MIHUKAKIÑNIIÑ 8:7 - NITI GONTU N.T. (BSI)

⁷ Kappyoja miidopopi mohka siiriilo mubiido, ho hiika kiiliñ ho tari la yamu nyi dojo mondo, ai hokii miiyo tola, niihna kiiddiapiñ ho huhi donii; ho kiiddiapiñ ka hingenii hakhu mi yamu lyabiine, ho sannii atañka hingenii hakhumi lyalo biine; ho hikha jiji tammi atañmi lyakhii biine.

MIHUKAKIÑNIIÑ 8:7 ပူးပေါင်းရင်းမြစ်များ

MIHUKAKIÑNIIÑ 9:4

mohlumi lubiido kiiddiapiñ daka tammi mi miidañ yo malo salyi lela sancha niimi malo sannii mi hang heru dopa miiyo, hojalo hiika miyu atañmi miito hutii kiina mohluka tiirii ho pinii ka jhipponiimi giimanii;

MIHUKAKIÑNIIÑ 9:18

Siika hinge dolilo miyu atañka hingenii hakhumi membiido, yamulo ho mukulo ho sulphur lo mohka aguñ hokii ka muliñ niilo.

MIHUKAKIÑNIIÑ 9:15

Ho piilye miidopopi atañmi tiipa limbiido, humina hemmyo tola atii tiinii siika myodupa, allopa, piilopa, ho anyañpa, mendupa miyu atañka hingenii hakhu mi.

MIHUKAKIÑNIIÑ 16:21

ho hempḛr uro tari kune, tulange aie kane, miyu ka ayoh ho alotii yapuñ hokii, miyu atañka Pinii mika bemiñ da hemi tari doli kiipa. Hiitañ biiso hiika doli hii.

MIHUKAKIÑNIIÑ 16:2

Hopa kapyoja miidopopi impyone ho mohka paaka lo riipu biine kiiddiapiñ mi, ho kacho ho ayamanii huli giiliñ miyu atañko huna achu-amyo miihoniiñ giidonii ho heriidonii hiika puchi niimi.

MIHUKAKIÑNIIÑ 12:4

Mohka amie lo yapuñ daka takḛr hakhu hingemi halo biido, ho hiika hiimi kiiddiapiñ ho jopa lobiido. Ho tabuhii annii akha ka hataho da huna wiinga biipa miidonii, niimpalukoda mo mohka wiinga mi diidupa hiila buliñ dalyi;

MIHUKAKIÑNIIÑ 6:8

Ho ngo kapato, ho kato, loppo gora dore, ho hiika gora yonii boka armyañ hii Shiiniiñ hiila, ho nelimyoko hii mo kiiliñ ho injo mondo, ho mohlumi harchichike mi bibiido kiiddiapiñ ka piilyenii hakhu akomi tamobiila dopa, ilyo lo mendo pa ho diime ahniiñlo ho dolipiiliñlo ho kiiddiapiñ daka morey achu-amyo lo.

1 PITAR 1:24

niimpalukoda “Hikha asiialyo hii tammi chuli ke ho hikha siika tatukatu hii tammi apoo chuli siike. Tammi hii sendu, ho apoo hii liidu,

JEMS 1:11

Niimpalukoda danyi chalyiho hiika uropaka benniiñlo tammi mi benkhii kendo; hiika apoo hii pusi kendo, ho hiika kapyo hii lyudu. Hiichulipa mingo miyu tiirḛ lyukiñdo mohka kiiri miiniiñ ka punko hokii.

MIHUKAKIÑNIIÑ 7:1

Hiika hiiba ho ngo kapato piilye miidopopi atañ kiiddiapiñ ka piilye khonchañ ho dabiidopa, kiiddiapiñ hokiika piilye allyi heliñ niimi gatu biitola, niimpalukoda hang allyi mi heliñ madopa kiiddiapiñho malo siimie ho malo sannii buhe hotiirḛ.