Aba kokii ahdu ho dohadolo so ahdu; hiira, ngo dohadolo mi apatela inchi ku ho Aba ko inchi.”

JON KA AYAPUYU 17:13

Hojalo siisi ngo niiko ahlyi kuke; ho siika drih atañmi ngo dohadolo so luko du, niimpalukoda mohluko ngiika hempyo mi mohlupa giitii pake nendupa.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

JON KA AYAPUYU 6:62

Hokoda nunu matiirḛ miyu ka Oho mi mohka kapyo duko ho chala dopa kappa doko dano?

JON KA AYAPUYU 6:70

Jisu mohlumi lusitii, “Ngo nunumi kahe masuha ehna?, alyañlenye, ho nunuka punkoho kone igii ke.”

MIINIIÑ 1:11

ho lutii, “Galili daka miyuatañ, niimpa nunu dala yapuñ ho kala da? Siika Jisu, humina nunukokii dariiganda ho chagii nekunii, ahkur kendo si chulipa niihtañpa nunu mohmi dariiganda ho chadopa kappatii.”

MIINIIÑ 1:13

ho mohlu ahbiikula, mohlu chidii ayoho chatii, hiikoho mohlu dutii, Pitar ho Jon ho Andrew, Pilip ho Tomas, Bartolomiu ho Methu, Alpayas ka oho Jems la Zealot daka Saimon ho Jems ka oho Judas.

MIINIIÑ 1:22

lotujaho hokii Jon ka baptisma bilyi hokii khiiri biila mohmika ngunu apur hokiika chagii menda hemi, ngunu punko hokii siika miyu mi ngunu agiñho dagii kendo mohka turiturku kuniiñ mi haki binii pa.

MIINIIÑ 1:9

Ho mo siimi luku lala, mohluka kala dorañpa, mohmi chagii tiiku, ho jomii mohmi hipu biitii mohluka kadopa.

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

GELESIA 1:1

Pol kiiniñkonii kone. Miyu kokiima malo miyu loma, hojalo Jisu Kristo ho Pinii Aba kiilo, huna mohmi shiinii hokii seri tiinii,

IPISIA 2:20

liidi mi pentii ku kiiniñkonii la nyibuhenii nyiko, Kristo Jisu mo atoh loda siirañrantu pa dugiidola,

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

2 PITAR 3:2

niimpalukoda nunu hempa to darii nyibuhenii atañka lumyo niimi ho Attoh ho Lyangur boka lujubiniiñmi nunupaka kiiniñkonii atañ kiilo.

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

MIHUKAKIÑNIIÑ 2:29

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

MIHUKAKIÑNIIÑ 21:14

Ho citi ka tarsi ho alyañlenye liidiraniiñ do, ho hiikaho alyañlenye Subuñ ka kiiniñkonii ka armyañ hii giido.

MIHUKAKIÑNIIÑ 3:13

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’

MIHUKAKIÑNIIÑ 3:16

Hopa, niimpalukoda nunu guluñgule do, ho lakhii tiirḛ lakhiima ho gubu tiirḛ gubuma, ngo nunumi ngiika aguñ hokii chupa linchi.

MIHUKAKIÑNIIÑ 3:22

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii.’”