MIHUKAKIÑNIIÑ 7:14 - NITI GONTU N.T. (BSI)

¹⁴ Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

MIHUKAKIÑNIIÑ 7:14 ပူးပေါင်းရင်းမြစ်များ

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

MIHUKAKIÑNIIÑ 22:14

Lyanko kendo hiika atañ hutiina mohluka tarii mi ase tiikunii, niimpalukoda mohlumi diila dopa sango ka sannii hokii ho mohlumi hagya hopa citi ho ahla dopa.

HIBRU 13:12

Hopa Jisu tiirḛ hagya agoho heru hembi tii niimpalukoda miyu atañmi darii miidupa mohka atoh ai lo.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

1 PITAR 1:19

hojalo Kristo ka khiiniiñ ai lo, hii chuli subuñ pamyo takho giimanii malo page maniihokii.

1 KORINTIA 6:11

Ho sichuli ke nunu tonge. Hojalo nunu asekokunii, nunu darii miiko kunii, nunu lupya kokunii Attoh Jisu Kristo ka armyañ pa ho ngunuka Pinii ka Yajiyallo ho.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

METHU 24:21

Niimpalukoda hempḛr hentḛrkanyi dokiñ doke, Pinii ka puliñ biihokii siilo lohe paka lyika manii, ma, ronge hetḛr lyikiñ mata.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

MIHUKAKIÑNIIÑ 17:6

Ho ngo annii akha mi kapato, piniimiyu atañka ai hokii tangii tola ho Jisu paka shiibi nii atañka ai mi. Ngiika mohmika kapa lyiho ngo ano hemurto.

ROM MIKA POL KA SIITI KENIIÑ 5:3

Hiimitiirḛ abuyapa, ngunu hempyodu ngunuka heruhenkoho, chimbiitola heruheniiñ hii pigiilaniiñ mi lingiidu,

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MIHUKAKIÑNIIÑ 15:2

Ho ngo kapato kakoho sisa ka siimie hiilyañ yamu hokii miiyo tola, ho hutiina pamiñ tiinii achu-amyo mi ho hiimika puchiniimi ho abuje hiika atañka armyañ mi, sisa ka siimie ka aruñho dami mohluka alah ho Pinii ka berañ mi jobii tola.

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

2 TESOLONIA 1:4

Hopa ngunu atohpa khansudu Pinii ka gyoliñkonii atañ ho niimpalukoda nunuka ranttiniiñ giiko hopa ho henjemi hikha nunumika miihimiire hotiirḛ ho pamyotakho mika nunuka pigii niimi.

MAK KA AYAPUYU 13:19

Niimpalukoda hiika allo ho hiitañ hentḛrkanyi kendo Pinii ka puliñ biihokii siilo lohe paka lyika manii, ho ronge hetḛr lyikiñ mata.

MIHUKAKIÑNIIÑ 7:9

Siika hiibaho ngo kapato, ho kato, hempḛr taro miyu nii mina miyu kone hetrḛ khiila kema, ganda kone abi hokii, kapane halugiira hokii ho miyuatañ, ho aguñ atañ, raddeduko ka hataho danyada ho Siibuñ ka hataho, puloo tarii giinya tola, pam sannii ka halloh mi biitola mohluka alah ho,