MIINIIÑ 1:14 - NITI GONTU N.T. (BSI)

¹⁴ Hikha siika atañ tongepa miilañru kuniiñ ho hengatii, annii akha atañ agiñho ho Jisu ka annii Mary agiñho, ho mohka anubarmii agiñho.

MIINIIÑ 1:14 ပူးပေါင်းရင်းမြစ်များ

METHU 12:46

Mohka miyu atañmi lula dorañpa, kato, mohka annii la mohka anubarmii atañ agoho datii, mohmi lurii dupa hiila.

METHU 21:22

Ho nunuka kuniiñ ho nii jalo kuchi, nunu hiimi pakiñ doke, nunu matiirḛ henje dokoda.”

METHU 27:55

Hiiko annii akha miilañ abuje datii, adho hokiila kala datii, Galili hokii Jisu mika imbo monii, mohmi miiho luhoniiñ;

MAK KA AYAPUYU 15:40

Hiika ho annii akha atañ miilañ adho hokiila kala datii; hoka danii atañ Mary Magdalen, ho Mary Jems la Joses ka anu ka annii, ho Salome miilañ datii,

MAK KA AYAPUYU 16:1

Ho dumoalo loja kukele, Mary Magdalen, la Jems ka annii Mary, ho Salome naru nempyo giinii biiliitii, niimpalukoda mohlu ila ho mohmi nelii dupa.

LUK KA AYAPUYU 11:13

Ho nunu matiirḛ diimmah siidotrḛ, chindo niihtañpa aya ahmiñayiñ nunuka wiinga atañmi bikiñdo hiila, niimkane abu dariiganda daka Aba bikiñdo Darii Yajiyallo huna mohmi kuchinii!”

LUK KA AYAPUYU 18:1

Ho mo mohlumi lutiñnaniiñ lukotii, hiika lukoniilo mohlumi kiirañ kuke nendupa ho ahha mi hempya siima dopa.

LUK KA AYAPUYU 23:49

Ho mohmika kachiñ nii atañ la annii akha atañ mohmika Galili hokii ka imbo monii atañ adho ho dala kala datii ho siika drih atañmi kappatii.

LUK KA AYAPUYU 23:55

Annii akha atañ Galili hokiika mo agiñho ahbomonii atañ imbo montii, ho byuh mi kappatii, ho niihtañ pana mohmi jotiinii;

LUK KA AYAPUYU 24:10

Siisi Mary Magdalen ho Joanna ho Jems ka annii Mary ho khiibe annii akha atañ mohluka agiñ hoka dabo monii atañ kiiniñ koniiñ atañmi siimi lukotii;

LUK KA AYAPUYU 24:33

Ho mo anye hiika myodu jaho gurila ho Jerusalem ho ahkur tiiku; ho mo anye alyañlenkuñ hemi kappatii ho hutii na mohluka agiñho dabo montiinii,

LUK KA AYAPUYU 24:53

ho piniiude ho dukañ patii Pinii mi assañla.

LUK KA AYAPUYU 8:20

Ho mohmi lukotii, “Niika annii la niika anuabañ atañ agosi da, niimi kappa nalha.”

MIINIIÑ 2:1

Penticost allo ahku kiile, mohlu hikha duko akoda dukuñ siitii.

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

MIINIIÑ 2:46

Ho allo karmyañmi, tongepa piniiude ho ahtii ho mohluka ude ho yatañ mi petulala diitii, mohlu hempyo biidola ho kobya ahha giibii dola diigo diihiñ nyatii,

MIINIIÑ 6:4

Hojalo ngunu attohmi kuniiñ sola ho piniipota lugo soya hengasa.”

ROM MIKA POL KA SIITI KENIIÑ 12:12

Nunuka hentiñ naniiñ ho hempyo tolya, hentḛrkanyi ahlyiho yanu tolya, kuniiñ mi kukañla dutolya.

1 KORINTIA 14:13

Hopa, huna khiibe aguñ ludonii kuto lusi naniiñ ka harchichike mi bipe hiila.

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

KOLOSIA 4:2

Kukañ ari yanupa kuniiñ mi kuto, hendi biidola hiimi payapacho hiibiidola;